SOEK HIER VIR BYBELGEDEELTES


Tik die naam van die Bybelboek wat jy soek hieronder in om die resultate te "filter". Dit sal jou baie gou wys of die hoofstuk of perikoop wat jy soek hier beskikbaar is.

Die vorige alfabetiese lys is steeds hier, maar sal nie langer opgedateer word nie.



Kerkjaar 2015-16

 

 

File Version Licence Size Added Hits
Lukas 24:1-12.doc 92.5 KB Mar 22, 2016 15:35 Download 680

Johannes 18:1-19:42 – Goeie Vrydag – 25 Maart 2016

Johannes18 1-19 42bDaar is nie ‘n spesifieke Familietyd nie. Kinders neem doodgewoon deel aan die liturgie wat met kort episodiese prediking afgewissel word. Dit teks wat twee hoofstukke beslaan word dus gelees en afgewissel met kommentaar, gebede en sang. Dit help ons om aan die hand die vyf episodes van die verhaal: In die tuin, Voor Annas, By die vuur waar Petrus Jesus verloën, Voor Pilatus, Tot ons heil gekruisig, gesterwe en begrawe. Daarmee word Jesus Christus as die hoofkarakter van hierdie lydensdrama uitgebeeld. Hy oorheers die toneel en word uitgebeeld as die Een wat deurgaans in beheer is van die verloop van sake. Jesus se majesteit skyn op sy helderste wanneer Hy deur mense verhoor word. Die lydende Kneg is die Koning van die wêreld. Dit wat op die oog af lyk na vernedering en verlies is, met die geloofsoog gesien, 'n heerlike oorwinning. Op die menslike vlak is hierdie 'n gewelddadige verhaal. Daar is 'n nagtelike gevangeneming, 'n onbehoorlike verhoor, Jode wat Pilatus manipuleer, marteling, 'n publieke teregstelling en 'n haastige begrafnis. Tog oorheers hierdie bloederige onreg nie die verhaal nie. Jesus is meer as 'n slagoffer van wie die lewe weggeneem word. Jesus is die handelende Persoon, wat sy lewe vrywillig gee in 'n daad van liefde teenoor die wêreld. As oorwinnende Koning kan ons Jesus vandag eer en prys.

Johannes 18:1-19:42.ppt 1.16 MB Mar 22, 2016 15:34 Download 594
Johannes 18:1-19:42.pptx 1019.46 KB Mar 22, 2016 15:33 Download 455
Johannes 18:1-19:42.doc 208.5 KB Mar 22, 2016 15:32 Download 693

Lukas19 28-40Sesde Sondag in Lydenstyd – Palmsondag - 20 Maart 2016 - Lukas 19:28-40

Hierdie kan ‘n gunsteling fees wees vir kinders as julle iets van die Palmsondag optog maak. Daar is vele wenke in dié bydrae daarvoor. Jy kan ook die betekenis van Jesus se koningskap deurgesels aan die hand van: “The Donkey that no one could ride”. Die preekriglyn sluit aan by prof. Denise Ackermann se verbeeldingsprentjie in haar boek, Surprised by the man on the borrowed donkey. Sy sit ‘n oggend in die indrukwekkende Katedraal van Canterbury terwyl 'n prosessie biskoppe van die Anglikaanse Kerk besig is om hul plek in te neem. En sy dink, wie kort nog? Wie mis ek? 'n Verrassende prentjie spring helder op in haar gedagtes. Sy mis Jesus, die Man op die geleende donkie. Hoe sou dit lyk as Jesus op sy donkie die katedraal binnekom? Dit gee ‘n goeie oorgang na die voorstelling in ons teks van Jesus as koning. Die geleende donkie help onthou dat Jesus se koningskap anders is – dat dit nie was wat mense verwag het nie. Dit help ons besef dat Jesus die kruispad stap. En, soos Sadhu Sundar Singh vir ons sê: As ons nie die kruis van die Heer dra nie sal ons die kruis van die wêreld met al die aardse dinge moet dra. Die wat die kruis van die Heer dra weet uit ervaring dat hierdie kruis hulle dra en veilig by hulle bestemming sal bring. Die kruis van die wêreld, daarenteen, trek ons af en lei tot vernietiging. Watter kruis dra jy? Word stil en dink. Dis met hierdie gesindheid van selfondersoek NT Wright skryf: Terwyl ons saam met Jesus in Jerusalem aankom, moet ons op 'n dringende vraag antwoord. Reis ons saam met Jesus met die hoop dat Hy sommige van ons eie verwagtinge en ambisies sal vervul? Is ons gereed om nie net ons klere op die pad voor Hom te gooi nie, maar ook om Hom te volg wanneer moeilikheid, kontroversie, verhoor en dood volg? Ons sien vandag die heerlikheid van die Man op die geleende donkie. Agter hierdie man aan neem ons ons kruis op en volg Hom na.

Lukas 19:28-40.ppt 1.39 MB Mar 14, 2016 21:47 Download 547
Lukas 19:28-40.pptx 915.33 KB Mar 14, 2016 21:45 Download 431
Lukas 19:28-40.doc 112 KB Mar 14, 2016 21:37 Download 759

Vyfde Sondag in Lydenstyd - 13 Maart 2016 - Jesaja 43:16-21

Jesaja43 16-21Met Familietyd kan jy die verhaal vertel van Julia Dray, die dogter van ’n Presbiteriaanse predikant, wat 8 jaar oud was toe sy begin verstaan het dat die heelal regtig baie, baie groot is. “God is so groot dat Hy net so klein kan wees as wat Hy wil wees. Dis hoe Hy dit regkry om binne-in jou hart te kan inpas.” Daar is ook ‘n praktiese hulpmiddel. Die preekriglyn lei met die verhaal van die neurobioloog James McGaugh in, een van die voorste kundiges op die gebied van menslike geheue. Hy sê 'n vrou, wat net as AJ bekendstaan, het 'n unieke gawe om te kan onthou. AJ se vermoë om die fynste detail te onthou, is ongelooflik. Sy kan dekades uit haar lewe in haar kop laat afspeel asof dit 'n fliek is waarna sy kyk. Gee haar enige datum, en sy kan onthou watter dag van die week dit was, gewoonlik hoe die weer daardie dag was, persoonlike detail uit haar lewe, en ook watter nuusgebeure afgespeel het. Gevra of so 'n wonderlike geheue 'n groot gawe is, was AJ nie so seker nie. Sy onthou ook die slegte dinge, soos die einde van 'n verhouding, in die grootste detail. Dit bly haar by. Dis nie lekker nie. Miskien moet die vermoë om te kan vergeet ook 'n gawe genoem word. Dit is waaroor ons teksgedeelte vir vandag handel. Israel word opgeroep om te vergeet, omdat die Here iets nuuts gaan doen. Hulle moenie meer net aan die vroeëre dinge dink en by die verlede stilstaan nie. Hulle moet God se nuwe werklikheid aangryp en daarin begin glo. Dit leer ons dat daar 'n gesonder spanning tussen onthou en vergeet moet wees. Ons moet ons verlede onthou, sodat ons dankbaar kan bly vir die verlossing wat die Here vir ons gebring het. Maar ons moet ons verlede op so 'n manier vergeet dat die skuld en sonde van die verlede sy greep op ons verloor. Daarom kan ons miskien bly wees ons het nie AJ se fotografiese geheue nie!

jesaja 43:16-21.ppt 1.43 MB Mar 08, 2016 09:17 Download 554
Jesaja 43:16-21.pptx 1.34 MB Mar 08, 2016 09:16 Download 447
Jesaja 43:16-21.doc 123.5 KB Mar 08, 2016 09:15 Download 786

Vierde Sondag in Lydenstyd - 06 Maart 2016 - Lukas 15:1-3, 11b-32

Lukas15 1-32Daar is pragtige video’s van hierdie skrifgedeelte beskikbaar. Jy kan ook die pragtige storie van The Runaway Bunny, deur Margaret Wise Brown, gebruik. Dit sluit pragtig aan by die preek se fokus op moederskap – én by die verhaal van vandag se Skrifgedeelte. The Runaway Bunny vertel van al die maniere waarop hy van sy ma gaan weghardloop – en sy ma wat vertel hoe sy hom sal volg en help. Die preekriglyn lei die Skrifgedeelte in met die verhaal van Kanye West, die bekende rapper en hip-hop kunstenaar. Hy wil 'n nuwe, hersiene uitgawe van die Bybel hê waarin hy die hoofkarakter speel. Mense noem Kanye nie verniet die mees arrogante kunstenaar nie. Vir sommige mag hy net kort duskant Godslastering draai aangesien hy 'n hoofkarakter in die Bybel wil wees. Vir ander bevestig Kanye maar net wat vanselfsprekend waar is. Hy is reeds in die Bybel, net soos ons almal. Wanneer die Bybel van die verlore skaap, die verlore muntstuk of twee verlore seuns praat, praat God oor ons, net soos oor Kanye West. Ons is ook almal die hoofkarakters in God se beweging na mense toe. Ons is die verlorenes wat reeds gevind is, diegene wat nou deelneem aan God se beweging na die wêreld toe. Ons is die vreugde in die Vaderhart.

lukas 15:1-32.ppt 1.74 MB Feb 29, 2016 08:21 Download 677
Lukas 15:1-32.pptx 1.19 MB Feb 29, 2016 08:20 Download 565
Lukas 15:1-32.doc 123.5 KB Feb 29, 2016 08:19 Download 872

Derde Sondag in Lydenstyd - 28 Februarie 2016 - Jesaja 55:1-9

Jesaja55 1-9Daar is drie opsies vir Familietyd waarin jy kan fokus op die nagmaal, ‘n piekniek of ‘n video en lied gebaseer op die Skriflesing. Die preekriglyn begin met ‘n inleiding oor die worsteling met pessimisme. Dinge word dan in 'n baie donker lig gesien. Dit kan met ons persoonlike omstandighede, ons omgewing, ons land of die wêreld te doene hê. Soms verval mens so diep in wanhoop, negatiewe gedagtes en suspisie dat jy nie meer gebore in staat is om moed en hoop aan die dag te lê nie. Die teks uit Jesaja help ons om die vraag te vra na waar die verskil dan lê tussen hoop en wanhoop. Vir Jesaja maak God die verskil. God is vir Jesaja nie koud, klinies en ver nie, maar vol liefde en ontferming. God is betrokke by die wêreld en tree aktief op.

Jesaja 55:1-9.ppt 993.5 KB Feb 23, 2016 17:08 Download 591
Jesaja 55:1-9.pptx 895.29 KB Feb 23, 2016 17:07 Download 501
Jesaja 55:1-9.doc 101.5 KB Feb 23, 2016 17:06 Download 848

Tweede Sondag in Lydenstyd - 21 Februarie 2016 - Lukas 13:31-35

Lukas13 31-35In vandag se skrifgedeelte is Jesus hartseer oor mense wat hom nie wil volg nie. Hy beskryf sy liefde vir hulle soos ‘n moederhen se liefde. As jy dit betyds in die hande kan kry, kan jy die verhaal vertel van “Five little chicks” deur Nancy Tafuri. Of vertel self hoe ‘n hen op haar eiers lê, hoe sy na die kuikens omsien. Jy kan die hen vergelyk met die kinders se mammas wat hulle vashou in haar arms en dan verduidelik dat Jesus ook só lief is vir ons. Die preekriglyn sluit hierby aan en vra die vraag wie beheer ons wêreld en ons toekoms? Verskillende mense beantwoord hierdie vraag op verskillende maniere. Jy kan na ‘n paar van die vroeëre sameswering-teorieë verwys. Vandag is dit Donald Trump wat dink Amerika sal veiliger wees as alle Moslems en Meksikane (met wie hy graag eiendomstransaksies aangaan) uit die land gesit kan word. Lydenstyd is 'n tyd vir stilte en nadenke. Die teks help ons diep hieroor na te dink: Wie beheer die wêreld? Die preekriglyn sluit af met die oproep tot die navolging van ons Meester, want daardeur kan ons toelaat dat God se liefde deur ons vloei na 'n wêreld wat rebelleer. Ons moet met sy liefde na die mense om ons kyk. Ons moet die erns van God se waarskuwing verstaan dat volhardende verwerping van Jesus tot felle oordeel sal lei. Hoewel dit onafwendbaar is, kan ons vashou aan God wat getrou is aan sy woord. Hy begeer dat sondaars na Hom moet kom. En ons kan verseker wees dat sy belofte waar sal wees dat daar mense uit elke volk, taal en nasie voor sy troon sal wees. Met dit in gedagte moet ons vertrouend en volhardend vorentoe gaan.

Lukas 13:31-35.ppt 767.5 KB Feb 14, 2016 15:51 Download 571
Lukas 13:31-35.pptx 731.6 KB Feb 14, 2016 15:49 Download 503
Lukas 13:31-35.doc 100 KB Feb 14, 2016 15:49 Download 851

Eerste Sondag in Lydenstyd – 14 Februarie 2016 – Deuteronomium 26:1-11

Deuteronomium26-1-11Die fokusteks kan uitstekend as ’n drama opgevoer word aan die hand van die ingeslote hulpmiddel. Dit is ook die begin van Lydenstyd. Deuteronomium 26:1-11 is uiters geskik as begin van dié tyd, omdat dit praat oor lewe en verwagtinge en teleurstelling en menslike handeling en pyn – en dankbaarheid vir alles en ten spyte van alles. 'n Wonderlike tradisie van baie gemeentes in Afrika is om as laaste deel van die diens ingedans te kom op maat van 'n kerklied met mandjies vol vrugte en groente. Daarna sit die predikant die mandjies voor die altaar en wy dit aan die Here. Dit vier die lewensruimte wat God aan ons gee. Die preekriglyn het vier temas wat ons dankbaarheid vir wat God gee, kan uitpak: Een: Blom waar jy geplant is. Twee: 'n Land wat oorloop. Drie: Ons moet ons hande uitsteek. Vier: Onthou met dankbaarheid.

Daar is ook ‘n Geloofsbelydenis uit Jesaja 53 ingesluit.

 

Deuteronomium 26:1-11.ppt 951.5 KB Feb 07, 2016 19:46 Download 544
Deuteronomium 26:1-11.pptx 850.48 KB Feb 07, 2016 19:44 Download 474
Geloofsbelydenis Jesaja 53.ppt 205.5 KB Feb 07, 2016 19:43 Download 536
Deuteronomium 26:1-11.doc 121.5 KB Feb 07, 2016 19:43 Download 702

Sondag van die Verheerliking – Feesdiens – 7 Februarie 2016 – Lukas 9:28-36, (37-43)

Lukas9 28-36Die Engelse woord vir vandag, "transfiguration" is eintlik 'n baie lekker woord om die kinders in die betekenis van die teks in te lei. Jy kan met hulle gesels oor die kraai wat in ‘n beker verander word in Harry Potter and the Philosopher's Stone. Dit is egter radikaal anders as wat hier met Jesus gebeur. Jesus word ook verander, maar Jesus nie iets anders as wat Hy is nie, Hy word meer wat Hy is. Sy Goddelikheid word meer gemaak. Op dieselfde manier werk God, deur die Gees in ons, om ons ook meer dit te maak wat ons reeds is. Die preekriglyn begin met die spreuk van die sendeling Hudson Taylor: "Vertrou daarop: God se werk, gedoen op God se manier, sal nooit gebrek lei aan God se voorsiening nie." En wys hoe dit prakties geraak het met die stigting van China Inland Mission. Daar was twee redes waarom daar – ten spyte van baie stryd en mislukking – vrug op die werk was. Die eerste rede was die helder besef dat God self aan die werk is, en dat hulle instrumente in God se hande was. Die tweede rede was 'n lewe van gebed, die opsoek van God se teenwoordigheid en die rus in gebed by God. Met dit as agtergrond kan ons die betekenis wat hierdie teks vir ons het, beter verstaan. Jesus is op die punt om deur die meule te gaan. Sy dissipels ook. Jesus se antwoord op hierdie beproewing is om gemeenskap met God op te soek deur gebed. Hy betrek ook sy dissipelkring. Gebed word die manier waarop Jesus in hierdie oomblikke ingebed bly in sy identiteit as lydende kneg van die Here, Seun van God. Gebed word ook die manier waarop die dissipelgemeenskap, via Petrus, Johannes en Jakobus, gedefinieer word as volgelinge van die Seun van God.

Lukas 9:28-36.ppt 1.56 MB Feb 01, 2016 10:30 Download 547
Lukas 9:28-36.pptx 783.7 KB Feb 01, 2016 10:28 Download 553
Lukas 9:28-36.doc 104.5 KB Feb 01, 2016 10:28 Download 622

Vierde Sondag ná Epifanie – 31 Januarie 2016 – Lukas 4: 21-30

Lukas4-21-30Met Familietyd kan jy oor verwerping met die kinders gesels aan die hand van die verhaal van Del Ennis, ’n beroemde bofbalspeler, wat ook nie in sy tuisdorp die erkenning gekry het wat hy verdien het nie. Dit sal ’n goeie inleiding verskaf om oor Jesus met die kinders te gesels. Die preekriglyn lei ook met ’n sportverhaal in om te illustreer dat ‘n goeie sportman altyd die bal speel en nooit die man nie. Des Hasler was 'n legendariese Australiese professionele Rugby-Ligaspeler. Sy bynaam was "Sorry". Die rede? Nadat hy 'n opponent vasgevat en eintlik op die veld begrawe het, het hy gewoonlik "Sorry mate" gesê terwyl die slagoffer orent kom. Sy houding was dat hy net gedoen het wat hy moes. Dit is egter nie hoe baie mense lewe nie. Dit is ‘n ou laai om die man eerder as die bal te speel, soos hier in die verhaal van Jesus. As mense nie van die boodskap hou nie, is hulle geneig om die boodskapper by te kom.

Lukas 4:21-30.ppt 1.36 MB Jan 25, 2016 16:32 Download 615
Lukas 4:21-30.pptx 1.25 MB Jan 25, 2016 16:30 Download 563
Lukas 4:21-30.doc 119.5 KB Jan 25, 2016 16:29 Download 667

Derde Sondag ná Epifanie – 24 Januarie 2016 – Lukas 4:14-21

Lukas4 14-21Nota: Die teksindeling fokus op Jesus se lering in Nasaret. Volgende Sondag fokus op die mense van Nasaret se reaksie. Lei die uitleg van die teks in met ‘n gesprek met die kinders oor wat hulle wil wees wanneer hulle groot is. Laat grootmense vertel wat hulle graag wou word – en wat hulle nou is. Verduidelik dan dat Jesus terugkeer na die dorp waar hy grootgeword het, waar almal wou hoor wat van hom geword het. Lees dan die skrifgedeelte en gesels met hulle oor prioriteite en passies en wat hierdie gedeelte oor Jesus sê. Die preekriglyn lei met die voorbeeld in van ‘n alkoholis se stryd om rehabilitasie sowel as ‘n seksslaaf van ISIS, Nadia Murad Basee Taha, wat in November 2014 ontsnap het en van haar vryheid kon getuig voor die VN. Albei het die genade van vryheid uit hulle slawerny ontvang, presies soos die Here Jesus hier in sy tuisdorp Nasaret verkondig. Dit is die kern van Jesus se bediening. Jesus bring 'n nuwe bedeling tot stand waar mens se verlede, en die nood van jou verlede, nie langer jou lewe definieer nie. Vryheid en uitkoms is moontlik.

Lukas 4:14-21.ppt 1.25 MB Jan 18, 2016 12:21 Download 589
Lukas 4:14-21.pptx 861.16 KB Jan 18, 2016 12:20 Download 494
Lukas 4:14-21.doc 111.5 KB Jan 18, 2016 12:19 Download 748

Tweede Sondag ná Epifanie – 17 Januarie 2016 - Johannes 2:1-11

Johannes2 1-11Gebruik dié Sondag die ingeslote voorbeeld van ‘n koerant waarvan die berig verwys na Jesus wat water in wyn verander. Daar is ook ‘n pragtige inkleurprent. Die preekriglyn begin met ‘n oorsig van die tipe wyn wat bekend was in die wêreld van die Bybel as inleiding tot die teks. Die feit dat die wonderwerk egter spesifiek as ‘n wonderteken beskryf word, beteken dat veral die simboliese betekenis van die gebeure belangrik is. Jesus se optrede by hierdie spesifieke bruilofsfees – om wyn uit water te skep – openbaar dus sy heerlikheid. Hy gaan die messiaanse feesmaal moontlik maak. Ons dra daarom dié boodskap in alles wat ons doen. In Jesus, deur die Gees, is God oral in die skepping teenwoordig. Niks is meer dieselfde nie. Daarom kan selfs die wyn by 'n bruilof 'n teken word wat na sy heerlikheid heenwys. Elke erediens, elke doop, nagmaal en loflied wat opklink tot eer van God onderstreep hierdie werklikheid.

Johannes 2:1-11.ppt 2.34 MB Jan 11, 2016 18:07 Download 605
Johannes 2:1-11.pptx 1.37 MB Jan 11, 2016 18:04 Download 523
Johannes 2:1-11.doc 115 KB Jan 11, 2016 18:01 Download 745

Eerste Sondag ná Epifanie – 10 Januarie 2016 - Handelinge 8: 14-17

Handelinge8 14-17Al is vandag se teks ‘n kort gedeelte, het dit ‘n kragtige boodskap van liefde, sorg en ondersteuning. Jy kan die verhaal van Let's Go, Hugo! deur Angela Dominguez gebruik met Familietyd. Hugo is ‘n voëltjie wat liefde en ondersteuning van die ander voëls nodig het, sodat hy sy vrees kan oorwin en besef dat hy kan vlieg. Of gesels oor die doop! Bybel-Media het twee pragtige boekies oor die doop wat julle kan gebruik: Met jou doop, en Die avonture van Lisa en Timmy. Die preekriglyn lei die teks in met die dokumentêre film A snake gives birth to a snake gebaseer op die Suid-Afrikaanse ervaring van versoening in die 1990's. Die merkwaardige titel verwys na die antwoord wat geweldenaars dikwels in konfliksones verskaf wanneer gevra word hoekom hulle babas en jong kinders doodmaak. Wat mense se kultuur ook al is, is die antwoord altyd een of ander variasie van die titel: "Want 'n slang gee geboorte aan 'n slang." Dit is skokkend dat so oor mense gepraat kan word. As jy jou vyand wil uitwis, as jy slange wil uitroei, moet jy die klein slangetjies ook uitwis. Ons teks vertel hoe die evangelie na die uitstorting van die Heilige Gees ook in Samaria kon posvat, spesifiek in só ‘n gebied. Daar aanvaar die Samaritane, wonder bó wonder, die Woord van God, en Petrus en Johannes word gestuur om te bid dat dié mense ook die Heilige Gees mag ontvang.

Handelinge 8:14-17.ppt 1.23 MB Jan 01, 2016 05:59 Download 600
Handelinge 8:14-17.pptx 865.12 KB Jan 01, 2016 05:57 Download 567
Handelinge 8:14-17.doc 115 KB Jan 01, 2016 05:56 Download 701

Epifaniefees – 3 Januarie 2016 - Jesaja 60:1-6

Jesaja60 1-6Met Familietyd kan jy die pragtige fabel van “Star Bright” deur Alison McGhee vertel, van ‘n engeltjie wat graag iets vir Jesus wou gee en op die ou end die lig van die helder ster was wat die wyses gevolg het. Die preekriglyn begin met ‘n beskrywing van die tyd van Jesaja waarin nagdonkerte ‘n werklikheid was. Ons verstaan eers werklik die impak van Jesaja 60 se simboliek as ons nou van tyd tot tyd sonder elektrisiteit en ander maklike maniere van ligmaak moet klaarkom. Lig is lewe. Lig is hoop. Dit is die kern van die boodskap wat Jesaja vir die volk kom gee.

Jesaja 60:1-6.ppt 1.14 MB Dec 28, 2015 06:20 Download 757
Jesaja 60:1-6.pptx 1.04 MB Dec 28, 2015 06:19 Download 529
Jesaja 60:1-6.doc 120.5 KB Dec 28, 2015 06:18 Download 708

Sondag na Kersfees – 27 Desember 2015 - Kolossense 3:12-17

Kolossense3 12-17Jy kan vandag aansluit by Psalm 148 en Koos van der Merwe van die sanggroep Prophet se ingeslote liriek “asems” nav hierdie Psalm gebruik. Die musiek sal ook heerlik kommunikeer. Of wys ’n klomp alledaagse dinge, en gesels oor die uitdaging om die goeie nuus en vreugde van Kersfees die hele jaar, deur al ons aktiwiteite, te vier. Of vertel die storie “Peace is an offering” deur Annette LeBox (beskikbaar by Kindle) wat die reis beskryf van ”neighborhood friends living life in community with one another,” wat goed aansluit by ons teks. Die preekriglyn wys hoe Paulus hierdie brief om sekere idees en praktyke wat in die gemeente begin posvat het, teë te werk. Kolosse se gelowiges is dus geteister deur 'n swetterjoel vreemde invloede wat gedreig het om die boodskap van Christus te verdring en die gemeente in bygeloof te laat verval. Paulus wys die leë filosofieë af omdat hy hulle wil help om hul identiteit in Christus te vestig. Die enigste geldige Christelike lewenswyse is om vanuit 'n verhouding met Christus te leef en Hom toe te laat om alle verhoudinge waarbinne jy leef, te beïnvloed. Dit het 'n invloed op jou eie menswees, op jou verhoudings in die huweliks- en gesinslewe, op jou verhoudings in die werksplek, sowel as op jou verhouding met mense wat nog buite die geloof staan. Leef as nuwe mense met vyf innerlike kwaliteite: meelewendheid, goedgesindheid, nederigheid, sagmoedigheid en verdraagsaamheid.

Kolossense 3:12-17.ppt 788.5 KB Dec 21, 2015 06:17 Download 601
Kolossense 3:12-17.pptx 738.75 KB Dec 21, 2015 06:15 Download 514
Kolossense 3:12-17.doc 114 KB Dec 21, 2015 06:15 Download 730

Kersfees – 25 Desember 2015 - Lukas 2: 1-20

Lukas2 1-20Dis Kersdag! Dramatiseer die fokusteks ahv Die Nuwe Testament vir Kinders. Jy kan kinders kry om die teks op te voer terwyl iemand dit lees. Of gebruik mooi prente uit ‘n kinderbybel. Of wys die ingeslote video. Of gebruik die ingeslote inkleurprente. Of vertel die storie van “J is for Jesus: The sweetest story ever told” deur Crystal Bowman. Dit is in rym geskryf en ons gee ‘n bruikbare Afrikaanse oorvertelling daarvan. Daar is ook ‘n woordherkenning wat van die teks gemaak is. ‘n Mondvol! Hoekom? Want dit is vrede op aarde, in die mense 'n welbehae! Nie dat dit só eenvoudig is nie. Veral in die lig van oorloë, terreuraanvalle, verkragtings, ontvoerings, kapings, menseroof, xenofobiese aanvalle, plaasmoorde en bendegeweld. Onvrede is 'n daaglikse realiteit, terwyl vanoggend se teks handel oor vrede op aarde. Mens wil amper uitroep: Vrede . . . vrede terwyl daar geen vrede is nie! Tog, wanneer ons na die Kersverhaal luister, word ons opnuut met verwondering gevul; 'n maagd word swanger. 'n Jong meisie word deur God self gekies om die Seun van God in die wêreld te bring. Alles gebeur as deel van God se vooruitbeskikking. En in hierdie Christus IS daar vrede beskikbaar. Die vrede van God se geregtigheid. En ons word gestuur as draers van dié vrede. So moenie bang wees nie, moenie vrees nie. Selfs te midde van pyn, hartseer, vertwyfeling, verdrukking en beproewing, moenie angstig rondkyk nie . . . u het 'n God wat u nooit sal begewe of verlaat nie. Sy naam is Jesus, die Prins van vrede.

Lukas 2:1-20.ppt 2.48 MB Dec 21, 2015 05:50 Download 611
Lukas 2:1-20.pptx 1.21 MB Dec 21, 2015 05:48 Download 499
Lukas 2:1-20.doc 183 KB Dec 21, 2015 05:47 Download 610

Vierde Sondag in Advent – 20 Desember 2015 - Lukas 1:47-55

Lukas1 47-55Bybelmedia se Woord en Fees stel voor dat jy 'n lied uit die fliek The Hunchback of Notre Dame, met die titel "God help the Outcasts", gebruik. Die Gypsy-vrou Esmeralda sing 'n lied aan Maria, waarin sy vra wie na haar mense sal omsien. Of jy kan gesels oor die feit dat God nie gesê het “Maria is maar net ’n jong meisie” nie. Hy het haar ernstig opgeneem, haar vertrou en vir haar ’n opdrag gegee. Ook kinders is in staat daartoe om, soos Maria, wonderlike dinge vir God te doen. Vertel dan stories van ander dapper, uitgesproke jongmense, bv. Malala Yousafzai van Pakistan wat die jongste mens is wat nog ooit die Nobelprys vir vrede gewen het, óf Mariah Smith van Hampton, Virginia in die VSA, wat 17 was toe sy hawelose mense begin help het deur haar organisasie, Blankets for the Homeless, óf die skaam 14-jaar oue Aziza Rahimzada wat ’n kragtige stem geword het vir die kinders in Afghanistan se vlugtelingkampe en vanjaar, vier jaar later, genomineer is as een van drie finaliste in die Internasionale Kinder Vredeprys. Die preekriglyn sluit hierby aan en vertel die verhaal van ‘n sewentienjarige Colombiaanse meisie – in die rolprent Maria Full of Grace – wat doelgerig en vasberade ontsnap het uit haglike omstandighede, al moes sy die reëls buig om te oorleef. Die vraag is waar is God in hierdie Maria, die arm Colombiaanse meisie, se lewe? Is God die outeur van nuwe moontlikhede, soos ‘n mens in haar lewe begin raaksien? Kan ons vandag nog daarop hoop dat God mense uit hulle ellende optel en vir hulle nuwe geleenthede skep? Dit is met hierdie lens wat die verhaal van Maria in die Bybel op die tafel kom en wat ons God se werk in dié wêreld op ‘n ander, meer gevaarlike manier, begin raaksien.

Lukas 1:47-55.ppt 654 KB Dec 13, 2015 07:11 Download 585
Lukas 1:47-55.pptx 596.51 KB Dec 13, 2015 07:09 Download 537
Lukas 1:47-55.doc 392.5 KB Dec 13, 2015 07:09 Download 683

Derde Sondag in Advent – 13 Desember 2015 - Sefanja 3:14-20

Sefanja3-14-20Gesels met die kinders oor die "prentjies" wat hulle van God het. Na aanleiding van Sefanja 3 help die kinders om aan God te dink as die God wat glimlag, dit is immers wat hierdie Sondag wil kommunikeer. Daar is ook ‘n prettige storie van “Uh-oh!” deur Shutta Crum wat jy en die kinders saam kan vertel. Die preekriglyn vertel die verhaal van die bejaarde vrou in die Waarheids- en Versoeningskommissietyd wat wys hoe vergifnis en 'n nuwe kan begin grondvat in ons land. Sy het polisieman Van de Broek vergewe dat hy haar man en kind vermoor het nie, maar hom in haar familiekring ingetrek om hom ‘n nuwe begin te gee. Sowaar: daar is vergifnis moontlik, selfs vir die grootste sondaars. Hiervan getuig die profeet Sefanja juis in hierdie Adventstyd. Die nabyheid van God verseker ons van twee dinge. Dit bring 'n einde aan die oordeel sodat ons met blydskap deel kan hê aan die vernuwende teenwoordigheid van Jesus. Dit bring ook die herstel en regverdiging van die kerk van die Here teenoor 'n vyandige wêreld.

Sefanja 3:14-20.ppt 745 KB Dec 07, 2015 05:19 Download 580
Sefanja 3:14-20.pptx 610.61 KB Dec 07, 2015 05:18 Download 620
Sefanja 3:14-20.doc 121.5 KB Dec 07, 2015 05:17 Download 674

Tweede Sondag in Advent – 06 Desember 2015 - Maleagi 3:1-4

Maleagi3-1-4In Familietyd kan jy ‘n video wys van iemand wat glas blaas en die inleiding van die preek gebruik as familie-oomblik. Jy kan ook die ontmoeting van die kinders met die leeu Aslan in C.S. Lewis se boek “The Lion, the Witch and the Wardrobe” gebruik. Lucy was bekommerd dat hy nie veilig is nie. “Veilig?” het Mnr. Bewer gesê. “Wie het iets gesê oor veilig? Natuurlik is hy nie veilig nie. Maar, hy is goed. Hy is die Koning.” Jy kan ook ‘n gesprek voer oor die waarde van slegte medisyne. Die preekriglyn werk met die verhaal van Simon, ‘n glasblaser, wat glasprodukte in die vuur van die smeltkroes skep. In ons teks is reiniging ook ter sprake, omdat die volk van God suiwering nodig het. Ons teks moedig ons aan om ook ons lewe voor God oop te stel vir suiwering, en om sodoende gestroop te word van alles wat "pronk en sieraad" is. Eerder as 'n boodskap van straf en verdoemenis, word die teks 'n uitnodiging tot inkeer en 'n voorbereiding om die Een te vier wat ons in voorbeeld kom wys het hoe 'n lewe na God se hart werklik lyk. Ons is tans in die Kerstyd. Ons vier die koms van die Een wat deur Maleagi en later Johannes die Doper aangekondig is. Die Een wat kom ons ons lewens te vernuwe, deur Woord en Gees. Laat ons in die Kerstyd bid: O, kom Skepper Gees, o kom Lewende Here Jesus Christus en vernuwe ons!

Maleagi 3:1-4.ppt 1.04 MB Nov 30, 2015 07:25 Download 568
Maleagi 3:1-4.pptx 745.53 KB Nov 30, 2015 07:24 Download 509
Maleagi 3:1-4.doc 110.5 KB Nov 30, 2015 07:22 Download 621

Eerste Sondag in Advent - 29 November 2015 - 1 Tessalonisense 3:9-13

1Tessalonisense3-9-13Om die effens moeiliker teks met kinders te deel, lees dit uit ‘n makliker vertaling. Daar is ook ‘n inkleurprent beskikbaar. Die preekriglyn werk met die verhaal van die huis waarvan die liggies vir Kerstyd gebrand het lank nadat Kerstyd al verby was. Regdeur Januarie en naderhand ook Februarie het die liggies in die aande bly brand. Dit het nogal vreemd gelyk. Teen die middel van Maart het daar skielik nog liggies, wat woorde uitgespel het, op die huis verskyn. Dit het gesê: "Welkom tuis, Jimmy!" Dié gesin het 'n seun wat in die Midde-Ooste in een of ander Amerikaanse oorlog gaan veg het en vir die gesin was Kersfees nie Kersfees voordat hulle nie weer met hulle seun herenig was nie. Kersfees is daarom 'n tyd om te fokus op liefdesbande, 'n tyd waar gesinne en families bymekaar moet wees. Dit verskaf ‘n goeie oorgang na die verhaal in ons teksgedeelte wat ons van die innige liefdesbande vertel wat geloof in die Here Jesus Christus tussen Paulus, sy medewerkers en die gemeente in Tessalonika gesmee het. Ons ontdek hier hoe normaal hierdie diep verbintenisse in die gemeente van Christus is. Mag ons eie liefde vir mekaar op dieselfde manier hierdie seisoen toeneem.

1 Tessalonisense 3:9-13.ppt 2.14 MB Nov 23, 2015 12:02 Download 633
1 Tessalonisense 3:9-13.pptx 1.21 MB Nov 23, 2015 12:01 Download 505
1 Tessalonisense 3:9-13.doc 117.5 KB Nov 23, 2015 12:00 Download 632

Kerkjaar 2014-15

Die Seisoen van Luister voorsien elke week 'n PowerPoint en Word hulpmiddel vir gebruik saam met die fokusteks van die Woord en fees - Preekstudies en liturgiese voorstelle gebaseer op die kerkjaar wat Bybel-Media in samewerking met Communitas uitgee.

Die uitgangspunte is die volgende:

  • Dit sluit direk aan by die Seisoen van Luister se kultuur, styl en metodiek.
  • Dit sluit direk aan by die Woord en fees - Preekstudies met Liturgiese voorstelle gebaseer op die kerkjaar.
  • Dit gebruik visuele media en verhale om ‘n erediens-ervaring te skep waarin ‘n egte ontmoeting met God en mekaar kan gebeur.
  • Dit skep ‘n Familie-vriendelike toepassing vir die erediens.
  • Die projek word steeds met die heelhartige ondersteuning van Bybel-Media moontlik gemaak.
  • Daarom kan ons die PowerPoints en Word-lêers steeds gratis beskikbaar stel.

Meer inligting

File Version Licence Size Added Hits

Johannes 18:33-37 – Ses en Twintigste Sondag in Koninkrykstyd – Sondag van Christus die Koning – 22 November 2015

Johannes18 33-37Sluit by die kerkjaar aan met ‘n skildery van Jesus voor Pilatus en gesels met die kinders oor koningskap. Jy kan klem lê op die verskil tussen ‘n goue speelgoed kroon en ‘n doringkroon. Jesus het die doringkroon gekies. Jy kan ook aansluit by die storie – met video – van die Sewe Blinde Muise deur Ed Young wat ‘n vreemde nuwe ding by die muise se watergat moet verwerk. Die preekriglyn fokus op die koningskap van Jesus, en die betekenis daarvan vir ons lewe. Die Joodse leiers se diepste vrees en afsku is Jesus se afwysende houding teenoor die tempel en die Jode se godsdienstige gebruike. Daarmee is die godsdienstige leiers se houvas op die tempel in gevaar. Vir hulle is Jesus se optrede moeilikheid en gevaar. Vandag sal ons sê Jesus se hutsmerke (hash tags) staan hulle nie aan nie: #TempleMustFall, #RomeMustFall, #OneTrueKing, #KingdomOfGod. Uit sy gesprek met Pilatus blyk duidelik dat Jesus, die Koning, sy gesag nié van die aarde kry nie. Sy gesag is wel vir die aarde, want Hy leer sy dissipels om te bid dat God se koninkryk op die aarde sal kom.

Johannes 18:33-37.ppt 785.5 KB Nov 15, 2015 05:50 Download 758
Johannes 18:33-37.pptx 760.99 KB Nov 15, 2015 05:49 Download 653
Johannes 18:33-37.doc 112 KB Nov 15, 2015 05:48 Download 859

Markus 13:1-8 – Vyf en Twintigste Sondag in Koninkrykstyd – 15 November 2015

Markus13 1-8aOmdat hierdie ‘n moeilike gedeelte vir kleiner kinders is om te verstaan, kan jy die teks in ‘n eenvoudiger vertaling lees. Daar is ook ‘n inkleurprent wat jy kan gebruik. Die preekriglyn werk met die verhaal van Dave Boon wat met sy motor deur ‘n sneeustorting meegesleur is, maar weens sy opleiding en ervaring as skiër die noue ontkoming kon oorleef. In ons teks gaan Jesus van die tempel af weg. Dit is sterk taal, want veel meer sê as maar net dat Jesus fisies weggestap het. Dit simboliseer Jesus se finale en beslissende breuk met die tempel. Praat van waarskuwings. Die tempel met al sy mag en weelde verloor sy rol as konneksiepunt tussen God en mens. Jesus self word nou die weg tot die Vader. Jesus is dus hier gesagvol besig om God te verteenwoordig. Hy neem posisie in regoor, teenoor die tempel. Jesus leer die dissipels om nie deur tekens mislei te word nie. Die eintlike vraag is of die dissipels hulle steeds aan Jesus se leer en voorbeeld sal bly steur wanneer die tempel val en die voleinding van die wêreld nader kom. Naas die gevaar van misleiding, is daar ook die tekenmag van angs en vervreemding wat vyandskap, oorloë, aardbewings en hongersnode sal bring. Jesus herinner hulle eter daaraan dat die tekens van die tye daar is om hulle te anker in getrouheid, versigtigheid, waaksaamheid en gehoorsaamheid in die hede. Dwarsdeur al die tye moet die herhalende tekens ons aandag op Jesus fokus. Dit is egter nie sterwenspyne nie: dit is geboortepyne, die begin van die nuwe tyd.

Markus 13:1-8.ppt 1.07 MB Nov 01, 2015 15:20 Download 762
Markus 13:1-8.pptx 1.01 MB Nov 01, 2015 15:19 Download 675
Markus 13:1-8.doc 136.5 KB Nov 01, 2015 15:18 Download 814

Markus 12:38-44 – Vier en Twintigste Sondag in Koninkrykstyd – 8 November 2015

Markus12 38-44Met enige Familietyd kan jy in gedagte hou dat jy nie altyd morele “lessies” uit die teks hoef te haal nie. Veral die narratiewe tekste kan gewoon dramaties gelees of oorvertel word. Daar is drie opsies om dit interessant te doen, onder andere met ‘n video. Jy kan ook vir ‘n paar kinders 10c-muntstukke gee. Gee vir sommige twee, vir ander meer. Vra dan vir almal om twee 10c-stukke in die kollektebord te gooi. Die met net twee, moet alles gee. Die met tien, gee minder. Dit is ‘n maklike manier om te verduidelik wat in vandag se verhaal gebeur. Die preekriglyn werk met die verhaal van Fulvia, ‘n Romeinse vrou, wie se besluit om ‘n Joodse gelowige te word wat daartoe gelei het dat Tiberius alle Jode in 19 n.C. uit Rome verban. Hierdie magsvergryp van Tiberius was groot nuus in die Romeinse Ryk, en ook in die Israel van Jesus se tyd. In ons teksgedeelte waarsku Jesus die mense teen ‘n soortgelyke misbruik van mag. Die skrifgeleerdes se vrae getuig boonop van die godsdienstige owerhede se onmag om God se werk in Jesus, en Jesus se gesag as gestuurde van die Vader te herken en te erken. Daarteenoor – in skrille kontras – sien ‘n mens die “egte” gawe van die arm weduwee, teenoor die byna onuitstaanbare vertoon en skyn van vroomheid van die skrifgeleerdes en die welvarende mense rondom haar. Dit is nie haar armoede wat Jesus verheerlik nie. Dit is ook nie rykdom wat Hy afskiet nie. Dit is egte geloof en toewyding aan God wat vir Hom die verskil maak. Die waarde van die offer lê nie in die bedrag nie, maar in die koste vir die persoon wat dit gee.

Markus 12:38-44.ppt 956 KB Oct 25, 2015 19:49 Download 788
Markus 12:38-44.pptx 900.85 KB Oct 25, 2015 19:48 Download 674
Markus 12:38-44.doc 101 KB Oct 25, 2015 19:47 Download 875

Markus 12:28-34 – Drie en Twintigste Sondag in Koninkrykstyd – Seisoen van die Voleinding – 1 November 2015

Markus12 28-34Soos gewoonlik kan jy in Familietyd ‘n eenvoudiger teks gebruik, bv. uit Die Nuwe Testament vir Kinders, om oor die tema van die liefde wat die heel belangrikste is met die kinders te kan gesels. Daar is ook die oulike idee van Carolyn Brown om met karton te werk waarop aan elke kant die 2 kante van die wet neergeskryf word. Dit kan dan met tou aan ‘n prominente deurknop in die huis gehang word. Die preekriglyn werk met die verhaal van die Joodse psigiater Viktor Frankl wat tydens die Tweede Wêreldoorlog in Auschwitz geplaas is. Hy is van alles gestroop, ook die manuskrip van 'n boek wat sy jarelange navorsing bevat het oor hoe om sin en betekenis in die lewe te vind. In ruil daarvoor het hy die vodde gekry van 'n prisonier wat na die gaskamer gestuur is. In die sak van hierdie “nuwe” jas het hy 'n enkele bladsy gevind wat die Joodse gebed "Shema Jisrael" (Luister, Israel) bevat. Dit het Frankl diep geraak. Die verslete bladsy het hom uitgedaag om sy navorsing oor die sin van die lewe prakties uit te leef. Frankl het die strafkamp oorleef en later 'n baie invloedryke boek geskryf, Man's Search for Meaning. Hy sê: "Hy wat 'n doel het om voor te lewe, 'n 'waarom', kan omtrent enige omstandighede oorkom." Die antwoord van Jesus oor die heel grootste gebod vervul dieselfde funksie in ons lewe, veral omdat dit aansluit by die Shema, maar dit dan ook op ‘n betekenisvolle wyse uitbrei deur Levitikus 19:18 by die eerste gebod om God lief te hê, te voeg: “'Jy moet jou naaste liefhê soos jouself.” Geen ander gebod is groter as dié twee nie.

Markus 12:28-34.ppt 1.64 MB Oct 25, 2015 13:21 Download 797
Markus 12:28-34.pptx 1.53 MB Oct 25, 2015 13:19 Download 659
Markus 12:28-34.doc 133.5 KB Oct 25, 2015 13:18 Download 770

Job 42:1-6, 10-17 - Twee en Twintigste Sondag in Koninkrykstyd (Hervormingsondag) - 25 Oktober 2015

Job42 1-6 10-17Om aan te sluit by die Hervorming is daar ‘n kort “toneelstuk” wat jy kan gebruik met Maartin Luther, die keiser en twee ontvoerders as akteurs. Die uitkoms van dié toneelstuk is Maartin se vertaling van die NT in Duits en die begin van die Hervorming. Die preekriglyn val weg met die intense worsteling van Job, en sy pogings om sin van sy lyding te maak wat in Job 42 tot 'n einde kom. Job se woorde is min wanneer hy die Here in hfs. 42 antwoord. Dis vreemd vir iemand wat vroeër so baie gepraat het. Dit bewys egter alreeds dat die Here Job tot nuwe insig gebring het. Die Here het Job se regsaak gewen. Daar kom egter 'n nuwe, persoonlike band tussen Job en God tot stand. In hierdie persoonlike verhouding vind Job vrede, selfs al sit hy steeds op die ashoop van sy lyding. God is genoeg, selfs voor sy lot aan die einde van die verhaal verander.

Job 42:1-6,10-17.ppt 759 KB Oct 02, 2015 17:42 Download 717
Job 42:1-6,10-17.pptx 674.82 KB Oct 02, 2015 17:41 Download 678
Job 42:1-6,10-17.doc 120.5 KB Oct 02, 2015 17:40 Download 1046

Job 38:1-7, (34-41) - Een en Twintigste Sondag in Koninkrykstyd - 18 Oktober 2015

Job38 1-7Sluit met Familietyd aan by die tema in die Verootmoediging deel van die liturgie om by Job se worsteling aan te sluit. Deel Job se antwoord met die kinders aan die hand van Job 42 en eindig met sy besluit om sy lewe in God se hande te laat. Die preekriglyn begin met ‘n bespreking van die sterkte van die vier basiese natuurkragte wat die fyn balanse in die skepping illustreer: swaartekrag, “swak” en “sterk” kernkragte en elektromagnetiese kragte. Indien slegs een van hierdie kragte 'n klein bietjie swakker of sterker was, sou die lewegewende wêreld, soos ons dit ken, onmoontlik wees. In ons teks gaan God juis met Job in gesprek oor die wonder van die werklikheid. Op 'n vreemde manier help dit Job om vrede te vind.

Job 38:1-7.pptx 729 KB Oct 01, 2015 17:50 Download 716
Job 38:1-7.pptx 630.17 KB Oct 01, 2015 17:49 Download 718
Job 38:1-7.doc 120 KB Oct 01, 2015 17:48 Download 828

Job 23:1-9, 16-17 - Twintigste Sondag in Koninkrykstyd - 11 Oktober 2015

Job23 1-9 16-17Vir Familietyd kan jy Carolyn Brown se voorstel gebruik om die kinders in ‘n klaaggebed te begelei of die pragtige “The Lonely Book” deur Kate Bernheimer vir die kinders lees wat nes Job groot vreugde en erge lyding – geliefd tot vergete - beleef. Die storie maak dit vir kinders makliker om te gesels oor gevoelens van eensaamheid en moedeloosheid. Daar is ook ‘n video beskikbaar. Die preekriglyn begin met die verhaal van Guernica, 'n Baskiese dorpie in die noordooste van Spanje wat in 1937 op versoek van die Spaanse diktator, generaal Franco, deur Duitse en Italiaanse bomwerpers aangeval en verwoes is. Aan die hand van die muurgrootte olieverfskildery (skakel in preekriglyn) deur die Spaanse kunstenaar, Pablo Picasso, waarmee hy protes aanteken teen daardie sinnelose geweld, onder andere deur verskeie kruisigingsmetafore in die skildery te gebruik, word die gemeente begelei om oor lyding te dink. Daar is ook ‘n gedig van Neels Jackson daaroor wat jy kan gebruik. Beide as verwoeste dorpie en as Christelike olieverf-interpretasie van die ontsettende lyding is Guernica 'n teken van die ontsettende swaarkry wat mense ervaar. Dit is 'n kreet ten hemele om God se bystand en vertroostende teenwoordigheid. Dit gee ‘n uitstekende inleiding om stil te staan by Job se worsteling en krete om God te vind, en sin te beleef te midde van die verskriklike verlies. Die boek Job is soos 'n Ou Testamentiese Guernica-skildery wat sin wil, maak van die geheimenis van God, en van die oënskynlike afwesigheid van God in die diepste menslike ellende. Die boek roep soos Psalm 22 en Christus aan die kruis: "My God, my God, waarom het U my verlaat?" Te midde van hierdie intense verlies toets en weeg dit die fondamente en sekerhede waarop mens jou lewe bou.

Job 23:1-9,16-17.ppt 737.5 KB Oct 01, 2015 17:24 Download 749
Job 23:1-9,16-17.pptx 695.29 KB Oct 01, 2015 17:23 Download 756
Job 23:1-9,16-17.doc 142 KB Oct 01, 2015 17:22 Download 816


For DOWNLOAD is used JotLoader component © V. Kanich 2007-2009