SOEK HIER VIR BYBELGEDEELTES


Tik die naam van die Bybelboek wat jy soek hieronder in om die resultate te "filter". Dit sal jou baie gou wys of die hoofstuk of perikoop wat jy soek hier beskikbaar is.

Die vorige alfabetiese lys is steeds hier, maar sal nie langer opgedateer word nie.



Kerkjaar 2014-15

Die Seisoen van Luister voorsien elke week 'n PowerPoint en Word hulpmiddel vir gebruik saam met die fokusteks van die Woord en fees - Preekstudies en liturgiese voorstelle gebaseer op die kerkjaar wat Bybel-Media in samewerking met Communitas uitgee.

Die uitgangspunte is die volgende:

  • Dit sluit direk aan by die Seisoen van Luister se kultuur, styl en metodiek.
  • Dit sluit direk aan by die Woord en fees - Preekstudies met Liturgiese voorstelle gebaseer op die kerkjaar.
  • Dit gebruik visuele media en verhale om ‘n erediens-ervaring te skep waarin ‘n egte ontmoeting met God en mekaar kan gebeur.
  • Dit skep ‘n Familie-vriendelike toepassing vir die erediens.
  • Die projek word steeds met die heelhartige ondersteuning van Bybel-Media moontlik gemaak.
  • Daarom kan ons die PowerPoints en Word-lêers steeds gratis beskikbaar stel.

Meer inligting

File Version Licence Size Added Hits
Markus 4:35-41.pptx 795.17 KB Jun 17, 2015 08:56 Download 568
Markus 4:35-41.doc 120.5 KB Jun 17, 2015 08:55 Download 784

Markus 4:26-34 - Derde Sondag in Koninkrykstyd - 14 Junie 2015

Markus4 26-34Lees die deel oor die saad wat vanself opkom en groei uit Die Nuwe Testament vir Kinders of gebruik die en wys die kinders hoe ‘n mosterdsaadjie lyk. Brei uit op die feit dat so ‘n klein en geringe saadjie uiteindelik in so ‘n groot boom kan verander. Dit onderstreep Jesus se punt dat die geringe dinge wat mense vir God en Sy koninkryk doen uiteindelik van groot waarde is. Jy kan ook die storie van ‘n appel gebruik wat ingesluit is. Die preekriglyn werk met die droom van ‘n vrou wat Jesus in ‘n groot winkelsentrum raakloop. Op sy aanbod dat sy kan kry wat haar hart begeer, vra sy vir vrede en vreugde vir die hele wêreld. Jesus antwoord haar in die droom: "Ek dink jy het my misverstaan. Ons verkoop nie vrugte nie, ons werk hier met saad." Vanuit hierdie belangrike perspektief verbreed die preekriglyn ons verstaan van die karakter van God se koninkryk. God se koninkryk is 'n proses wat nie aangejaag kan word nie. Die tydsverloop is stadig, maar onafwendbaar. Ons word ook uitgenooi om medewerkers in diens van God te wees. Dit alles is die werk van God.

Markus 4:26-34.ppt 1.11 MB Jun 09, 2015 21:02 Download 743
Markus 4:26-34.pptx 1009.93 KB Jun 09, 2015 21:00 Download 608
Markus 4:26-34.doc 130 KB Jun 09, 2015 20:59 Download 804

Markus 3:20-35 - Tweede Sondag in Koninkrykstyd - 07 Junie 2015

Markus3 20-35Carolyn Brown herinner ons dat kinders, wat afhanklik is van die volwassenes in hul families, moeilik Jesus se “verwerping” van sy biologiese familie gaan verstaan. Fokus daarom daarop dat Jesus nie soseer sy biologiese familie verwerp nie, maar eerder sê dat ons ingesluit is by God se familie. Die kinders is dus deel van ‘n groot geloofsfamilie! Gebruik foto’s van jou familie om die punt te illustreer. Die preekriglyn begin met Erik Larson se topverkoper boek, The Devil in the White City, wat teen die agtergrond van die Wêreldskou in Chicago in die jaar 1893 afspeel. Die boek vertel die ware verhaal van twee mans, die een 'n voorbeeld van die goeie en die ander 'n voorbeeld van die bose in mense. So beeld dié verhaal die menslike kondisie uit. Terwyl ons besig is om ons grootste drome en beste potensiaal te bereik, worstel ons ook met die boosheid wat welig floreer. In ons teks word daar ook met goed en kwaad geworstel. Dié spanning lê ook tussen Jesus, sy familie uit Nasaret, en die skrifgeleerdes. Uit die manier hoe Jesus hierdie spanninge hanteer, word dit duidelik wat dit beteken om Hom te volg, en hoe dit die belangrikste verhouding in jou lewe word. Om Jesus te volg, beteken om opgeneem te word in 'n nuwe sosiale kring, om deel te word van 'n groot huis, onder 'n nuwe Hoof van die huis.

Markus 3:20-35.ppt 1.34 MB Jun 01, 2015 16:55 Download 805
Markus 3:20-35.pptx 973.82 KB Jun 01, 2015 16:53 Download 643
Markus 3:20-35.doc 129.5 KB Jun 01, 2015 16:52 Download 1057

Jesaja 6:1-8 - Eerste Sondag in Koninkrykstyd - 31 Mei 2015

Jesaja6 1-8Gebruik met Familietyd die ingeslote vrye vertaling van Jesaja 6 om die verhaal op dramatiese wyse voor te lees. Daar is ook ‘n voorstel rondom ‘n doopherinnering om die Drie-eenheid van God te beklemtoon. Die preekriglyn begin met die verhaal van Koning Louis XIV van Frankryk wat wonderlik in sy eie oë was. Hy het verkies dat mense na hom verwys as Louis die Grote. Sy begrafnis was ook beplan om die swierigste ooit te wees. Om sy grootheid en majesteit te beklemtoon, was die katedraal baie swak verlig, met 'n spesiale kers wat bo sy kis geplaas is. Die duisende wat die begrafnis bygewoon het, het in stilte gesit. Toe begin aartsbiskop Massillon te praat. Hy het stadig afgebuk, die kersvlam doodgedruk, en gesê: "Net God is groot." Dit gee ‘n goeie inleiding om oor die grootheid van God te praat soos Jesaja 6 dit aan ons voorhou. God se onbeskryflike heerlikheid word in verband gebring met sy aanwesigheid op aarde. Vanaf sy geweldige hoë troon vul die soom van sy kleed die hele aarde. Die verhewe God is betrokke by sy skepping. God is op aarde teenwoordig. Net God is groot. Daarom is niks meer dieselfde nie.

Jesaja 6:1-8.ppt 2.2 MB May 26, 2015 05:41 Download 761
Jesaja 6:1-8.pptx 1.11 MB May 26, 2015 05:39 Download 635
Jesaja 6:1-8.doc 121 KB May 26, 2015 05:38 Download 835

Esegiël 37:1-14 – Pinksterfees – 24 Mei 2015

Esegiel37 1-14Met Familietyd kan jy aansluit by die herdenking van ons geboortedae. Vandag is immers die geboortedag van die Kerk van Jesus Christus. Die verhaal van Esegiël 37 kan ook met geluide vertel word, soos Carolyn Brown voorstel. Die preekriglyn werk met die voorbeeld van die jongman, kom ons noem hom Gustav, wat na matriek reguit Londen toe is. Hy wou avontuur beleef, die wêreld sien, en natuurlik graag Britse ponde verdien. Dinge het egter glad nie uitgewerk soos Gustav gehoop het nie. Dit het van sleg na erger met hom gegaan. Soos sy lewe al hoe meer afdraand begin gaan, het flitse uit sy kinderdae begin terugkom. Hy het grepe uit die Bybel en momente uit preke begin onthou. Skielik het Gustav met God begin worstel. Op 'n dag, by die werk, aan die einde van sy kragte, het Gustav uitgeroep: "God, as U daar is, gee vir my 'n teken! Wys my U is daar! Wys my U gee om!" Daardie middag na werk, op pad huis toe, herinner hy homself om gou by die supermark te stop vir 'n liter melk en 'n rolletjie toiletpapier. Hy vat dié dag 'n bus. Hy gaan sit heel voor. Daar lê 'n plastieksakkie op die voorste bank, iets wat iemand daar vergeet het. Toe hy die sakkie oopmaak, is daar 'n liter melk en 'n rolletjie toiletpapier in die sakkie. Gustav se hele wêreld word omgekeer. Wat vir ander na toeval mag lyk, is op daardie oomblik vir hom 'n vaste en seker teken God bestaan en het Hom lief. Sê hy: "Vir my was dit in 'n oogwink 'n nuwe geboorte. My hele lewe het verander. God is daar! Ek kan Hom vertrou, en kan sy raad volg, ek kan sy beloftes ernstig neem." Dié verhaal breek die wonder van Esegiël 37 se belofte op ‘n verstaanbare manier oop. Dit laat ons die nuwe lewe wat God met Pinkster bring nie net waardeer nie, maar omarm. Alles is anders as God se Gees nuwe lewe bring.

Esegiël 37:1-14.ppt 1.37 MB May 18, 2015 15:45 Download 678
Esegiël 37:1-14.pptx 1.03 MB May 18, 2015 15:40 Download 610
Esegiël 37:1-14.doc 119.5 KB May 18, 2015 15:37 Download 843

1 Johannes 5:9-13 - Sewende Sondag van Paastyd - 17 Mei 2015

1Johannes5 9-13aDaar is twee bydraes vir kindertyd wat fokus op dinge wat vir jou wys dat iemand vir jou lief is – dit kan enigiets wees van ’n briefie tot ’n teddie of presentjie. Of jy kan fokus op die video hulpmiddels wat aansluit by die Got Milk?-advertensieveldtog in die VSA om te gesels oor die lewe wat ons in Jesus het. Die preekriglyn werk met die voorbeeld van Phil LeMaster, 'n berader en predikant, wat in Kerstyd 'n man dringend moes help wat regtig alles verloor het en naarstiglik gesoek het na betekenis. Hy het egter een voorwaarde gehad: Kom ons hou Jesus uit hierdie gesprek uit, OK?'" Toe die man, ontroosbaar, uit Phil se kantoor stap aan die einde van die sessie, het Phil besef: “Dis die hele probleem, jy het Jesus uit letterlik alles gehou." Daarteenoor beklemtoon ons teksgedeelte dat die getuienis van die Here Jesus Christus van beslissende betekenis is om 'n sinryke, betekenisvolle lewe moontlik te maak. Dit loop uit op die ewige lewe, wat nou reeds op aarde begin. Ingesluit is daar ook 'n geloofsbelydenis na aanleiding van Kolossense 1.

1 Johannes 5:9-13.ppt 1.15 MB May 12, 2015 05:27 Download 662
1 Johannes 5:9-13.pptx 1.05 MB May 12, 2015 05:25 Download 655
1 Johannes 5:9-13.doc 168.5 KB May 12, 2015 05:24 Download 777
Geloofsbelydenis Kolossense 1.ppt 284.5 KB May 12, 2015 05:24 Download 1716

Lukas 24:44-53 - Hemelvaart - 14 Mei 2015

Lukas24 44-53Jy kan maklik die konsep van ‘n aflos-resies gebruik om die Hemelvaart en die Kerk se taak met Familietyd te verduidelik. Jy kan pyp of hout gebruik om aflosstokkies te maak. Jy kan ook vir kinders vra om ’n gebed te skryf en dit in die pypies te sit. Die preekriglyn lei die teks in met die verhaal van die groei van die Christelike geloof. 'n Klein dissipelkring het die Here Jesus sien opvaar na die hemel. Tog het die Christelike geloof gegroei tot die mees wyd verspreide godsdiens in die geskiedenis. Teen die jaar 2000 was Christengelowiges die meerderheid van die bevolking in tweederdes van die wêreld se byna 240 lande. Jesus se eerste dissipels het dus inderdaad sy opdrag in Lukas 24:48 ernstig geneem: "Julle is getuies van hierdie dinge." Hulle het wêreldwyd gaan getuig. Die eerste Christene se getuienis is opgevolg deur geslagte van gelowiges wat bly getuig het. Gelowiges het hulself gesien as God se getuies teenoor hulle kinders, hulle bure, hulle woonbuurte, stede, lande, en tot in die uithoeke van die wêreld. Op hierdie manier het miljoene van God se groot dade gehoor, en hul lewens aan Jesus toevertrou.

Lukas 24:44-53.ppt 1.4 MB May 12, 2015 05:07 Download 759
Lukas 24:44-53.pptx 1.13 MB May 12, 2015 05:04 Download 631
Lukas 24:44-53.doc 99 KB May 12, 2015 05:01 Download 829

1 Johannes 5:1-6 - Sesde Sondag van Paastyd - 10 Mei 2015

1Johannes5 1-6Met Familietyd kan jy die beeld van ‘n atleet wat oefen vir die volgende Olimpiese Spele gebruik. Sulke atlete verhuis dikwels om naby hul afrigter te woon, want hy of sy is uiteindelik die sleutel tot Olimpiese sukses. Die afrigter word die atleet se hele bestaan. Dit is hierdie soort gehoorsaamheid wat God van Sy kinders verwag en waaroor Johannes in ons fokusteks skryf. Die preekriglyn gebruik die voorbeeld van Lew Wallace, destydse goewerneur van die Amerikaanse deelstaat Nieu-Meksiko, wat 'n boek téén Jesus Christus geskryf, maar in die proses tot geloof in Jesus as Here gekom het. Hy vertel hoe hy materiaal oor Jesus begin versamel het en agter gekom het dat Jesus net so 'n werklike mens as Plato, Sokrates of Caesar was. Hy het daarom homself begin afvra of dat nie ook die Seun van God, en die Redder van die wêreld was nie. Geleidelik het dit duidelik geword, en het die oortuiging gegroei, dat Jesus nie net 'n werklike mens was nie, maar dat sy aansprake oor Homself ook inderdaad waar was. Hy het ‘n volgeling van Jesus geword wat uiteindelik die boek geskryf waarop die epiese film Ben Hur gebaseer is. Dit is geskryf deur 'n man wat wou bewys Jesus het nooit geleef nie. In plaas daarvan het hy die grootste Man wat ooit geleef het, ontmoet. Dít is waaroor ons teks vandag gaan! Dit is ‘n belydenis oor Jesus, die Seun van God.

1 Johannes 5:1-6.ppt 1.49 MB May 03, 2015 14:23 Download 719
1 Johannes 5:1-6.pptx 1.4 MB May 03, 2015 14:22 Download 641
1 Johannes 5:1-6.doc 98.5 KB May 03, 2015 14:22 Download 791

1 Johannes 4:7-21 – Vyfde Sondag van Paastyd – Arbeidsondag – 3 Mei 2015

1Johannes4 7-21In Familietyd kan jy die voorbeeld gebruik van ‘n vrug met pitte om te gesels oor maniere waarop mens liefde kan deel en hoe die liefde dan meer raak. Of gebruik die jongste fliek van “Cinderella” waar haar ma haa leer: “to have courage and be kind”. “Where there is kindness, there is goodness. And where there is goodness, there is magic,” sê Cinderella se ma. Liefde (omgee) is volgens haar ma die sterkste “magic” wat daar is. Die preekriglyn sluit hierby aan en vertel verskillende verhale waar onbekende weldoeners vir ander se ete betaal het. Trouens, by 'n deurry-koffiewinkel in Portland, Oregon, VSA, het sewe-en-twintig kliënte op 'n ry vir die volgende persoon se koffie betaal. So is dit met die liefde van God. Mense beleef God se verrassende liefde. Hulle gee dit dan aan aan volgende mense. Wat dit weer aangee. So beleef mense God se liefde opeenvolgend op lewensveranderende maniere. Want God is liefde!

1 Johannes 4:7-21.ppt 910.5 KB Apr 29, 2015 05:00 Download 641
1 Johannes 4:7-21.pptx 896.35 KB Apr 29, 2015 04:59 Download 587
1 Johannes 4:7-21.doc 104 KB Apr 29, 2015 04:58 Download 728

1 Johannes 3:16-24 – Vierde Sondag van Paastyd – 26 April 2015

1Johannes3 16-24Vir Familietyd is daar ‘n poppekas-beurtspel wat jy kan gebruik oor ‘n skapie en Dawid in gesprek oor herderskap. Die preekriglyn begin met die verhaal van Maximilian Kolbe, 'n Poolse priester wat op 15 Augustus 1941 as gevangene 16670 in die Nazi strafkamp, Auschwitz, gesterf het. Hy het gekies om in die plek van Franciszek Gajowniczek, wat vreesbevange was om sy vrou en kinders nooit weer te sien nie. Gajowniczek het later vertel dat hy Kolbe net met sy oë kon bedank. Ek kon skaars begryp wat besig was om te gebeur. Iemand anders offer sy lewe vrywillig op vir my – 'n vreemdeling. Gajowniczek het nog 53 jaar gelewe nadat Kolbe sy lewe gered het. In Duitsland is Kolbe se dood met 'n posseël herdenk. Sy selfopoffering gryp steeds mense se verbeelding aan. Dit is met dié verhaal as agtergrond wat ons beter die offer van Jesus kan begryp, wat nie net vir een persoon nie, maar vir almal sekerheid en lewe verseker. En kry ons ook ‘n beter insig wat van ons gevra word in navolging van Hom: "Ons behoort ook ons lewens vir ons broers af te lê."

1 Johannes 3:16-24.ppt 2.52 MB Apr 20, 2015 05:33 Download 711
1 Johannes 3:16-24.pptx 1.53 MB Apr 20, 2015 05:31 Download 650
1 Johannes 3:16-24.doc 103.5 KB Apr 20, 2015 05:30 Download 769

1 Johannes 3:1-7 – Derde Sondag van Paastyd – 19 April 2015

1Johannes3 1-7Gesels met die kinders oor wat hulle eendag wil word. Ons sal egter maar moet wag en kyk, nie waar nie. Maar wat ons wel weet, is dat julle kinders van God is. Wanneer julle grootword, gaan julle steeds dieselfde wees: kinders van God! God het ons so lief dat, maak nie saak wát ons eendag word nie, ons bly kinders – God se kinders. Die preekriglyn lei in met Alister McGrath (gerekende natuurwetenskaplike en teoloog) se vertelling van sy tannie wat 'n paar jaar gelede oorlede is. Sy was in haar tagtigs, maar het nooit getrou nie. Toe die familie haar besittings uitsorteer, kom hulle op 'n gehawende foto van 'n jongman af. Dit was die liefde van die ou dame se lewe, maar die verhouding het tragies geëindig. Sy het die foto van die man wat sy liefgehad het lewenslank bewaar. Waarom? Die foto het haar herinner aan die werklikheid van haar liefde, en die liefde wat sy van die jongman ontvang het. Dit was haar enigste skakel met die wêreld waarin sy gewaardeerd en bemind was. Dit is wat ons teks ook met ons wil regkry. Dit is ons foto, ons herinnering en ons verankering. Ons teks is soos die vergeelde foto tussen 'n ou dame se besittinkies. Dit vertel van die belangrike ankers in ons lewe. Ons teks herinner ons ook van watter verhaal ons deel is. Ons is deel van God se inisiatief om liefdevol na die wêreld uit te reik en mense in Christus deel te maak van God se familie. Daarom moet ons in Hom bly!

1 Johannes 3:1-7.ppt 1.29 MB Apr 13, 2015 16:31 Download 728
1 Johannes 3:1-7.pptx 900.13 KB Apr 13, 2015 16:29 Download 609
1 Johannes 3:1-7.doc 109 KB Apr 13, 2015 16:29 Download 788

1 Johannes 1:1-2:2 – Tweede Sondag van Paastyd – 12 April 2015

1Johannes 1-1-2-2Vir Familietyd kan jy die verse uit Die Nuwe Testament vir Kinders lees en/of die blokkiesraaisel gebruik. Die preekriglyn begin met die verhaal van Thomas Linacre, die geneesheer van koning Henry VII en Henry VIII van Engeland, stigter van die Koninklike Kollege van Geneeshere, en vriend van die groot denkers van die Renaissance, Erasmus en Sir Thomas More. Laat in sy lewe, het Linacre begin studeer om 'n priester te word. Vir die eerste keer in sy lewe ontvang hy die Nuwe Testament om vir homself te bestudeer. Linacre het in die donkerste tye van die kerk se geskiedenis geleef, terwyl Alexander VI pous was. Alexander, die berugte Borgia-pous, se omkopery, korrupsie, bloedskande en moord het die Katolieke kerk se naam beklad. Nadat hy die Nuwe Testament gelees het, het Linacre gesê: "Hierdie is óf nié die evangelie nie, of ons is nie Christene nie." Die evangelie is bedoel om ons gedrag te verander. Ons moet lewe op 'n manier wat pas by die evangelie. Anders is Linacre se woorde heeltemal waar. Hierdie eerste brief van Johannes bemoedig die gemeente – waarskynlik in Efese, soos die tradisie dit aan ons voorhou – om getrou te bly aan die inhoud van hulle geloof, Jesus Christus, sowel as aan die tipe praktiese lewenstyl wat daaraan uitdrukking gee.

1 Johannes 1:1-2:2.ppt 951.5 KB Apr 07, 2015 05:54 Download 710
1 Johannes 1:1-2:2.pptx 817.7 KB Apr 07, 2015 05:53 Download 612
1 Johannes 1:1-2:2.doc 143 KB Apr 07, 2015 05:52 Download 832

Markus 16: 1-8 – Paasfees – 5 April 2015

Markus16 1-8’n Mens kan die kinders redelik maklik deur die hele diens betrek. Die inleiding oor vuurhoutjiedosies van vanoggend se preek kan ook perfek werk as familie-oomblik. Op die vraag van die skooljuffrou bring die kinders in lentetyd iets wat nuwe lewe uitbeeld. Klein Jannie bring 'n leë vuurhoutjieboksie en verduidelik: "Jesus se graf was leeg, en dit is 'n teken van nuwe lewe." Die leë graf getuig van Christus se opstanding. Dit is die hartklop van die Christelike geloof, ons geloof. Tog is dit soms of dit vir ons ongelooflik is. Ons Westerse denkwyse maak dit vir ons moeilik om dit werklik te glo, wat nog dit oor te vertel te midde van teorieë oor swaartekrag en die kleinste molekules, wetenskap oor die heelal, die menslike brein. Tog, tog was daar 'n leë graf en die opstanding waar en werklik. "Hy is nie hier nie", sê die jongman. Nie onwerklik en verwyderd nie. Dirkie Smit skryf dat as daar geen opstanding was nie, dan was daar ook geen dissipels nie, geen Nuwe Testament nie, geen kerk nie, geen prediking nie. Dit is in die sien van die lewende Jesus dat die dissipels weer nuwe lewe en koers gekry het. Dit is so. Dit is die sien van die opgestane Here, die ontmoeting met die lewende gekruisigde Christus, wat ons lewe ongelooflik omvergooi en verander. Dit het met die dissipels gebeur. Dit het met Paulus gebeur. Dit het met al die ander geloofshelde in die Nuwe Testament en oor die eeue heen gebeur. Elke Sondag neem ons weer terug na die leë graf en die nuwe lewe wat daar begin het. Op Sondag word die leë vuurhoutjiedosie oopgeskuif, sodat ons die nuwe lewe nuut kan sien. En ons weet Jesus gaan ons vooruit. Ons sal Hom in die week sien, soos Hy vir ons gesê het.

Markus 16:1-8.ppt 698.5 KB Mar 30, 2015 12:21 Download 844
Markus 16:1-8.pptx 605.46 KB Mar 30, 2015 12:19 Download 657
Markus 16:1-8.doc 105.5 KB Mar 30, 2015 12:16 Download 811

Jesaja 52:13 – 53:12 – Goeie Vrydag – 3 April 2015

Jesaja52 13-53 12Daar is geen familie-oomblik vir vandag nie. Dit liturgie word met die prediking vervleg, so skoolgaande kinders sal dit heel maklik kan volg. Die preekriglyn begin met die opmerking dat lydensverhale ons inspireer – só ook die verhaal van die lydende dienaar van die Here in Jesaja 53. Lied 395, My Verlosser aan die kruis, verwoord dit vir ons. Tog is die wonder hiervan verborge. Mense sien dit nie sommer raak nie. In Lied 387, O Heer uit bloed en wonde, bely ons dit. Aan die een kant het die lydende dienaar die hoogste prys betaal. Aan die ander kant bely Jesaja dat Hy tóg lank sal lewe. Lewe spruit juis uit die dood uit voort. Die gedig van Sheila Cussons oor Goeie Vrydag verwoord dit vir ons, sowel as Lied 390, Ons kniel hier aan U voete neer. Dit val op met watter stille vertroue die dienaar sy lyding tegemoet stap, terwyl hy vir oortreders bid. Daarom ontvang hy 'n ereplek onder die grotes. Lied 393 verwoord ons verwondering oor dié Middelpunt van ons verlange, want in die NT sien ons hoe hierdie woorde van Jesaja op Jesus van toepassing gemaak word, ook deur Jesus aan die kruis. Só gee Jesaja ons taal om die diepte van Jesus se lyding te verklank. Die wyse waarop die dienaar van die Here se verwerping, verguising, lyding en beskaming verwoord word, help ons verstaan wat Jesus se nederige diens aan ons Hom gekos het. Daarom slaan ons Jesus se lyding en dood vandag nie net met afgryse gade nie, maar ook met diepe en dankbare verwondering. Dit was vir ons. Daarom kan ons met vrymoedigheid tot God nader en ons lewe aan Hom oorgee, in die woorde van Lied 400 Juig, juig in Hom, die Heiland aan die kruis. En osn kan die Here loof met Lied 385, Loof die Here, dis volbring. In herinnering aan die verwese gevoel waarmee Jesus se dissipels agtergelaat is, word die tradisionele seën nie uitgespreek nie en verlaat ons in stilte die kerk.

Jesaja 52:13-53:12.ppt 927.5 KB Mar 30, 2015 11:51 Download 666
Jesaja 52:13-53:12.pptx 752.49 KB Mar 30, 2015 11:49 Download 644
Jesaja 52:13-53:12.doc 135 KB Mar 30, 2015 11:45 Download 711

Markus 14:1-15:47 – Sesde Sondag in Lydenstyd – Palmsondag – 29 Maart 2015

Markus14 1-15 47As jy moeite doen om die diens visueel en deelnemend aan te bied, is ‘n spesifieke familie-oomblik nie nodig nie – veral as die kinders deelneem aan die “intog” en die skriflesings. Jy kan egter ook Die Donkie Waarop Niemand Kon Ry Nie deur Anthony Destefano gebruik. Aangesien die voorgeskrewe teks vir vandag baie lank is, word aanbeveel dat die hele teks wel voorgelees word, maar dat daar minder aandag aan prediking gegee word, sodat die teks self die oorwig van die Woordbediening vorm. Doen dus besondere moeite met die voorlees van die teks, wat deur Woordbediening en liturgiese momente, soos sang en aanbidding, aangevul word.

Markus 14:1-15:47.ppt 857.5 KB Mar 23, 2015 05:33 Download 701
Markus 14:1-15:47.pptx 764.1 KB Mar 23, 2015 05:31 Download 581
Markus 14:1-15:47.doc 163.5 KB Mar 23, 2015 05:28 Download 890

Jeremia 31:31-34 – Vyfde Sondag in Lydenstyd – 22 Maart 2015

Jeremia31 31-34Daar is verskeie opsies vir Familietyd wat jy kan gebruik: Carolyn Brown se gesprek oor die permanensie van tatoeërmerke as inleiding om oor die permanensie te gesels van God wat sy woorde op ons harte skryf; ‘n gesprek oor verskillende mediums wat gebruik word om op te skryf en baie verskil in terme van permanensie met dieselfde toepassing. Die preekriglyn begin met die verhaal van Condoleezza Rice, wat George Bush se Nasionale Veiligheidsraadgewer was, wat onverwags gevra is om in ‘n kerk klavier te speel. Die gemeente het die gewoonte gehad om net te begin sing wat haar onkant gevang het. Haar ma se raad was: "Skat, speel in C en hulle sal terugkom en jou begeleiding begin volg." Dit is ‘n metafoor vir God se werk in ons lewe. God speel net in C ("in Christus"), en ons sal terugkom na Hom toe. Dis God! Dit is die hoopvolle aankondiging van ons teks wat nie net vir Israel van betekenis was nie, maar ook vir ons.

Jeremia 31:31-34.ppt 974 KB Mar 05, 2015 11:43 Download 698
Jeremia 31:31-34.pptx 840.94 KB Mar 05, 2015 11:41 Download 614
Jeremia 31:31-34.doc 112 KB Mar 05, 2015 11:38 Download 917

Numeri 21:4-9 – Vierde Sondag in Lydenstyd – 15 Maart 2015

Numeri21 4-9Hierdie is natuurlik weer een van daardie geleenthede waar jy gewoon die Bybelverhaal dramaties kan vertel! Jy kan ook aansluit by die beginsel van kla vs dankbaarheid. Oulike stories wat jy kan gebruik, is Monsters Eat Whiny Children deur Bruce Eric Kaplan of Alexander and the Terrible, Horrible, No Good, Very Bad Day deur Judith Viorst (skakel na voorskou van onlangse fliek ingesluit). Jy kan ook “props” maak om die storie te vertel aan die hand van die voorbeelde wat ons gee. Jy kan ook verskillende padtekens en ander kennisgewings wat in die kinders se leefwêreld voorkom, gebruik, en veral verwys na die mediese teken met die slang om 'n paal. Die preekriglyn lei die teks in met die verhaal van John Wayne Brown wat lewendige slange tydens sy dramatiese eredienste hanteer het. Op 'n dag word hy reg in die middel van sy preek deur een van sy eie ratelslange gepik. Die gemeente het rondom hom kom staan, terwyl hulle bid. Brown was egter binne minute dood. Min mense sal seker dink Jesus se woorde in Markus 16:17-18 beteken predikers moet giftige slange hanteer terwyl hulle preek. Dis dwaasheid. Dit laat natuurlik die adrenalien vloei en verskaf goeie drama, maar dit bly dwaas. Net so dwaas was dit van Israel om in die woestyn ongeduldig te word en teen God en Moses uit te vaar. Die dwaasheid word met giftige slange gestraf wat uiteindelik darem getroef word deur God se voorsiening met die koperslang. Mense wat in die woestyn na Moses se koperslang opgekyk het, het die lewe ontvang. Ons lees dié verhaal in Lydenstyd om ons te herinner dat dieselfde geld in die NT. Elkeen wat met geloof opkyk na die Seun van die mens, soos eenmaal na die koperslang, sal die "ewige lewe" ontvang.

Numeri 21:4-9.ppt 1.2 MB Mar 02, 2015 15:47 Download 681
Numeri 21:4-9.pptx 1.14 MB Mar 02, 2015 15:44 Download 610
Numeri 21:4-9.doc 107.5 KB Mar 02, 2015 15:43 Download 806

Eksodus 20:1-17 – Derde Sondag in Lydenstyd – 8 Maart 2015

Eksodus20 1-17Voordat ‘n eenvoudige wet aan die kinders voorgehou word, vertel dalk net iets van die aanloop tot die wetgewing wat deur God self aan die volk deur Moses gegee is. Carolyn Brown se wet vir die kinders is ook in ‘n vrye vertaal uit die Engels beskikbaar. Sy gee ook praktiese riglyne om kleitablette te maak en die wet in eenvoudige vorm op kleitablette te skryf. Die NG Kerk se kategesemateriaal – “Handboek vir die Kategeet Graad 3” – het ook oulike uitbeeldings van die verskillende gebooie. Die preekriglyn begin met die vreemde verhaal van Wayne Lo, 'n tweedejaarstudent van Simon's Rock Kollege in Massachusetts, VSA, wat twee mense in 1992 met 'n semi-outomatiese geweer doodgeskiet en vier ander beseer het. Hy het volgehou, selfs tydens die eerste jare van sy tronkstraf, dat God hom gekies het om die verwoesting aan te rig. Later het hy dit 'n periode van ontkenning genoem. Nadat Wayne Lo met verloop van tyd besef het God kon hom onmoontlik kies om soveel pyn te veroorsaak, het hy geworstel om te verstaan wat hom 'n moordenaar gemaak het. Hy bly tot vandag oortuig dit was iets buite homself. Dit verskaf ‘n invalshoek om oor die tien gebooie se boodskap van God se passie vir lewe in volheid te gesel. God beveel nooit iemand om lewe tot niet te maak nie. Sy gebooie is God se instrumente om 'n betroubare, liefdevolle samelewing te skep waarin lewe in oorvloed kan gedy. Jesus noem die vervulling van die wet liefde teenoor God en die naaste.

Eksodus 20:1-17.ppt 1.47 MB Mar 02, 2015 15:23 Download 689
Eksodus 20:1-17.pptx 1.47 MB Mar 02, 2015 15:22 Download 651
Eksodus 20:1-17.doc 107 KB Mar 02, 2015 15:18 Download 770

Markus 8:31-38 – Tweede Sondag in Lydenstyd – 1 Maart 2015

Markus8 31-38Gebruik die boek of fliek van “Horton Hears a Who” deur Dr Seuss om met die kinders te gesels oor selfverloëning. Dit is wanneer Horton besef daar woon mense op die stoffie, dat hy alles in sy vermoë doen om hulle te help. Die preekriglyn werk met die studie in die Success-tydskrif wat in 2006 bevind het dat die respondente meen die mees belangrike bydraende faktore tot sukses is: 'n Goeie verhouding met familie – 89.9%; 'n Goeie verhoudings met jou huweliksmaat – 89.6%; 'n Goeie verhouding met God – 86%; Die vryheid om te doen wat jy wil – 61.7%; Finansiële sekuriteit – 57.5%; 'n Goeie loopbaan – 47.1%; Geld en rykdom – 32.3%. Teen hierdie agtergrond is dit so verrassend dat Jesus sy projek om die wêreld te transformeer, die vestiging van die regering van God, verbind met lyding en dood. Wie sien hiervoor kans? Verseker nie die MTD’s nie – dit is mense wat moralitiese terapeutiese deïste is nie, soos die boek Soul Searching bevind het nie! Moralistiese, terapeutiese deïsme is egter 'n leuen. Dis 'n teologie wat alles maklik maak en sukses met 'n paar eenvoudige stappe en menslike faktore waarborg. Hierdie skrifgedeelte waarsku ons om nie op hierdie wyse op die evangelie te reageer nie. Ons moet leer om soos Jesus te dink, om te dink aan wat God wil hê. Dit sal altyd 'n stryd wees, met tye van mislukking en misverstand, asook tye wat ons daarin slaag om te dien soos Jesus, selfs met ons lewe as dit moet. Alleen so sal ons al meer die nuwe mens word wat God wil hê ons moet wees, die nuwe mens waarvoor Christus gesterf en opgestaan het. God se weg gaan deur die dood heen tot die heerlikheid van die opstanding waarin ons ook deel.

Markus 8:31-38.ppt 897.5 KB Feb 23, 2015 21:56 Download 697
Markus 8:31-38.pptx 840.53 KB Feb 23, 2015 21:54 Download 597
Markus 8:31-38.doc 101 KB Feb 23, 2015 21:54 Download 869

Markus 1:9-15 – Eerste Sondag in Lydenstyd – 22 Februarie 2015

Markus1 9-15Gebruik die geleentheid om die kinders by die doopvont te laat staan om die simboliek van die doopwater aan hulle oordra aan die hand van die verhaal van God se verbond met Noag. Die preekriglyn begin met die hartroerende verhaal van die dood van ds. Werner Groenewald en sy twee kinders, Rode en Jean-Pierre, op 29 November 2014 in Kaboel terwyl hy by hulpverleningsprojekte betrokke was. Baie mense vra of dit die moeite werd is om jou lewe op die spel te plaas vir die Here. Dit laat mens diep nadink. Wat behels ons verbintenis aan die Here? Wat doen ons as ons Jesus se eerste preek in Markus 1 gehoorsaam? Waarvoor laat mens jou in as jy doen wat Jesus destyds in Galilea vra: “Die tyd het aangebreek, en die koninkryk van God het naby gekom. Bekeer julle en glo die evangelie.”? Wat ons troos en motiveer op hierdie pad is dat ons nie alleen is nie. Hy is ons voorloper en begeleier. Dissipels word nie aan hulself oorgelaat nie, selfs nie al skeur die Taliban se geweld jou uitmekaar nie. Daarop kan ons in hierdie Lydenstyd staatmaak.

Markus 1:9-15.ppt 899.5 KB Feb 14, 2015 12:25 Download 735
Markus 1:9-15.pptx 747.03 KB Feb 14, 2015 12:23 Download 625
Markus 1:9-15.doc 108 KB Feb 14, 2015 12:22 Download 799

Markus 9:2-9 – Sondag van die Verheerliking– 15 Februarie 2015

Markus9 2-9’n Mens moet versigtig wees om nie ’n “morele lessie” uit elke skrifgedeelte te probeer haal vir kinders nie. Dit is belangriker dat hulle die Woord hoor en leer ken. Vertel gewoon die verhaal op gevoelvolle wyse of lees dit uit ’n kindervriendelike vertaling. Kies dan een aktiwiteit wat die verhaal vaslê, waarvoor daar vier voorbeelde hier aangedui word. Die preekriglyn begin met die boeiende verhaal van Dawie Pypers wat ‘n byeenkoms in die Groenpuntstadion op 13 Augustus 1961 gehou het op uitdaging van die Moslem Ahmed Deedat om die waarheid van Islam versus die boodskap van Jesus in die openbaar te debatteer. As bewys van die Here Jesus se lewende teenwoordigheid het Dawie gebid vir ‘n vrou, mev. Witthuhn, wat aan ‘n medies bevestigde ongeneeslike siekte gely het, en sy is daar en dan genees, soos vyf dokters ná die tyd met ondersoeke bevestig het. Dawie het die moed vir dié gebed gekry in sy afsondering met God in die Bolandse berge. Daar, tydens sy bergtop-ervarings, het hy die moed ontvang om die skares in die Naam van die Here in die oë te kyk. Dít is dit tipe geloof wat hierdie verhaal van Jesus se verheerliking op die berg ook in ons lewens wil inspireer, soos Hy dit eenmaal vir sy dissipels gedoen het. Ons word daarom in Lydenstyd genooi om fyn na hierdie Jesus te kyk en goed na Hom te luister. 'n Verbintenis aan Jesus, en die praktiese navolging van Jesus sal ons na plekke neem van opoffering. Dit is die normale weg van 'n dissipel deur die lewe. Vir Dawie Pypers het dit na die Groenpuntstadion geneem waar hy in die Here se Naam moes waag. Vir ander neem dit na duisende dade en woorde van opoffering, liefde en diens. Ons verbind ons aan Jesus, omdat ons weet Hy wys die ware weg aan. Hy is die Seun van God. Hy het die woorde wat lewe gee. Wie Jesus so volg, sal die kragtige openbaring van die koninkryk van God sien.

Markus 9:2-9.ppt 1.21 MB Feb 06, 2015 08:53 Download 826
Markus 9:2-9.pptx 829.38 KB Feb 06, 2015 08:52 Download 694
Markus 9:2-9.doc 95.5 KB Feb 06, 2015 08:51 Download 888

Markus 1:29-39 – Epifanie 5 – 8 Februarie 2015

Markus1 29-39Daar is eintlik 3 afsonderlike stories ingevleg in die perikoop van 11 verse. Om te verseker die kinders hoor elkeen van die stories, maak gebruik van verskillende voorlesers wat die storie dramaties oorvertel. Dit gee ‘n goeie voorbereiding vir die tema, "'n Dag in die lewe van....", wat as inleiding dien vir die preekriglyn. Mense beeld immers graag 'n dag in die lewe van een of ander karakter of groep uit, in fotografie, in van die wêreld se beste literatuur, in flieks en selfs in liedjies. Markus 1 is uit die hoek gesien deel van 'n merkwaardige beskrywing van 'n dag in die lewe van Jesus. Die sinagoge het pas uitgekom, en Jesus genees net daarna Petrus se skoonmoeder. Die boodskap versprei vinnig. Teen die aand daag mense met 'n menigte siekes en persone in die mag van die bose op. Hulle drom voor die deur van die huis saam, en Jesus maak baie siekes gesond en dryf baie bose geeste uit. Daarna spandeer Hy tyd in gebed en dit is merkwaardig om op te let hoe Jesus se kontak met sy Vader verdere fokus en rigting bring in sy lewe. Ons leer daarut dat dit vanuit Jesus se gebedskontak met die Vader is dat sy identiteit en roeping die oorheersende krag in sy lewe bly. Ons as dissipels moet dit altyd in gedagte hou.

Markus 1:29-39.ppt 993.5 KB Jan 27, 2015 15:00 Download 670
Markus 1:29-39.pptx 882.58 KB Jan 27, 2015 14:58 Download 633
Markus 1:29-39.doc 112 KB Jan 27, 2015 14:57 Download 881

Markus 1:21-28 – Epifanie 4 – 1 Februarie 2015

Markus1 21-28Vir Familietyd kan julle die “rock, paper, scissors” speletjie speel om uit te vind wie die sterkste is. Dis net ’n speletjie, maar daar is baie mense wat graag wil wys dat hulle sterker is as ander. Party probeer dapper en waaghalsig optree. Sommige probeer wys dat hulle sterk is deur lelik te wees met ander mense of op ander te pik. Dit gee ‘n goeie inleiding na Markus se verhaal wat wys hoe sterk Jesus is. Jesus is sterker as ons ergste vyand. Markus wys egter hoe Jesus nooit sy krag gebruik om ander mense seer te maak nie. Hy gebruik sy krag om mense te help – ‘n Tender Toughness. Daartoe word ons ook geroep.

Markus 1:21-28.ppt 927 KB Jan 22, 2015 08:32 Download 650
Markus 1:21-28.pptx 895.49 KB Jan 22, 2015 08:30 Download 547
Markus 1:21-28.doc 98 KB Jan 22, 2015 08:29 Download 745

Markus 1:14-20 – Epifanie 3 – 25 Januarie 2015

Markus1 14-20Met Familietyd kan die verhaal van Jona gedramatiseer word met die oorsig wat Die Bybel in Praktyk verskaf. Die preekriglyn begin met die verhaal van William Borden,die erfgenaam van die massiewe Borden Suiwelboerdery , wat op 'n reis rondom die wêreld 'n passie ontwikkel het om lydende mense te help. Hy is bekend vir drie frases wat hy deur sy lewe in sy Bybel opgeteken het: "Geen reserwes. Geen terugkeer. Geen spyt." Dit wys die krag van die roeping van God, soos dit ook in Markus 1 vir ons opgeteken word: “Die tyd het aangebreek, en die koninkryk van God het naby gekom. Bekeer julle en glo die evangelie.” Elkeen wat dié boodskap hoor, word deur Jesus as vissers van mense geroep. Daarmee lê Hy beslag op jou hele lewe.

Markus 1:14-20.ppt 850 KB Jan 19, 2015 12:14 Download 690
Markus 1:14-20.pptx 735.4 KB Jan 19, 2015 12:13 Download 558
Markus 1:14-20.doc 123 KB Jan 19, 2015 12:12 Download 849

Johannes 1:43-51 – Epifanie 2 – 18 Januarie 2015

Johannes1 43-51Hierdie is die ideale geleentheid om te gesels oor wat dit beteken om Jesus te volg. Daar is verskillende “volg my” speletjies om van te kies. Speel iets soos “follow the leader” of “Simon Says”. Of kry ‘n megafoon / maak ‘n megafoon van karton en roep die kinders om jou deur die kerkgebou te volg. Die preekriglyn begin met die avonture van Shaun die Skaap wat in 2015 na 'n grootskerm-teater naby jou kom. Lokfilms draai tans om ons lus te maak vir dié storie. Dit gee ‘n goeie inleiding vir die ontmoeting tussen Jesus en Natanael in ons teks. Deur hom ontdek ons dat God ons ken. En kan ons Jesus se belofte goed hoor, dat ons groter dinge as dit sal sien.

Johannes 1:43-51.ppt 1.08 MB Jan 12, 2015 16:38 Download 738
Johannes 1:43-51.pptx 1.05 MB Jan 12, 2015 16:36 Download 577
Johannes 1:43-51.doc 110 KB Jan 12, 2015 16:33 Download 901

Markus 1:4-11 – Epifanie 1 – 11 Januarie 2015

Markus1 4-11Lees die doop van Jesus uit die Nuwe Testament vir kinders en onderstreep net weer die kernbetekenis van die Verbondsdoop. Dit kan aangevul word met ‘n illustrasie uit Toy Story 1. Die preekriglyn werk met die gebed van Jesaja dat die Here die hemel moet oopskeur en die verwoeste Jerusalem weer sal herstel. Jesaja se gebed vind weerklank in Markus 1, wanneer vertel word van God wat inderdaad onder mense kom woon het, van die hemel wat toe inderdaad oopgeskeur het. Verstommend genoeg tree Johannes die Doper as die wegbereider vir Jesus in die woestyn van Juda op. Hy bring die boodskap van verandering: "Bekeer julle en laat julle doop en God sal julle sondes vergewe."

Markus 1:4-11.ppt 837.5 KB Jan 05, 2015 06:14 Download 630
Markus 1:4-11.pptx 719.63 KB Jan 05, 2015 06:12 Download 607
Markus 1:4-11.doc 93 KB Jan 05, 2015 06:11 Download 726

Efesiërs 1:3-14 – Epifaniefees – 4 Januarie 2015

Efesiers1 3-14Efesiërs praat pragtig van God se genade en liefde. Die ideaal is natuurlik om nié “object lessons” te gebruik nie, aangesien kinders nie metafore verstaan nie. Maar John Stevens gee ‘n pragtige idee om ‘n goedkoop speelgoed “magic milk bottle” te gebruik om te kan praat oor die nuwe jaar en die feit dat ons aangeneem is as God se kinders. Die preekriglyn werk met Hatsuyume, die Japanese woord vir die eerste droom van die nuwe jaar. Tradisioneel word dié droom beskou as ‘n aanduiding van die geluk wat die dromer die jaar sal ervaar. Vir ons wat aan die begin van ‘n nuwe jaar staan, is daar egter ‘n ander droom wat ons geluk gaan bepaal. Dit is die droom wat Gód vir ons het. Hy wil ons seën om alles in almal te vervul. Dit doen Hy deur die Here Jesus Christus.

Efesiërs 1:3-14.ppt 892 KB Dec 22, 2014 08:02 Download 710
Efesiërs 1:3-14.pptx 567.04 KB Dec 22, 2014 08:00 Download 615


For DOWNLOAD is used JotLoader component © V. Kanich 2007-2009