SOEK HIER VIR BYBELGEDEELTES


Tik die naam van die Bybelboek wat jy soek hieronder in om die resultate te "filter". Dit sal jou baie gou wys of die hoofstuk of perikoop wat jy soek hier beskikbaar is.

Die vorige alfabetiese lys is steeds hier, maar sal nie langer opgedateer word nie.



Kerkjaar 2017-18

File Version Licence Size Added Hits
Hebreërs 9:24-28.doc 172 KB Oct 31, 2018 09:10 Download 212

Hebreërs 9:11-14 – Vier en Twintigste Sondag in Koninkrykstyd – 4 November 2018

Hebreers9 11-14Carolyn Brown sê tereg dat die aanvanklike lesers van hierdie teks bekend was met diere-offers. Vir kinders, wat letterlike denkers is, is die konsep van offers gewoon te moeilik om te verstaan. As jy dit egter wel wil waag om hierdie teks met kinders te behandel, begin by ‘n eenvoudiger vertaling. Gesels dan oor die betekenis van bloed in families en Jesus se bloed wat ons skoon was soos water (doop). Of sluit aan by die konsep van “gewete” waarna in die preek verwys word. Hebreërs is 'n preek wat moeë gelowiges van voor af sterk maak (Stephan Joubert). Hulle het baie teenstand beleef en die Hebreërbrief moedig sy eerste lesers aan om nooit moed op te gee nie. Hulle moet volhard, want Christus kom weer. Hulle swaarkry is nie die einde nie. Die brief bemoedig die lesers deur van hulle goeie kennis van die Ou Testament gebruik te maak. Om in Jesus te glo en Hom te volg is om op 'n geloofsreis te wees. Hulle is soos die rondreisende Israeliete in die woestyn. Die gevaar is dat hulle God se groot Sabbatsrus sal misloop – soos die Israeliete - deur handdoek in te gooi. Die groot skare getuies uit die Ou Testament moedig gelowiges aan om trou aan die Here te bly. Hoe sal die gelowiges dit regkry om te volhard? Hulle moet aan Christus vashou as die gesag-hebbende spreekbuis van God. Hulle moet Christus se reddingswerk reg begryp. Hulle moet vashou aan Hom as die enigste Hoëpriester wat 'n nuwe verbond tot stand gebring het. Christus is die Begin en die Einde van hulle geloofspad.

Hebreërs 9:11-14.ppt 356 KB Oct 28, 2018 15:40 Download 164
Hebreërs 9:11-14.pptx 268.48 KB Oct 28, 2018 15:39 Download 161
Hebreërs 9:11-14.doc 121.5 KB Oct 27, 2018 13:47 Download 490

Markus 10:46-52 – Drie en twintigste Sondag in Koninkrykstyd – 28 Oktober 2018

Markus10 46-52Gesels met die kinders oor hoe dit voel jy as jou ma/pa jou roep. Of as jy hulle stem hoor? Gesels oor verskillende situasies. Om Jesus se stem te hoor, is egter altyd lekker. Dit maak nie saak wat die omstandighede is nie, want Hy roep om mense gesond te maak en te help. Dis presies wat die dissipels van Jesus geweet het. Hulle sê vir die blinde: Hou moed! Staan op! Hy roep jou. Die preekriglyn begin met die lied Amazing grace! Hierdie woorde uit die pen van John Newton (1725-1807) word vandag nog reg rondom die wêreld gesing. Dit is gebore uit sy persoonlike ervaring. Die lied het 'n eenvoudige boodskap. Vergifnis en verlossing is moontlik, ten spyte van 'n sondige lewe. Dit is God se verrassende genade wat mense red, hoe verlore ook al. Hoe blind ook al en vasgevang in wat verkeerd is, kan God mense aanraak en laat sien. Uit sy eie getuienis was John Newton blind, maar God het hom aangeraak en hom laat sien.

Markus 10:46-52.ppt 6.87 MB Oct 20, 2018 14:54 Download 184
Markus 10:46-52.pptx 6.69 MB Oct 20, 2018 14:52 Download 189
Markus 10:46-52.doc 128 KB Oct 20, 2018 14:51 Download 311

Psalm 104:1-9, 24, 35c – Twee en twintigste Sondag in Koninkrykstyd – 21 Oktober 2018

Psalm104 1-9 24 35cKoos van der Merwe van Prophet het n.a.v. Psalm 148 hierdie Psalm, getiteld “asems” geskryf, teks ingesluit. Verduidelik dat die Psalm God loof as skepper wat die aarde bewoonbaar gemaak het (kyk in die preek). Skryf dan saam julle eie Psalm! Hierdie is ook ’n ideale geleentheid om te praat oor ons verantwoordelikheid teenoor die skepping, om na die natuur om te sien. ’n Heerlike storie wat jy altyd kan gebruik wanneer dit gaan oor die versorging van die skepping, is die van Wangari Maathai, wat die “Green Belt Movement” begin het deur 9 boompies in haar agterplaas te plant. Uiteindelik is daar 30 miljoen bome in Kenya geplant, 80 000 mense se inkomste het vermeerder en die beweging het oor 30 lande in Afrika versprei. Die preekriglyn begin met die pragtige gedig van die Sweedse digter Carl Gustav Boberg: "O Sture Gud" (1885) wat wêreldwye aanklank gevind met die refrain: Dan moet ek juig, my Redder en my God! Hoe groot is U, hoe groot is U! Want deur die hele skepping klink dit saam Hoe heerlik Heer U grote Naam! Deur eksegeties deur die ses dele van die Psalm te werk kan die boodskap gebring word dat al is God vir baie gelowiges prakties afwesig, wil die Psalm ons weer in verwondering voor Hom laat staan en besef dat alles hulle lewe uit God se hand ontvang.

Psalm 104:1-9, 24, 35c.ppt 6.44 MB Oct 07, 2018 14:43 Download 203
Psalm 104:1-9, 24, 35c.pptx 6.32 MB Oct 07, 2018 14:41 Download 181
Psalm 104:1-9, 24, 35c.doc 106 KB Oct 07, 2018 14:41 Download 289

Hebreërs 4:12-16 – Een en twintigste Sondag in Koninkrykstyd – 14 Oktober 2018

Hebreers4 12-16Julle speel krieket en jy kry 'n lekker harde hou in – maar, o aarde, die bal trek reguit oor die heining en jy hoor glas breek. Jy besef die krieketbal is deur een van die bure se vensters. Almal hardloop en gaan kruip weg, hulle is bang dat die buuroom kwaai oor die muur gaan loer en met hulle raas. Jy kan nie hardloop nie, jy is lam van die skrik. Vensters is duur. Hoe gaan jy dit betaal? Jy besluit vinnig jy sal maar aanbied om die res van die jaar elke Saterdag die bure se motor te was. Toe besef jy een van jou maats wat saam gespeel het, Bennie, het nie weggehardloop nie. Hy staan by jou. Dis die bure se seun! Hy stel jou gerus dat hy met sy pa sal praat en verduidelik wat gebeur het. Hy kom terug en roep jou omdat sy pa met jou wil praat. Hy sê jy hoef nie bang te wees nie, maar jou broek bewe. Jy stap saam en jy kan nie glo wat jy sien nie. Sy pa is toe nie eens kwaad nie! Bennie het aan hom verduidelik dat hulle gespeel het en dat dit 'n ongeluk was. Sy pa sê jy hoef nie bekommerd te wees nie. Hy sal met die versekering reël dat die ruit vervang word. Jy hoef nie te betaal daarvoor nie. Baie verlig gaan jy terug, roep jou maats en julle speel verder krieket, maar hierdie keer is julle almal baie versigtig dat so iets nie weer gebeur nie. Dit is presies waaroor die fokusteks vandag handel. Daar is twee kragtige bewegings in ons teks: Verse 12-13: In die eerste beweging word vertel hoe die Woord van God ons voor God blootlê. Dit beoordeel die bedoelings en gedagtes van die hart, en ontbloot alles voor God; Verse 14 – 16: In die tweede beweging word ons na die genadetroon van die Hoëpriester, Jesus Christus, geneem. Waar ons wonde en gebreke in die eerste beweging blootgelê is, ontmoet ons in die tweede beweging die voorsiening wat God in Jesus vir ons sonde gemaak het.

Hebreërs 4:12-16.ppt 6.36 MB Oct 07, 2018 14:40 Download 199
Hebreërs 4:12-16.pptx 6.22 MB Oct 07, 2018 14:38 Download 191
Hebreërs 4:12-16.doc 122.5 KB Oct 07, 2018 14:38 Download 291

Hebreërs 1:1-4; 2:5-12 – Twintigste Sondag in Koninkrykstyd – 7 Oktober 2018

Hebreers1 1-4-2 5-12Die Seisoen van Luister preekstudie vir 2008 stel voor om ’n klomp goed te kry waardeur ons met iemand praat: ’n telefoon, selfoon, tweerigting radio, “pager”, megafoon, jy kan selfs die blikkies met toutjies in verduidelik en demonstreer. Praat dan oor die nadele daarvan. Net een op ’n slag kan praat. God het die beste manier waardeur hy met ons praat. Sy naam is Jesus en Sy praat was ook wys. Doen ’n demonstrasie met die volgende boodskap: “Ek is lief vir jou”. As jy tweerigting radio’s kan kry, gaan dit die beste effek hê. Die boek Hebreërs is eerder 'n preek, "'n woord van aansporing", as 'n brief. Dit is ryk in simboliek, met 'n duidelike fokus: volharding in die geloof. Die oproep in Hebreërs is direk en persoonlik. Dit moedig gelowiges aan om aan Christus te bly vashou en te volhard in geloof. Daarom begin Hebreërs met 'n sterk bevestiging van wie Jesus Christus is. Dit gee 'n omvattende en wonderbaarlike beskrywing van die wese en werke van die Seun van God. Hierdie beskrywing strek terugwaarts in die geskiedenis, tot by die skepping, en strek aan die ander kant vorentoe tot by die voleinding van alles. Die Hebreërbrief se getuienis oor Jesus laat mens met verwondering oor God en Jesus. Dit is verstommend dat God in Jesus op die aarde aangekom en vir ons verlossing bewerk het. Dit is verruklik dat Jesus ons Broer en Leidsman na die lewe is. Daarom is ons diepste en hoogste lofprysing aangewese reaksie op hierdie teks.

Hebreërs 1:1-4, 2:5-12.ppt 2.11 MB Oct 02, 2018 05:51 Download 187
Hebreërs 1:1-4, 2:5-12.pptx 1.92 MB Oct 02, 2018 05:50 Download 200
Hebreërs 1:1-4, 2:5-12.doc 146.5 KB Oct 02, 2018 05:50 Download 352

Ester 7:1-6, 9-10 – Negentiende Sondag in Koninkrykstyd – 30 September 2018

Ester7 1-6 9-10’n Skakel na ‘n pragtige video met die verhaal van Ester is ingesluit vir Familietyd. Die preekriglyn skets eers die agtergrond van die verhaal voordat die gebeure by Ester se maaltyd vir die koning en Haman op die tafel kom. Dit is hooggespanne oomblikke. Hierdie paar momente gaan bepaal wie lewe en wie sterwe. Vir Ester is daar nie meer omdraaikans nie. Deur Haman as die vyand te identifiseer, identifiseer sy haarself as 'n Jood. Sy plaas haarself ook onder die koning se bevel dat die Jode uitgeroei moet word. Die koning kies om haar te spaar en só ook haar volk. Haman het vir Mordegai 'n gat gegrawe. Nou val hyself daarin. Dit gee ons ‘n perspektief op boosheid. Haman se plan is hoe die werklikheid van boosheid lyk. Haman gebruik sy invloed en mag om dood te bring. In Haman se val sien ons egter hoe God se heil en bedoelinge om redding te bring, 'n nuwe toekoms, voortgaan. Haman illustreer ook dat mens versigtig moet wees om te haat en ander se ondergang te soek. Die diepste indruk wat die boek laat, is dat God op ongelooflike fyn beplande maniere teenwoordig is in alles wat rondom ons en met ons gebeur. God se hand is in alles teenwoordig, verborge en amper onopvallend, maar werklik en deurslaggewend. Hy laat die regte ding op die regte tyd gebeur, want Hy wil: "alles ten goede laat meewerk vir dié wat Hom liefhet." (Rom. 8:28). Dit doen hy deur omstandighede, onverwagte wendinge en die keuses van mense, ook jou eie keuses. Ons noem dit God se voorsiening. Hy IS die voorsienigheid! Buitengewone toevallighede is eintlik Godsvallighede!

Ester 7:1-6, 9-10.ppt 1.62 MB Sep 22, 2018 08:46 Download 179
Ester 7:1-6, 9-10.pptx 1.42 MB Sep 22, 2018 08:45 Download 173
Ester 7:1-6, 9-10.doc 110.5 KB Sep 22, 2018 08:45 Download 273

Spreuke 31:10-31 – Agtiende Sondag in Koninkrykstyd – 23 September 2018

Die woord wat hier vertaal word as “knap” is hayil. Dit word op verskillende wyses in die Bybel gebruik, meesal in die betekenis sterk, dapper ofSpreuke31 10-31 wys. ‘n Mens moet die word dus ook in daardie sin vertaal. Gebruik dus vandag om stories van dapper vroue te vertel. Daar is ’n magdom om uit te kies – skakels ingesluit! Die preekriglyn wys hoe die boek omraam word deur die pa in gesprek met sy seun (hfs 1-9) aan die begin van die boek, en hier die ma in gesprek met haar seun (hfs 31) aan die einde van die boek. Dit wys nie net hoe ewewigtig die boek aan mekaar gesit is nie, deur aan albei ouers se onderrig aandag te gee, maar ook hoe noodsaaklik beide ouers se onderrig en leiding in 'n kind se lewe geag word. Dit is opvallend hoe die ma haar seun se onderskeidingsvermoë juis oor vrouens wil opskerp, maar op 'n ander wyse as wat die pa vroeër gedoen het. Waar die pa baie uitgebrei het oor hoe vreeslik dit is om te val in die hande van die vreemde vrou (in drie al hoe langer en uitgebreide gedeeltes), en min gesê het oor die waarde van die regte vrou, doen die ma dit andersom. Sy is duidelik oor wie hy moet vermy, maar doen dit kort en kragtig. Teenoor die kort aandag wat die ma aan die vreemde vroue verleen (2 verse), staan die lied oor die regte vrou wat in 'n oorvloedige sin, in 'n fyn uitgewerkte gedig, die lof van die regte vrou besing, dié een met wie die koning sy lewe moet deel. Die ma brei uitvoerig uit oor die geweldige voordele wat só 'n vrou vir hom sal hê. Hy kan en moet haar op geen manier mis nie! Dit is die tipe onderrig wat verandering bring, omdat dit uitnooi na 'n baie beter toekoms met 'n helder aantreklike visioenêre prentjie daarvan!

Spreuke 31:10-31.ppt 1.02 MB Sep 10, 2018 17:45 Download 214
Spreuke 31:10-31.pptx 947.74 KB Sep 10, 2018 17:43 Download 213
Spreuke 31:10-31.doc 132 KB Sep 10, 2018 17:43 Download 303

Spreuke 1:20-33 – Sewentiende Sondag in Koninkrykstyd – 16 September 2018

Spreuke1 20-33Die fokusteks oor wysheid is moeilike materiaal om met kinders te hanteer. Miskien kan jy doodgewoon vir hulle die storie van ’n wyse man te vertel... Salomo! Brei uit oor hoe die Here hom wysheid gegee het by Gibeon en die effek daarvan in sy lewe. Die preekriglyn begin met die vraag na die wysheid. Hoe steek die lewe inmekaar? Wat is die diepste geheim van 'n gelukkige lewe? Waar vind ons die praktiese vaardigheid om verstandig en wys op ons lewensreis te gaan? Hoe kan ons tussen al die onsekerhede van die lewe deur stuur op 'n manier wat 'n betekenisvolle lewe verseker, sonder om oorversigtig of sinies te raak? Waarin lê die wysheid om goed te leef? Die antwoord lê paradoksaal daarin om wysheid weg te gee, sodat ons wysheid kan bekom. Want, wysheid begin met ontsag vir God. Die Here se gebooie is ons bakens op die wyse lewensweg. Dit is die lewenskeuse wat ons moet maak.

Spreuke 1:20-33.ppt 1.04 MB Sep 10, 2018 05:45 Download 201
Spreuke 1:20-33.pptx 887.56 KB Sep 10, 2018 05:44 Download 195
Spreuke 1:20-33.doc 117.5 KB Sep 10, 2018 05:43 Download 314

Markus 7:24-37 – Sestiende Sondag in Koninkrykstyd – 9 September 2018

Markus7 24-37aSoos altyd met verhalende tekste, is dit belangrik dat die kinders gewoon die verhaal hoor. Lees dit dramaties voor uit ‘n kinder-vriendelike Bybel. Kry twee lesers wat op verskillende plekke in die kerkgebou staan, om die twee verhale te lees. Of laat kinders jou help met die skriflesing. Wys verskillende karakters aan. Terwyl jy die teks lees, laat hulle die gebeure opvoer. Imprompto werk goed, veral as jy ‘n paar vrymoedige kinders in die gemeente het. Ingesluit is ‘n oulike idee vir ‘n aktiwiteit, waar kinders gesigte met lang tonge kan maak, wat by die tweede deel van die skriflesing pas. Hierdie kan ook ‘n goeie geleentheid wees om te gesels oor die maniere waarop julle gemeente en eredienste toeganklik is vir gestremde mense. As jy ‘n storie wil vertel, kan Horton Hears a Who goed werk – die boek, waarvan daar ook ‘n paar jaar gelede ‘n fliek gemaak is. Video en ‘n inkleurprent van Horton ingesluit. Dit gee ‘n uitstekende inleiding tot die besondere ryk gebeure in die bediening van Jesus waarvan Markus ons hier vertel. Die beginsel van ‘n rein hart word geïllustreer met die genesing van die kind van die heidense vrou. Die beginsel van die genesing van die totale mens word geïllustreer met die genesing van die doofstom man. Die preek sluit af met ‘n bemoedigende woord aan diegene wat nie genees word. Jesus het nie alle siekes genees nie. Sy genesings is egter die teken dat Hy waarlik die Seun van God is, die Een in wie se hande ons hede en ons toekoms veilig is. Hy is met ons op pad na die nuwe aarde waar daar genesing vir almal is.

Markus 7:24-37.ppt 1.21 MB Aug 28, 2018 11:47 Download 284
Markus 7:24-37.pptx 1.12 MB Aug 28, 2018 11:46 Download 214
Markus 7:24-37.doc 117 KB Aug 28, 2018 11:45 Download 361

Markus 7:1-8, 14-15 – Vyftiende Sondag in Koninkrykstyd – 2 September 2018

Markus7 1-8 14-15Lees die eerste deel van die fokusteks uit Die Nuwe Testament vir Kinders. Dink saam met die kinders oor wat Jesus gesê het en nie gesê het nie... oor hande was, en geloof. Dit gee ‘n goeie inleiding vir die preekriglyn wat inlei met die feit dat eer en skaamte belangrike waardes wa binne die Mediterreense wêreld waarbinne die Nuwe-Testamentiese gebeure afspeel. Mense se eer was afhanklik van hulle goeie naam in die openbaar. Eer kon onder andere verwerf word deur openbare debatte. Hier het mense mekaar uitgedaag tot debatvoering en twisgesprekke. Die uitdaging het gewoonlik begin met 'n vraag gevolg deur 'n opmerking in die vorm van 'n belediging of beskuldiging. Indien die een wat uitgedaag is nie met 'n goeie teenvraag of antwoord kon kom nie, het hy/sy die strydgesprek verloor. Aan die einde van so 'n debat is die wenner gewoonlik bepaal deur die aanwesiges se applous of hulle mondelinge opmerkings oor wie die wenner volgens hulle oordeel was. Ons Skrifdeel beskryf sodanige situasie. Jesus kom egter in die teksgedeelte nie met 'n direkte oplossing vir die probleem na vore nie. Hy kom uitlig uit dat uiterlike gebruike nie die mens gaan verander nie, maar die koninkryk van God wel. In Jesus is die voorskrifte en gebruike van die ou verbond voltooi, sodat navolgers van Jesus op 'n nuwe manier in God se koninkryk kan leef. Dit verander hoe ons die Bybel lees en ons leefstyl vandag as Christene in God se nuwe wêreld.

Markus 7:1-8,14-15.ppt 995.5 KB Aug 26, 2018 06:23 Download 197
Markus 7:1-8,14-15.pptx 841.27 KB Aug 26, 2018 06:22 Download 225
Markus 7:1-8,14-15.doc 112 KB Aug 26, 2018 06:21 Download 331

Johannes 6:56-69 - Veertiende Sondag in Koninkrykstyd; BarmhartigheidSondag - 26 Augustus 2018

Johannes6 56-69aAs jy dit nie een van die vorige Sondae gedoen het nie, is dit dalk ’n goeie idee om die konsep van die “brood van die lewe” uit te pak aan die hand van die verduideliking wat ons gee. As jy dit nog nie vantevore gebruik het nie, is hierdie ’n goeie geleentheid om die “Sun Bread” storie deur Elisa Kleven te lees met die hulpmiddels wat ons aanraai. Let wel, die preekriglyn veronderstel dat verse 56-71 as perikoop voorgelees word. Daarmee kom ons aan die einde van ons wandeling deur Johannes 6, 'n aangrypende reis saam met Jesus waarin ons die wonder van God se nabyheid in Jesus herken, en genooi word om in geloof daaruit te lewe. Die boodskap van die hele gedeelte is dat God geloof gee wat vir altyd hou. In ons perikoop word gefokus op die verskil tussen dié wat nie glo nie, waaronder selfs sommige van die dissipels, en dié wat wel glo. Die vraag is hoe jy kan weet dat jy 'n geloof het wat God gegee het? Die antwoord lê in die paradoks van vers 35 en 65: "Wie na My toe kom … niemand kan na My toe kom as die Vader dit nie aan hom gegee het nie." Geloof lê aan die een kant in die keuse wat ek vir Jesus maak … EN aan die ander kant getuig my keuse van die geloof wat God vir my gegee het. Ek glo, omdat God geloof vir my gegee het. Albei kante van die paradoks is nodig, maar God se kant van die paradoks is die primêre oorsaak van die geloof wat ek in myself ervaar. Daarom kan ek God net dank vir geloof, en nie daarop roem nie, asof ek beter is as hierdie Jode of dissipels nie. Geloof is om vas te gryp aan God, al kan jy niks daarmee verdien en niks daarmee regkry nie … maar vertrou dat God dit kan gebruik, God dit waar kan maak. Soos 'n Petrus: "Here, na wie toe sal ons gaan? U het die woorde wat ewige lewe gee. En ons glo vas en ons weet dat U die Heilige van God is."

Johannes 6:56-69.ppt 735.5 KB Aug 19, 2018 15:56 Download 224
Johannes 6:56-69.pptx 657.02 KB Aug 19, 2018 15:55 Download 191
Johannes 6:56-69.doc 94 KB Aug 19, 2018 15:55 Download 315

Johannes 6:51-58 - Dertiende Sondag in Koninkrykstyd - 19 Augustus 2018

Johannes6 51-58aWilliam Barclay gebruik ‘n mooi metafoor om die moeilike teks vir kinders in Familietyd verstaanbaar te maak. Jy kan ‘n uittreksel van sy kommentaar oor Johannes 6 in die preekriglyn lees. Dit verskaf ook ‘n goeie inleiding tot die preek self. Op die hoogtepunt van Jesus se lering raak dit duidelik dat die skare afgestoot word deur Jesus se leer. Hoewel die brood wat Hy vroeër vermeerder het, goed afgegaan het, is hierdie woorde dat hulle sy vleis moet eet vir hulle onverteerbaar. Volgende week sal ons sien hoe selfs die dissipels hierdie woorde moeilik sluk: "Wat Hy nou sê, is darem te erg. Wie kan daaraan gehoor gee?". Natuurlik is die skare se afgryse maklik te verstane. Die gedagte om 'n mens se vleis te eet, is afstootlik. Asof dit nie erg genoeg is nie, praat Jesus van die drink van bloed. Dit is verbode sedert die verbond wat God met Noag gemaak het. En moenie dink dat ons as moderne mense verby hierdie problematiek kom met ons verstaan van die as simbolies nie. Jesus moedig nie 'n simboliese verstaan van sy woorde hier aan nie. Selfs die woord wat Hy vir "eet" gebruik, herinner aan die manier waarop diere vreet, meer as aan die manier waarop mense eet. Die ontknoping en troos van hierdie teks lê in die nabyheid van Jesus wat sy woorde veronderstel. Jesus het een van ons geword, God by ons. God het verskyn in die gestalte van 'n mens. Ons kan selfs – deur die genade van God – die werklikheid van God in ons hande neem en dit eet. Met ons verstand kan ons dit nie deurgrond nie – ons hoef ook nie. God het tot by ons gekom, en ons kan deel kry aan die werklikheid van God.

Johannes 6:51-58.ppt 1.62 MB Aug 13, 2018 08:27 Download 221
Johannes 6:51-58.pptx 1.43 MB Aug 13, 2018 08:26 Download 203
Johannes 6:51-58.doc 106 KB Aug 13, 2018 08:26 Download 267

Johannes 6:35, 41-51 - Twaalfde Sondag in Koninkrykstyd - 12 Augustus 2018

Johannes6 35 41-51Jesus se woorde in vandag se skrifgedeelte is waarskynlik vir kinders net so moeilik om te verstaan as wat dit vir die mense in die gedeelte self was! Gesels met die kinders oor hoe vreemd dit is. Wonder saam met hulle wat Jesus hiermee bedoel. Enige interpretasie hiervan, sal vir kinders so eenvoudig moontlik moet wees. Bring ’n pakkie “bread mix”. ’n Mens dink jy het net die broodmengsel nodig om brood te maak, maar nee. Wat moet nog alles bykom? Om God se kinders te wees, het ons net een ding nodig: Jesus. Of jy kan gesels oor hoe ons kos nodig het om te leef. Net so het ons vir Jesus nodig om te leef – om God se kinders te wees. As julle gemeente ’n kombuis naby aan die aanbiddingsruimte het (naby genoeg dat mense reuke uit die kombuis kan ruik), kan jy reël dat brood gebak word in die kombuis. Dalk kan kinders tydens die preek gaan brood bak. Of, heel beste, as jy ’n broodmasjien kan kry. Dan kan jy die brood sommer in die kerk bak! Die kinders kan jou help om alles in die masjien te gooi. As jou tydsberekening goed is, kan jy die familie-oomblik rondskuif en alles so bereken dat die brood net mooi aan die einde van die diens gereed is. Die preekriglyn borduur hierop voort en lig veral die persoonlike betekenis uit. As mens op Jesus se roepstem reageer, na Hom toe kom en Hom vertrou, sal jy ontdek dat jy op vaste grond teregkom. Dit is God self wat jou na Jesus getrek het. Jou geloof is nie afhanklik van jou brose menslike wil, gevoel en denke nie, maar van God wat van jou sy kind kom maak het. Geloof is nie 'n sprong in die donker nie. Geloof rus is die vaste sekerheid van die beloftes van Hom wat gesterf het, maar ook opgestaan het uit die dood. Hy werk, en niemand kan dit keer nie. Hy kan nie net die vloedgolf van ongeloof keer nie, maar is ook die waarborg van 'n lewe in oorvloed, van 'n toekoms sonder weerga. Hy is die Brood wat aan ons die ware lewe gee.

Johannes 6:35,41-51.ppt 974 KB Aug 03, 2018 06:33 Download 187
Johannes 6:35,41-51.pptx 895.26 KB Aug 03, 2018 06:32 Download 225
Johannes 6:35,41-51.doc 100 KB Aug 03, 2018 06:32 Download 304

Johannes 6:24-35 - Elfde Sondag in Koninkrykstyd - 5 Augustus 2018

Johannes6 24-35Vra vir die kinders wie van chips hou (gewone droë aartappel skyfies). Wie van hulle kan nie ophou eet as hulle eers begin het nie? Neem ’n groot pak skyfies en (terwyl jy daaruit eet) lees agter op die pak die “ingredients”. Iewers sal jy die letters MSG lees. Dit staan vir Mono Sodium Glutamate. Wikipedia beskryf MSG so: “MSG is used as a food additive and is commonly marketed as a flavour enhancer.” Daar is baie studies wat sê dis eintlik sleg vir jou en is amper verslawend van aard. In Joh. 6 sê Jesus Sy uitwerking op mense is soos geestelike MSG. Hulle volg Hom nie omdat hulle die wondertekens gesien het nie (v 26), maar omdat hulle versadig geword het. Omdat hulle aan die brood van die lewe, Jesus self, geproe het. Hy is verslawend! Die preekriglyn sluit hierby aan met die groot vraag vir moderne mense is: wat is ons brood? Moderne Westerlinge is verbruikersmense. Ons glo die regte produkte, en die gebruik daarvan, bring geluk. Jamie Smith beskryf in sy treffende boek (You are what you love) moderne winkelsentrums as tempels. Dit is tempels vir 'n verbruikersgodsdiens. Die tempel leer jou – met allerlei boodskappe wat uitbasuin word – dat hierdie sjampoe, of daardie juweliersware, of daardie motor, of hierdie medikasie, of daardie klere, vir jou geluk en vervulling gaan bring. Baie van hierdie dinge is nie slegte dinge nie. Dit faal egter as jy die sin van die lewe daarin soek. Dit stil nie jou diepste honger na 'n verhouding met die God wat jou gemaak het nie. Dit raak pateties as dit die brood van die lewe word. Wanneer daar dinge gebeur wat ons stroop – soos die droogtes in verskillende dele van ons land oor die afgelope jaar of twee – raak ons 'n slag weer vry. Vry om los te raak van die valse brood, en te fokus op Jesus, die brood van God. Ons kan weer die valse aantrekkingskrag sien van nagemaakte brood. Brood wat nie ons diepste honger vul nie. Jesus se uitnodiging is: "Ek is die brood van die lewe, wie na My toe kom sal nooit weer honger kry nie, wie in My glo, sal nooit weer dors kry nie." Ons moet die vaardigheid opskerp om daagliks met Jesus te lewe, in vrede, versadig in sy teenwoordigheid.

Johannes 6:24-35.ppt 999 KB Jul 31, 2018 08:38 Download 188
Johannes 6:24-35.pptx 857.04 KB Jul 31, 2018 08:37 Download 185
Johannes 6:24-35.doc 126 KB Jul 31, 2018 08:37 Download 336

Johannes 6:1-21 - Tiende Sondag in Koninkrykstyd - 29 Julie 2018

Johannes6 1-21Met hierdie verhalende teks kan jy soos gewoonlik die tekste op dramatiese manier lees of vertel. As jy nie die kans wil vat om so interaktief te wees nie, kan jy die teks dramaties voorlees terwyl daar ’n video wys. Jy kan ook die vermeerdering-verhaal vertel met die hulp van Max Lucado se “Small Gifts in God’s Hands”. Daar is ook ‘n lekker aktiwiteit wat kinders kan doen terwyl hulle na jou preek luister. So-nie kan ’n gewone inkleurprent ook werk. Alle skakels na hulpmiddels ingesluit. Die preekriglyn begin met die verhaal van dr Samuel Weinstein, hoof van pediatriese hartchirurgie by die Montefiore Mediese Sentrum in New York. Hy het in 2006 deelgeneem aan 'n projek van Heart Care International in El Salvador. Die doel was om lewensreddende operasies op behoeftige kinders te doen. Dit sou meer as kundigheid en gevorderde toerusting verg om die lewe te red van Francisco Fernandez, agt jaar oud. Na twaalf ure van chirurgie het die seuntjie heeltemal buite beheer begin bloei. Die hospitaal het nie oor die nodige medikasie beskik om die bloeding te stop nie. Dit regte tipe bloed was ook nie beskikbaar nie. Francisco se bloedsoort was B-negatief - blykbaar slegs die tipe van sowat 2% van die bevolking. Dr Weinstein behoort tot dieselfde bloedgroep. Hy het dus sy skalpel neergesit, sy chirurgiese handskoene uitgetrek, en sy hande en voorarm begin was. Toe het hy gaan sit sodat van sy bloed getap kon word. Toe hy klaar bloed geskenk het, het Weinstein gebottelde water gedrink en 'n koekie geëet. Twintig minute na hy handskoene uitgetrek het, was Weinstein weer by die mediese span. Almal het stil toegekyk hoe die lewegewende bloed in die klein seuntjie se are invloei. Toe het Weinstein die operasie suksesvol voltooi. Dit het klein Francisco se lewe gered. Dit verskaf ‘n wonderlike inleiding om oor die twee wonderverhale in die teks te gesels, oor dié Een wat dieselfde as dr Weinstein kan doen, en nog veel meer! Soos dr Weinstein se bloed lewe gebring het vir klein Francisco, net so konkreet is Jesus die voedsel en die drank van die lewe.

Johannes 6:1-21.ppt 1.04 MB Jul 23, 2018 17:09 Download 242
Johannes 6:1-21.pptx 975.35 KB Jul 23, 2018 17:08 Download 202
Johannes 6:1-21.doc 121.5 KB Jul 23, 2018 17:08 Download 339

Efesiërs 2:11-22 - Negende Sondag in Koninkrykstyd - 22 Julie 2018

Efesiers2 11-22aKinders raak baie gou baie bewus van klasse, spanne, klubs waarin maats hulle groepeer. Sulke groepvorming kan baie eksklusief wees en ‘n “hulle” en “ons” bewussyn skep. Daarom sal hulle die verassing van die insluitende boodskap van Paulus in dié gedeelte baie goed kan hoor, veral as ‘n mens dit vertel teen die agtergrond van die vele reëls waarmee die Jode gesorg het dat die heidene buite bly. Die preekriglyn brei hierop uit. God se vrede vloei voort uit God se genade. Hierdie Christus-gesentreerde vrede word beliggaam in 'n versoende en heilige gemeenskap, "'n geestelike huis waarin God woon" (2:22). In moderne taal sal ons sê Paulus praat oor die nuwe sosiale werklikheid, 'n gemeenskap, wat deur God se genade en vrede geskep word. Dit bestaan uit voormalige opponente en is 'n wesenlike deel van die wil van God vir die wêreld. Wanneer ons hierdie gedeelte getrou verkondig, en na die boodskap luister en dit doen, kan versoende gelowiges gemeentes word wat "saam opgebou word as 'n geestelike huis waarin God woon" (Efesiërs 2:22). Op hierdie maniere kan gemeentes heilige tempels wees wat getuig van dié dag waar daar nie 'n tempel in die stad sal wees nie, "want sy tempel is die Here God, die Almagtige, en die Lam." (Openb. 21:22).

Efesiërs 2:11-22.ppt 1.96 MB Jul 17, 2018 09:50 Download 207
Efesiërs 2:11-22.pptx 1.03 MB Jul 17, 2018 09:49 Download 241
Efesiërs 2:11-22.doc 122.5 KB Jul 17, 2018 09:49 Download 371

Markus 6:14-29 - Agste Sondag in Koninkrykstyd - 15 Julie 2018

Markus6 14-29Soos altyd is dit goed dat kinders die Bybelverhale leer ken. Vandag se gedeelte het egter wel ‘n bietjie konteks nodig. Jy kan dalk begin deur hulle te herinner dat die Bybel nie ’n storieboek is nie. Dit vertel van die regte lewe. Die regte lewe is nie altyd net lekker en goed nie. Soms gebeur daar slegte goed, ook met God se kinders. Dan kan jy die gedeelte lees en die skakels gebruik na die dramatiese kindervideo of die prente van die gedeelte. Hierdie storie is vir kinders net so ontstellend soos vir grootmense. Jy kan met hulle gesels oor die ervaring wat hulle ook goed sal ken, dat ’n mens soms tweede kom, al doen jy die regte ding. Om Jesus te volg, beteken soms dat mense lelik sal wees met ons. Dit vorm ‘n goeie inleading na die verhaal van Johannes die Doper se konfrontasie met Herodes Antipas. Dit is 'n ongemaklike herinnering aan die gevaar om swaarde met 'n magtige koning te kruis. Selfs as die reg aan jou kant is. Dit is ook 'n kragtige verhaal wat die Here se volgelinge vandag nog moet hoor. Dit gaan oor getrouheid aan die Here en die waarheid van God. En die persoonlike koste wat getrouheid aan die Here meebring. Ons leer oor die gevare van lus, selfbedrog, ontrouheid in huweliksverhoudinge, hoe 'n leier misluk om verantwoordelikheid te aanvaar, en wat die gevolge is van sy gedrag. Ons ontdek hoe verskriklik die resultaat van mislukking op hierdie terreine van die lewe is.

Markus 6:14-29.ppt 1.23 MB Jul 09, 2018 10:10 Download 224
Markus 6:14-29.pptx 1.14 MB Jul 09, 2018 10:08 Download 191
Markus 6:14-29.doc 120.5 KB Jul 09, 2018 10:08 Download 349

Markus 6:1-13 - Sewende Sondag in Koninkrykstyd - 8 Julie 2018

Markus6 1-13aBegelei die kinders aan die hand van ‘n verduideliking van wie George Washington was en hoe mense op hom gereageer het (inligting by die skakel), om hulle te help verstaan hoekom die mense van Jesus se dorpie nie na hom wou luister nie. Kleiner kinders sal waarskynlik nie verstaan wat jy bedoel as jy sê dat ons ook nie altyd vir Jesus erken nie. Praat eerder oor die manier waarop God almal wil gebruik, maar ons idees oor hulle soms maak dat ons nie sien hoe God hulle gebruik nie. Die preekriglyn sluit hierby aan met die verhaal van Arlyn Lawrence wat vertel hoe haar 13-jarige dogter, Heather, begin kla het oor pyn in haar regtersy. Dit was haar blindederm, 'n noodoperasie was nodig. By die hospitaal aangekom, het Arlyn haar moed bymekaargeskraap en vir haar dogter gebid. Sy het gevra die Here Jesus moet Heather aanraak en vir haar genesing gee. Spoedbloedtoetse is gedoen, wat 'n verhoogde witbloedtelling aangedui het. Heather is vir 'n sonar gestuur, en die chirurg het begin gereedmaak vir die operasie. Dit was op pad na die sonar dat Arlyn die eerste verandering by Heather opgemerk het. Toe vind die sonar plaas. Die radiografis kon nie die ontsteekte blindederm sien nie. Die radioloog kom handjie bysit. Hulle druk op die pynlike area van haar liggaam, maar Heather beleef nou nie meer pyn nie. Chirurgie was nie meer aangewese nie. By die huis aangekom, lui die foon. Dit is die bekommerde dominee wat gehoor het van Heather se terugslag. Hy wil hoor hoe het die operasie afgeloop. Heather het die oproep beantwoord. Arlyn hoor hoe sy sê: "Alles is reg, dominee. Geen operasie nie. Ek het wel verskriklike pyn gehad. Toe bid my ma vir my. Die Here het my toe genees." Met dié verhaal word Jesus se sending van sy dissipels vierkant op die tafel geplaas. En dit roep ons op om op dieselfde wyse as hulle, en as Arlyn, die Here te vertrou vir genesing. Ons as Westerlinge kan so wetenskaplik raak dat ons die vanselfsprekende wonder van God se daaglikse aanraking en genesing nooit raaksien, of daarom vra nie. Ons leef in 'n geslote wêreld, waar daar min ruimte is vir die feit dat God soms die effek van siekte en lyding wegneem. Soms ook nie, soos in Paulus se geval waar God se genade vir hom genoeg was. Hoe minder ons bid om genesing en herstel, hoe minder daarvan beleef ons.

Markus 6:1-13.ppt 905 KB Jul 02, 2018 09:30 Download 199
Markus 6:1-13.pptx 801.81 KB Jul 02, 2018 09:28 Download 206
Markus 6:1-13.doc 109 KB Jul 02, 2018 09:28 Download 310

Markus 5:21-43 - Sesde Sondag in Koninkrykstyd - 1 Julie 2018

Markus5 21-43aDit is heeltemal voldoende om gewoon die Bybelverhale vir kinders te vertel, sonder om ‘n morele lessie daaruit te probeer haal. Daar is skakels na mooi prente uit ‘n Kinderbybel en na ‘n video uit die Jesus Storybook Bible met ’n hele les-plan met hulpmiddels. Daar is ook skakels na’n direkte voorlesing uit die CEV Bybel, nét van die dogtertjie se verhaal. Les bes, daar is ook ‘n inkleur-uitknip aktiwiteit om te maak terwyl die kinders luister na die preek. Die preekriglyn sluit aan by die onlangse studiestuk waaraan kerke reg oor die wêreld saamgewerk het. Hulle het gevra waarmee God op aarde besig is? Waar kan mens God verwag? Die gevolgtrekking was dat God lewe gee, ware lewe, lewe in oorvloed. Lewe vry van sondebande, herstelde lewe in verhouding tot God, tot mekaar en tot die wêreld. In ons teks van vandag sien ons hoe Jesus lewe bring vir mense wat sukkel en kwyn. Ons sien hoe Jesus mense aanraak en vir hulle lewe in oorvloed bring. Waar God beweeg, floreer lewe in sy volste en rykste betekenis.

Markus 5:21-43.ppt 953.5 KB Jun 25, 2018 09:40 Download 233
Markus 5:21-43.pptx 879.84 KB Jun 25, 2018 09:38 Download 189
Markus 5:21-43.doc 96.5 KB Jun 25, 2018 09:37 Download 313

Psalm 9:9-20 - Vyfde Sondag in Koninkrykstyd - 24 Junie 2018

Psalm9 9-20Daar is ’n diagram waarin sleutelwoorde uit die fokusteks weggesteek is vir Familietyd. Die preekriglyn lei in met ‘n fokus op die verskillende emosies wat in die Psalm voorkom. Daar is dank, lof, blydskap en vreugde. Daar is ook leed, klag en selfs woede. Dit is duidelik dat die digter 'n intieme en persoonlike verhouding met God het wat hom vreugde gee. Maar daar is mense (vyande, magte) wat sy vrede en vreugde steel. Daarom is daar voortdurend beweging en polariteit in die psalm. Die een oomblik loof hy die Here vir sy goedheid, die volgende oomblik vloek hy sy vyande. Aan die een kant is daar lof en dankbaarheid teenoor die Here vir sy goedheid en guns. Aan die ander kant kla hy oor die leed en ellende wat mense hom aandoen. Hierdie besondere dinamiek in Psalm 9 open diep perspektiewe op geloof. Hier is nie 'n eenvoudige, romantiese teologie van sekerheid en "alles-sal-ok" wees nie. Dit is eerder 'n teks wat die donker kant van die lewe met God en ander, asook die veelkantigheid van geloof, verwoord.

Psalm 9:9-20.ppt 839.5 KB Jun 19, 2018 16:38 Download 215
Psalm 9:9-20.pptx 675.48 KB Jun 19, 2018 16:37 Download 232
Psalm 9:9-20.doc 170 KB Jun 19, 2018 16:36 Download 318

1 Samuel 15:34 - 16:1 - Vierde Sondag in Koninkrykstyd - 17 Junie 2018

1Samuel15 34-16-1Onthou, dit is belangrik dat kinders die Bybelverhale hoor. Jy kan die teks dramaties lees, uit ’n kindervriendelike Bybel lees, kinders kry om dit op te voer terwyl jy dit lees of ’n video van die Skriflesing wys, soos die ingeslote een uit die Jesus Storybook Bible. Daar is ook ’n volledige byeenkoms op grond van die Jesus Storybook Bible se vertelling van Dawid se salwing. Ons teks begin op 'n mismoedige noot. Koning Saul en profeet Samuel se weë skei. Dit gebeur omdat Saul se koningskap misluk. Saul is ongehoorsaam aan die Here se opdragte. Daarom is die Here spyt dat Hy Saul koning gemaak het, en Samuel profeteer dat die Here die koningskap van Saul wegneem. Hierdie skokkende gebeure laat Israel in 'n moeilike posisie. Saul is steeds koning, deur Samuel gesalf. Nou het Samuel aangekondig dat God teleurgesteld is en Saul as koning verwerp. Op die koop toe wil die Here 'n nuwe koning in Saul plek aanwys uit die geledere van Isai se seuns. Vanselfsprekend is Samuel skepties en vreesbevange. As Saul daarvan hoor, gaan die vonke spat. Die Here wil niks hoor nie. Samuel moet gaan met die versoek dat hy vir die Here 'n offer wil bring. God sal dan wys wat hy moet doen en wie hy tot koning moet salf. Samuel moet aangepor word om te doen wat die Here wil hê. Ons teks praat dus sterk oor leierskap, en oor die feit dat leiers aan God verantwoording verskuldig is. Trouens deur Hom aangestel word. Aangesien God konings in skaapwagters sien, moet ons stadig oor die klippe met ons oordele oor ander. Ons kan nie baie ver sien nie, en 'n mens kan nie 'n boek bloot op sy omslag beoordeel nie.

1 Samuel 15:34-16:1.ppt 943 KB Jun 12, 2018 05:18 Download 202
1 Samuel 15:34-16:1.pptx 816.7 KB Jun 12, 2018 05:17 Download 198
1 Samuel 15:34-16:1.doc 99 KB Jun 12, 2018 05:16 Download 362

1 Samuel 8:4-11, (12-15), 16-20, (11:14-15) - Derde Sondag in Koninkrykstyd - 10 Junie 2018

1Samuel8 4-20-11 14-15Jy kan die gedeelte met drie voorlesers in Familietyd voorlees (Samuel, verteller en die Here). Met ouer kinders kan jy ’n gesprek voer oor leierskap aan die hand van die profeet vs koning debat. Die preekriglyn werk met die hele hoofstuk sowel as ‘n gedeelte uit hoofstuk 11 waar vertel word hoe Saul toe as die eerste koning van Israel aangestel is. Die seun Samuel waarvan ons verlede week kennis geneem het, het met verloop van tyd ook self oud geword en 'n opvolgplan in werking gestel. Sy plan en dié van die volk het egter gebots. Hy het tot God gebid, maar die nuus gekry dat God besluit het dat aan die volk se versoek toegee moes word. God het die versoek as verwerping van God self beskou. Die uiteinde van hierdie proses was dat Saul as eerste koning van Israel in Gilgal bevestig is. Dit is 'n belangrike Skrifgedeelte om oor God as koning, oor die regering van God na te dink, en ook oor die manier hoe ons as God se volk lewe en die tipe leierskap waarmee ons werk. Nog dieper gaan dit oor God se besluit om se bereidheid om die pad met sy volk te stap selfs al staan hulle Hom teë. Uiteindelik oorweldig God se karakter selfs mense wat oënskynlik kies om eerder ander leiers te vertrou.

1 Samuel 8:4-20; 11:14-15.ppt 2.68 MB Jun 04, 2018 15:20 Download 217
1 Samuel 8:4-20; 11:14-15.pptx 1.82 MB Jun 04, 2018 15:19 Download 251
1 Samuel 8:4-20; 11:14-15.doc 116.5 KB Jun 04, 2018 15:18 Download 387

1 Samuel 3:1-10, (11-20) - Tweede Sondag in Koninkrykstyd - 3 Junie 2018

1Samuel3 1-20Dit is belangrik dat kinders die Bybel leer ken. Met narratiewe tekste soos hierdie, is dit goed om eerder net die teks op dramatiese manier te lees as om ‘n boodskappie te hê. Jy kan dit uit ‘n mooi kinderbybel lees. Of kry ‘n jong kind en oumens om die gedeelte op te voer terwyl iemand (dalk ‘n kind?) dit lees. Daar is ook ‘n skakel na ‘n oulike video van die teksgedeelte. "Die Woord van die Here is in daardie tyd min gehoor." Só begin ons teksgedeelte die verhaal vertel van hoe God 'n betroubare profeet en priester in Israel gevind en aangestel het. Dit was onstabiele tye. Die volk Israel het die beloofde land betree, maar daar was nie 'n vaste, sentrale gesag in die land nie. Dit was die tyd van die rigters. Die volk het die Here gedien, maar dan telkens afgedwaal en in ellende beland. Dan moes die Here 'n rigter aanwys om hulle weer op koers te kry. Vir 'n tyd het dinge dan weer glad verloop, tot die verval weer begin het. Met Samuel sou dit verander. Hy is profeet en priester van die Here in die oorgang van die Rigtertyd na die aanwys van Israel se eerste koning.

1 Samuel 3:1-20.ppt 901.5 KB May 29, 2018 08:46 Download 245
1 Samuel 3:1-20.pptx 826.38 KB May 29, 2018 08:45 Download 247
1 Samuel 3:1-20.doc 104 KB May 29, 2018 08:45 Download 423

Romeine 8:12-17 - Eerste Sondag in Koninkrykstyd; Drie-eenheidsondag - 27 Mei 2018

Romeine8 12-17aDaar is vyf uitstekende opsies vir Kindertyd: kerse en musiek met die oog op die Drie-Eenheid, erfstukke met die oog op ons hemelse erfenis, radio met die oog op ingestem wees op God, en ‘n ekstra PowerPoint oor aanneming. Die preekriglyn begin met ‘n meesleurende verhaal van aanneming deur pastoor Ronnie Stewart en sy vrou Krystal die stigters van Refugee Church. "Ons kan maar net lag oor God se sin vir humor," vertel Krystal. "Net die dag voor ons die seuntjies die eerste keer huis toe geneem het, het ek en Ronnie 'n diep gesprek gehad oor my volledige histerektomie na 'n vroeë kankerdiagnose. Ons was hartseer en moes vrede maak dat ons nie meer kinders sou kon hê nie." Toe gee God vir ons kinders. En vir die pragtige twee kinders liefdevolle ouers wat hulle aanneem en versorg. God doen aannemings. Trouens, volgens ons teks, is die aanneming tot kinders deur die werk van die Heilige Gees die hart van die evangelie van Jesus Christus.

Romeine 8:12-17.ppt 1.85 MB May 21, 2018 21:37 Download 226
Romeine 8:12-17.pptx 226.19 KB May 21, 2018 21:36 Download 240
Romeine 8:12-17.doc 115.5 KB May 21, 2018 21:35 Download 436

Johannes 15:26-27; 16:4b-15 – Pinksterfees – 20 Mei 2018

Johannes15 26 16 15Hierdie is ’n spesiale feesdiens. Kinders kan lekker deelneem as jy vooraf vlam-kleurige “streamers” maak van sagte lap wat aan ’n stokkie vasgemaak word. Laat die kinders (en ’n paar volwassenes) dit tydens die lofsang swaai. The Day When God Made Church deur Rebekah McLeod Huttois is ook ’n pragtige storieboek wat Pinkster verduidelik. Jy kan die hele boek lees by die skakel wat ons verskaf. Daar is ook ‘n mooi inkleurprent en ‘n voorbeeld van ‘n kort toneelstuk. Die preekriglyn sluit by die gedagte van Pinksterdag as die geboortedag van die kerk aan. Op 'n dag soos vandag dink mens aan 'n verskeidenheid tekste uit die Ou Testament wat hierdie wonder verwoord. Daar is die oesfees in die Pentateug. Daar is Esegiël se visioen van die beendere wat weer lewe kry. Daar is ook die Nuwe Testament se verdere besinning hieroor. Paulus raak liries in Romeine 8 oor die Gees wat ons bystaan. Dit gee vir ons ‘n konteks waarbinne ons die wonderlike boodskap van Johannes 15 kan hoor dat ons Trooster ons in die waarheid lei. Stephan Joubert skryf as volg: Saam met die Vader vorm die Seun en die Parakleet die hemelse eenheid wie se missie dit is om mense hier op aarde te verlos en deel te laat hê aan hierdie ewige Goddelike familieverwantskap. Die Johannes-evangelie noem drie aspekte van hierdie bemiddelende teenwoordigheid. Van die kerk word nou waar wat in die eerste plek van Jesus waar was. Jesus het uit die krag van die Heilige Gees geleef. Vanaf Pinksterfees word hierdie werklikheid ook vir die kerk – vir ons – beskikbaar.

Johannes 15:26 - 16:15.ppt 1.14 MB May 08, 2018 08:53 Download 270
Johannes 15:26 - 16:15.pptx 1.05 MB May 08, 2018 08:52 Download 231
Johannes 15:26 - 16:15.doc 118 KB May 08, 2018 08:51 Download 511

Handelinge 1:15-17, 21-26 – Sewende Sondag van Paastyd – 13 Mei 2018

Handelinge1 15-26Lees die fokusteks uit Die Nuwe Testament vir Kinders. Aangeheg is ’n ook woordsoek-speletjie. Ons teks speel af op die vooraand van die uitstorting van die Heilige Gees. Die dissipels wag in Jerusalem op die belofte van die Vader, die Heilige Gees. Deur die Heilige Gees sal hulle krag ontvang en sal hulle Jesus se getuies in Jerusalem en verder wees. Ons teks handel ook oor die verkiesing van Mattias om die plek van die verraaier Judas in die dissipelkring in te neem. Sommige van die temas en beredenering in die teks is vreemd vir moderne lesers. Deel daarvan is die beskrywing van Judas se grusame dood. Baie predikers wil eintlik hierdie vermelding liewers weglaat en dit nie in die erediens voorlees nie. Mens voel amper dit het 'n ouderdomsbeperking nodig. Moderne lesers kan wonder of van die beginsels en logika van die teks vandag nog op ons van toepassing is. Lukas doen hier moeite om vir ons te wys dat dié teks steeds van toepassing was en vandag nog is. Die Skrif vir hierdie eerste gelowiges was die Ou Testament. Dit moes verstaan word as betroubare getuie van God se werk in Jesus, en deur sy dissipels. Die verwysings vervul dus die rol om die ou verbond en die nuwe verbond aan mekaar te skakel. Daarin speel die Heilige Gees ‘n sentrale rol soos Hy die dissipels aan die hand van die Skrif hierdie spesifieke keuses laat maak. Daarom kan ons dieselfde doen met die Skrif vandag, ook soos dit aangevul is deur die Nuwe Testament.

Handelinge 1:15-26.ppt 1016 KB May 08, 2018 08:48 Download 237
Handelinge 1:15-26.pptx 884.64 KB May 08, 2018 08:47 Download 222
Handelinge 1:15-26.doc 164 KB May 08, 2018 08:46 Download 329

Handelinge 1:1-11 – Hemelvaart – 10 Mei 2018

Handelinge1 1-11cLees die verhaal uit ‘n kinder-vriendelike Bybel, dalk met behulp van dié video waarvan ‘n skakel ingesluit is. dié. Daar is nog ander kreatiewe hulpmiddels ingesluit waarmee jy die verhaal kan vertel. Die preekriglyn sluit by Lukas se evangelie aan en wys hoe alles wat Jesus gedoen en geleer het nou verder voortgesit sal word in die wyse waarop die Heilige Gees die apostels gaan lei en aan die kerk as geloofsgemeenskap gaan vorm gee. Vandag, wanneer ons Hemelvaartfees vier, word ons ook uitgedaag om na te dink oor ons reaksie op hierdie gebeure. Die versoeking is altyd daar om te reageer soos die dissipels aanvanklik reageer het: passief, deur op een plek te bly staan en nie te doen waarvoor hulle geroep is nie. Dalk is die grootste gevaar nie eers dat ons passief is nie, maar met die verkeerde goed besig is. Is ons dalk besig om die een of ander koninkryk op te rig wat nie in pas is met wat God vir ons wil nie, soos die dissipels gehoop het dat God Israel se koninkryk in daardie tyd sal herstel, maar Jesus hulle daarop gewys het dat dit nie vir hulle is om iets daarvan te weet nie? Ons is nie geroep om stil te staan, te spekuleer of om ander koninkryke te bou nie, maar juis om terug te keer na ons konteks (ons "Jerusalem"?), om daar en verder weg te getuig. Die troos is dat ons dit nie alleen doen nie. Dit is immers die verhaal van Handelinge dat Jesus nou deur sy Gees, in die kerk, steeds "doen en leer".

Handelinge 1:1-11.ppt 766 KB May 08, 2018 08:41 Download 252


For DOWNLOAD is used JotLoader component © V. Kanich 2007-2009