SOEK HIER VIR BYBELGEDEELTES


Tik die naam van die Bybelboek wat jy soek hieronder in om die resultate te "filter". Dit sal jou baie gou wys of die hoofstuk of perikoop wat jy soek hier beskikbaar is.

Die vorige alfabetiese lys is steeds hier, maar sal nie langer opgedateer word nie.



Kerkjaar 2015-16

 

 

File Version Licence Size Added Hits
Lukas 23:33-43.doc 125.5 KB Nov 14, 2016 17:28 Download 741

Lukas 21:5-19 - Ses en Twintigste Sondag in Koninkrykstyd - 13 November 2016

Lukas21 5-19Hierdie is ‘n moeilike gedeelte om aan kinders oor te dra. Jy kan dalk fokus op die gedagte dat Jesus sê dat dit nie gaan oor “goed” (“stuff”) nie. Dit gaan om die nuwe ding wat God doen. Dis nie geboue – selfs kerkgeboue – wat belangrik is nie. Geboue hou nie. Dit is ons liefde vir God wat blywend is. Of gesels oor die idee van “when the going gets tough, the tough get going” – om te volhard wanneer dinge moeilik is. Gebruik die ingeslote verhaal van Sharon Blezzard. Die preekriglyn begin met agtergrondinligting oor die tempel om Jesus se toespraak in konteks te plaas. Hierdie lang toespraak is gerig aan sy dissipels, aan die binnekring, die kerk, hulle wat hul vertroue op Jesus stel en aan Hom getrou bly. Hy leer hulle dat die tydtafel na die einde toe nie vir Hom 'n prioriteit is nie. Hy wil eeder hê dat hulle sy instruksies uitvoer, beide die negatiewe (moenie mislei word nie) as die positiewe (gebruik krisisse as geleentheid vir getuienis). Dit is in hulle volharding in sy riglyne wat hulle redding lê.

Lukas 21:5-19.ppt 1.03 MB Oct 25, 2016 14:56 Download 818
Lukas 21:5-19.pptx 584.74 KB Oct 25, 2016 14:54 Download 597
Lukas 21:5-19.doc 116 KB Oct 25, 2016 14:53 Download 1049

Haggai 1:15b – 2:9 - Vyf en Twintigste Sondag in Koninkrykstyd - 6 November 2016

Haggai1-15b 2-9Ons begin met ‘n gespreksvraag aan die kinders oor kere wat niks vir jou reg verloop het nie en koppel dit dan aan dié verhaal van Haggai. Die teks uit Haggai wil ons bemoedig om moed te skep, want die Here is by ons! Daar is ‘n ook inkleurprent van ‘n ruïne en ‘n voltooide kerkgebou wat jy kan gebruik in die proses. Die preekriglyn sluit aan by die gebed van Sir Francis Drake seevaarder en ontdekkingsreisiger van formaat, in 1577: “Disturb us, Lord, when we are too well pleased with ourselves, when our dreams have come true because we have dreamed too little, when we arrive safely because we have sailed too close to the shore. Disturb us, Lord, when with the abundance of things we possess, we have lost our thirst for the waters of life; having fallen in love with life, we have ceased to dream of eternity; and in our efforts to build a new earth, we have allowed our vision of the new heaven to dim. Disturb us, Lord, to dare more boldly, to venture on wider seas where storms will show your mastery; where losing sight of land, we shall find the stars. We ask you to push back the horizons of our hopes and to push us into the future in strength, courage, hope, and love.” (ook in Afrikaans ingesluit). Daar kom inderdaad 'n punt waar mense se durf, moed, energie en visie so taan, dat ons inderdaad moet bid: "Verontrus ons Here, skep 'n heilige ontevredenheid in ons, sodat ons tot aksie kan oorgaan en u wil kan doen!" Dit is die boodskap van Haggai.

Haggai 1:15b-2:9.ppt 1.3 MB Oct 24, 2016 17:47 Download 724
Haggai 1:15b-2:9.pptx 1.11 MB Oct 24, 2016 17:45 Download 592
Haggai 1:15b-2:9.doc 141.5 KB Oct 24, 2016 17:45 Download 951

Habakuk 1:1-4, 2: 1-4 - Vier en Twintigste Sondag in Koninkrykstyd - Hervormingsondag - 30 Oktober 2016

Habakuk1 1-4-2 1-4Ons gee riglyne om die gebeure rondom Luther en die reformasie op te voer. Jy kan ook die konsep van “klag-gebede” op ‘n maklike, humoristiese manier verduidelik met behulp van die storie “Click Clack Moo”. Boer Brown se koeie roep vir ‘n einde aan koue nagte, via elektriese komberse. Die preekriglyn sluit aan by Johann van Loggerenberg se boek Rogue: The Inside Story of SARS’s Elite Crime-busting Unit wat wat wys dat daar geen “rogue unit" was nie en “hoër magte" saamgewerk het om die SAID te kaap. Daarmee word ‘n voorbeeld gegee van die tipe verval onder die volk waarmee Habakuk worstel. Soos Eugene Peterson hoofstuk 1 opsom: Justice is a Joke. Dit is Habakuk se krisis. Hy laat God nie los nie, maar bly worstel: Hoe lank nog, Here, vóór U optree! Die Here antwoord Habakuk op twee maniere. Hy wys in die eerste gedeelte wat die geloofsgemeenskap se verantwoordelikheid in só 'n tyd van onreg en oordeel is: "Wie reg doen, sal lewe omdat hy getrou bly." Hy wys in die tweede gedeelte uitvoerig op die ellende wat mense te wagte kan wees wat plunder, knoei en onreg pleeg. En dit is dié tweede antwoord wat Habakuk tot rus bring en sy gebed laat skryf wat ons in hoofstuk 3 vind. "Jy moet net geduldig bly wag as dit nie gou kom nie, want dit kom beslis, dit sal nie uitbly nie." In dié twee woorde van die Here – 1) om te wag vir sy uitkoms, en 2) om in geloof en getrouheid te volhard – lê miskien een van die belangrikste boodskappe vir gelowiges deur die eeue opgesluit. Ons moet die taak om klag-gebede oor die omstandighede van ons omgewing na die Here te neem nie geringskat nie. Dit is ons protes teen misdaad, geweld, onreg, bedrog, korrupsie en mags-misbruik. God is steeds 'n lewende realiteit, en sy beloftes is steeds waar.

habakuk 1:1-4; 2:1-4.ppt 729 KB Oct 24, 2016 17:26 Download 705
Habakuk 1:1-4; 2:1-4.pptx 626.33 KB Oct 24, 2016 17:25 Download 488
Habakuk 1:1-4; 2:1-4.doc 131 KB Oct 24, 2016 17:24 Download 836

Joël 2:23-32 - Drie en Twintigste Sondag in Koninkrykstyd - 23 Oktober 2016

Joel2 23-32Daar is verskeie maniere wat jy dié gedeelte in Familietyd kan hanteer. Ons gee ‘n kindervriendelike teks oor die verhaal van die gebed van die Fariseër en die tollenaar in die tempel. Dit beklemtoon die feit dat ‘n mens niks by God kan verdien nie. Jy kan di took illustreer met ‘n voorbeeld van lekkers of met Stephan Joubert se bydrae by Ekerk oor “selfies”. Die Fariseër is so behep met sy eie verdienste dat hy inderdaad net met ‘n “selfie” besig is! Die preekriglyn begin met die verhaal van Shawna Pilat en haar man Rick se bekering. Rick wat eers later tot bekering gekom het, sê: "Dit was eers later dat ek besef het hoe belangrik berou is, en om die vergifnis van God deur Jesus Christus te aanvaar." Daardie dag het Rick huis toe gegaan en vir sy vrou gesê: "Ek kan nou die man wees wat jy nodig het." Bekering word dan in die preekriglyn as drie bewegings uitgespel aan die hand van Joël se boodskap.Die toppunt van die belofte is egter geestelik: "Wanneer dit alles gebeur het, sal Ek my Gees laat kom op al die mense …" Die Here herstel só hulle geestelike gemeenskap met Hom.

Joël 2:23-32.pptx 893.5 KB Oct 17, 2016 21:41 Download 644
Joël 2:23-32.pptx 755.06 KB Oct 17, 2016 21:40 Download 643
Joël 2:23-32.doc 144 KB Oct 17, 2016 21:40 Download 864

Jeremia 31:27-34 - Twee en Twintigste Sondag in Koninkrykstyd - 16 Oktober 2016

Jeremia31 27-34Vers 33 is die beste aansluitingspunt vir kinders: “Ek sal my woord op hulle harte skryf en dit in hulle gedagte vaslê.” Lag saam oor die absurde idee van God wat ons harte uit ons bors uithaal en met ‘n pen daarop skryf. Gesels dan oor die idee van iets “uit jou kop uit” memoriseer. Om net ‘n Bybel te hê, beteken nie veel nie. Dit is eers wanneer ons dit lees, wat dit regtig ons s’n word – in ons harte geskryf word. Dan word die woorde op papier woorde in ons harte. Die preekriglyn lei in met die feit dat ons pogings om ons eie geluk te skep dikwels boemerang. Anne Widdecombe skryf: "Laat ons erken, ons is nie 'n meer gelukkige samelewing as gevolg van die bevryding van die 1960's en 1970's nie. Ons het al die bande afgegooi. Nou bereik die egskeidings-koers rekordvlakke, so ook die koers van selfdood, van tienerswangerskappe, van jeugmisdaad, asook van kinderseks. Ons moet eerlike wees en erken die Groot Eksperiment het misluk. Jy kan nie geluk hê sonder om norme en waardes na te volg nie." Jeremia speel in op dié toedrag van sake wat ook in die sesde eeu v.C. geheers het in Israel. God se volk het ook in sy tyd hul eie kop gevolg. Hulle het God probeer paai met uiterlike vormgodsdiens, en gemaak soos hulle wil. God los hulle egter nie, maar voed hulle op, tug hulle, en bring hulle weer by sy genade uit. God se gewilligheid om met sondige mense te bly werk, selfs in die aangesig van hul opstand en verwerping van Hom as God, is verstommend. Hy is genadig, geduldig en vol liefde. God bly by sondaars, werk met hulle, lei hulle deur die woestyn en – in hierdie geval – deur ballingskap, maar bring hulle uiteindelik altyd weer by sy genade uit. Hy belowe dat die volk weer sal floreer en sluit ‘n nuwe verbond met hulle.

Jeremia 31:27-34.ppt 1.3 MB Oct 10, 2016 09:19 Download 772
Jeremia 31:27-34.pptx 714.87 KB Oct 10, 2016 09:17 Download 688
Jeremia 31:27-34.doc 117.5 KB Oct 10, 2016 09:16 Download 873

Jeremia 29:1, 4-7 - Een en Twintigste Sondag in Koninkrykstyd - 9 Oktober 2016

Jeremia29 1-7Die sleutelteks kan deur ʼn ouer laerskoolkind voorgelees word om die ballingskap se invloed op die komende generasies van die verbondsvolk te benadruk. Maak gebruik van ʼn prent van mense wat plant of bou, of skep ʼn prentreeks van ʼn saadjie wat ontkiem en groei. Of dramatiseer die genesing van Naäman aan die hand van die ingeslote vertaling. Die preekriglyn begin met die boeiende verhaal van die uitdaging waarmee die vlieënier Richard de Crespigny in ‘n reusagtige dubbelverdieping Airbus A380 gekonfronteer is. 'n Enjin onder die linkervlerk het in 'n vuurbal ontplof. Die een krisis na die ander het gevolg. Op 'n stadium was 22 van die 24 sentrale beheernetwerke van die vliegtuig buite werking. Die Airbus draaiboek vir krisisse het nie langer gehelp nie. Kaptein De Crespigny het besluit hy moet homself verbeel hy vlieg 'n Cessna, die vliegtuigie waarmee hy oorspronklik leer vlieg het, en wat sonder al die beheernetwerke beheer moes word. Hy het die reuse Airbus A380 so begin hanteer. Hy het deurgedruk en kon die grote Airbus met minder as 100 meter op die aanloopbaan oor tot stilstand bring. 569 passasiers het die "Cessna" ongeskonde verlaat. Die koelkop vlieënier was 'n held. Dit gee ‘n goeie inleiding vir die wyse waarop Jeremia die situasie van die ballingskap hanteer het. Die Jode se godsdienstige draaiboeke en hulle kop-prentjies oor hoe God werk, het daarom nie meer by hulle omstandighede gepas nie. In hierdie geroesemoes skryf God vir die ballinge 'n brief, via Jeremia. Die doel van die brief is om hulle te oriënteer en vir hulle God se pad aan te wys. Die brief laat God se lig op hulle en hul omstandighede val, en wys God se pad vorentoe aan. Die regte verbeelding in ballingskap is om die situasie te aanvaar en positief te begin werk om die “plek” waar God jou geplaas is te seën in afwagting vir die lotsverandering wat die Here wel kan bring.

Jeremia 29:1-7.ppt 739.5 KB Oct 04, 2016 20:31 Download 661
Jeremia 29:1-7.pptx 739.5 KB Oct 04, 2016 20:30 Download 604
Jeremia 29:1-7.doc 237 KB Oct 04, 2016 20:29 Download 958

Klaagliedere 1:1-6 Twintigste Sondag in Koninkrykstyd 02 Oktober 2016

Klaagliedere1 1-6Die storie van die klein hasie in “Why Do You Cry?” deur Kate Klise is perfek om die gesprek in te lei. Dis die verhaal van Klein Hasie wat maatjies nooi na sy vyfde verjaarsdag. Hy glo dat net babatjies huil, daarom besluit hy om net ander groot diere te nooi. In sy boekies is dit diere wat nie huil nie. Een na die ander probeer hy sy maatjies nooi, maar een na die nader sê hulle kan ongelukkig nie kom nie, want hulle huil nog. Elkeen vertel vir hom wat hulle laat huil. Uiteindelik vind hy uit selfs sy ma huis soms! Jy kan hierdie storie gebruik om te gesels oor dié dinge waaroor julle as gemeenskap huil – en saam intree vir die dinge wat julle hartseer maak. In die preek word doelbewus na die wyer inhoud van klaagliedere verwys om die boek beter aan die hoorders bekend te stel. Jeremia huil in hierdie boek hartroerend oor die toorn van God wat hy oor die land sien losbars het. Hy skryf as ’n ooggetuie van die traumatiese verwoesting van die stad, die verkragting en vernietiging van die mense en die verstrooiing van die volk in ballingskap. In hartverskeurende detail brei hy uit oor die dodelike impak daarvan op die geloofsgemeenskap. Die probleem was ook nie net dat die volk Juda sosiaal, ekonomies en polities verwoes is nie. Dit was immers al erg genoeg. Maar, hulle worstel nou in ballingskap veral met die feit dat hulle teologiese sekerhede vernietig is. Die vraag was dus brandende: Hoe kon God soveel ellende oor Sy volk laat kom? Hoe kon Hy Sy eie beloftes só versaak? En waar laat dit hulle nou? Sou daar nog iets oor wees vir die toekoms? Wat kon hulle nou van God verwag? Sou daar ’n omkeer moontlik wees? Dit is in dié situasie dat Jeremia met sy Klaagliedere die hartseer en verydeling van die volk verwoord. Sy digwerk gee woorde aan die worsteling, gee redes vir die oordeelsvoltrekking, veral redes wat verband hou met die feit dat die volk hulle kant van die verbond nie nagekom het nie, maar formuleer tog ook die hoop dat God Hom weer sal ontferm, want “Die Here is goed vir wie op Hom bly hoop.” (3:25).

Klaagliedere 1:1-6.ppt 964.5 KB Sep 26, 2016 11:19 Download 810
Klaagliedere 1:1-6.pptx 585.79 KB Sep 26, 2016 11:18 Download 593
Klaagliedere 1:1-6.doc 119 KB Sep 26, 2016 11:17 Download 937

1 Timoteus 6:6-19 Negentiende Sondag in Koninkrykstyd 25 September 2016

1Timoteus6 6-19Dramatiseer die gelykenis van Lasarus en die ryk man aan die hand van Die Nuwe Testament vir Kinders in Familietyd. Die preekriglyn lei in met die verhaal van Rockefeller, die Amerikaanse grondbaron, wat gesê het dat ‘n mens eers genoeg grond besit: “Wanneer jy die grond wat tans aan jou grond grens, ook besit." Die dag na dieselfde Rockefeller se dood het 'n joernalis vir sy rekenmeester gevra: "Presies hoeveel het Rockefeller nagelaat?" Die rekenmeester het met nadruk geantwoord: "Rockefeller het alles agtergelaat." Die rekenmeester het 1 Tim 6 vers 7 verstaan: "Ons het niks in die wêreld ingebring nie; ons kan ook niks daaruit wegneem nie." Ons lei in die Westerse wêreld aan ‘n nuwe soort griep in die Westerse wêreld. Dit word Affluenza genoem. Dit is die onverdunde strewe na meer geld, rykdom en besittings. Dit maak mense siek. Baie sal alles oorboord gooi net om meer geld te maak. Meer grond te hê. Meer besittings te versamel. Affluenza is ook 'n soort geloof. Diegene wat hieraan ly, glo hulle lewe sal meer sinvol en vervuld wees as hulle baie het. Hulle status en aansien sal verhoog. Hulle sal dinge kan doen wat lekker is, en die lewe die moeite werd maak. Paulus skryf egter: “Die godsdiens is ’n groot wins as iemand tevrede is met wat hy het, want ons het niks in die wêreld ingebring nie; ons kan ook niks daaruit wegneem nie. As ons dan kos en klere het, moet ons daarmee tevrede wees.”

1 Timoteus 6:6-19.ppt 1.48 MB Sep 15, 2016 05:42 Download 708
1 Timoteus 6:6-19.pptx 1.39 MB Sep 15, 2016 05:41 Download 821
1 Timoteus 6:6-19.doc 140.5 KB Sep 15, 2016 05:40 Download 888

1 Timoteus 2:1-7 Agtiende Sondag in Koninkrykstyd 18 September 2016

1Timoteus2 1-7Gebruik die ingeslote kindervriendelike vyfvinger metodiek om te bid of gebruik die pragtige storie van Bring me a Rock wat ons aanmoedig om vir mense in gesagsposisies te bid. Die preekriglyn begin met die verhaal van Polikarpus as martelaar vir die owerhede gesê het: "Vir 86 jaar het ek my Koning en my Verlosser gedien, en Hy het hy niks aangedoen nie. Hoe kan ek Hom belaster en verloën?" Dit is dié tipe volharding wat ons inspireer om nie net vir regerings te bid en teenoor hulle te getuig nie, maar te bid dat alle mense die waarheid in Christus sal omarm om gered te word.

1 Timoteus 2:1-7.ppt 564.5 KB Sep 09, 2016 09:21 Download 682
1 Timoteus 2:1-7.pptx 473.38 KB Sep 09, 2016 09:19 Download 748
1 Timoteus 2:1-7.doc 119.5 KB Sep 09, 2016 09:19 Download 914

1 Timoteus 1:12-17 Sewentiende Sondag in Koninkrykstyd 11 September 2016

1Timoteus1 12-17Volgens Carolyn Brown is dit kritiek belangrik om die verhaal van Paulus se bekering te vertel. Dit sal die kinders help om te verstaan wat hy vir Timoteus skryf. Die preekriglyn lei met die verhaal van Martin Luther se bekering in. Sy deurbraak het uit die Bybel gekom. Hy het Romeine 1:17 nuut leer verstaan. Die teks praat van God se geregtigheid. Vir Luther het dit altyd beteken dat God daarop geregtig is om sondaars te veroordeel. Skielik het hy begin verstaan God se geregtigheid is die vrye geskenk wat God aan sondaars toereken. Dit is 'n geskenk wat deur die leë hande van geloof ontvang word en sondaars regverdig voor God verklaar. Dit het sy lewe verander. Dit het die kerk verander. Kortom, Luther het Paulus herontdek. Dink maar net aan vers 15, die kern van hierdie gedeelte: Dit is 'n betroubare woord en kan sonder voorbehoud aanvaar word: Christus Jesus het in die wêreld gekom om sondaars te verlos. Van hulle is ek die grootste. Die sondigheid van die mens en die inisiatief van God om mense te verlos staan sentraal in 1 Timoteus 1:12-17. In ons teks beskryf Paulus homself as voorbeeld van verlossing deur genade. Daarmee bemoedig Paulus nie alleen vir Timoteus nie, maar ook vir alle lesers van die brief met die belydenis dat Christus Jesus na die wêreld gekom het om sondaars te verlos.

1 Timoteus 1:12-17.ppt 2.65 MB Sep 04, 2016 16:25 Download 803
1 Timoteus 1:12-17.pptx 1.23 MB Sep 04, 2016 16:23 Download 624
1 Timoteus 1:12-17.doc 135.5 KB Sep 04, 2016 16:22 Download 863

Lukas 14:25-33 Sestiende Sondag in Koninkrykstyd 04 September 2016

Lukas14 25-33Carolyn Brown sê dat hierdie teks baie moeilik is vir kinders om te hoor. Hulle sukkel om enige iets anders te hoor as dat jy moet afstand doen van jou ouers! As dié gedagte grootmense bangmaak, is dit selfs nog erger vir kinders. Die uitdaging is om hul vrees te erken, sonder om te sê “Jesus het dit nie regtig bedoel nie.” Een manier is om vooraf te waarsku dat ons vandag van die “scary-ste” goed gaan lees wat Jesus ooit gesê het. Nadat jy die teks gelees het, herinner almal dat dissipelskap nié maklik is nie. Een of ander tyd gaan dit vir jou iets moeilik vra om Jesus te volg. “We don’t often tell children this. But it is true and they need to know it” sê Brown. Die preekriglyn sluit hierby aan en vertel die verhaal van John Wesley, die bekende Britse grondlegger van die Metodistekerk wat wêreldwyd versprei, en ook in Suid-Afrika sterk gevestig geraak het. John Wesley het sy lewe aan die armer deel van die bevolking gewy. Sy bediening was onder mense wat hard moes werk om te oorleef, min besit het, en nooit seker was van 'n stabiele finansiële toekoms nie. Tog het Wesley so bekend en gesog geword dat hy later 'n massiewe inkomste gehad het, in vandag se geldwaarde meer as driemiljoen rand per jaar. Wesley het egter nooit erg aan geld gehad nie. Hy het Jesus se woorde in ons teks ernstig opgeneem: "So kan niemand van julle my dissipels wees as hy nie bereid is om van al sy besittings afstand te doen nie". Hy het daarom doelbewus gekies om van R600 per maand te lewe, terwyl hy die res van sy inkomste doodgewoon weggegee het. In vandag se geldwaarde het Wesley in sy lewe meer as R70 miljoen doodeenvoudig weggegee. Hy leer ons dat die eis van dissipelskap is ook om te identifiseer met die nood en behoeftes van ons ander broers en susters oor die grense van sosiale klasse, kleure, politieke partye en selfs nasionale grense. Dissipelskap skep uiteindelik 'n nuwe lewensruimte waarbinne ons lewe. Wanneer genoeg dissipels bymekaar is, kom 'n nuwe lewenswêreld tot stand wat teen die status quo opstoot en uiteindelik 'n wêreldverandering bring. Dit is sake wat hierdie teksgedeelte sterk op die tafel sit. Om dissipel te wees beteken na alles om agter iemand aan te stap; prys gee en koste. Iemand wat rigting aandui, iemand aan wie ek my volledig toevertrou. Dit behoort hieruit reeds te wees dat tussen dissipel en dissipline net 'n fyn lyn loop. As navolgers weet ons Jesus is die Iemand wat ons volg. Daarom, soos wat Hy lei, sal ons volg!

Lukas 14:25-33.pptx 851.5 KB Aug 30, 2016 05:40 Download 632
Lukas 14:25-33.pptx 803.47 KB Aug 30, 2016 05:38 Download 636
Lukas 14:25-33.doc 114.5 KB Aug 30, 2016 05:38 Download 1155

Lukas 14:1, 7-14 - Vyftiende Sondag in Koninkrykstyd, Barmhartigheidsondag - 28 Augustus 2016

Lukas14 1-14Vertel ‘n storie van ‘n partytjie. Verduidelik dan hoe Jesus met die eerste gelykenis eintlik met gaste praat. Met die tweede gelykenis praat Jesus met die gashere. Gee dan praktiese wenke vir hoe ons self ‘n verskil in ander se lewe kan maak deur kinders te nooi wat nie maklik uitgenooi word nie. Die preekriglyn werk met die voorbeeld van ‘n sekere metropolisiebeampte wat 'n toekenning vir uitstaande diens oor 'n periode van 15 jaar ontvang het. Hy het altyd waardig opgetree, nooit selfs 'n dronk man neerhalend of gewelddadig behandel nie, of onnodige geweld teenoor enigiemand gebruik nie. Sy verduideliking hoe hy dit reggekry het was weens twee waardes. Ek het altyd vir myself gesê ek het met mense te doen. Ek het altyd onthou die Bybel sê 'n sagte antwoord keer grimmigheid af. In ons teks gaan dit ook oor mense, en hulle waarde. Wat aan die orde kom, is hoe ons ander mense nie, siekes, mense wat ons as minder werd beskou as ons, en mense met wie ons liewer nie wil assosieer nie. Dit is Jesus wat ons met hierdie vrae konfronteer. Hy help ons in ons teks verstaan wie God is, en hoe God mense hanteer. En nooi ons uit om soos Hy op te tree.

Lukas 14:21-30.ppt 1.05 MB Aug 23, 2016 05:40 Download 791
Lukas 14:1-14.pptx 997.56 KB Aug 23, 2016 05:39 Download 650
Lukas 14:1-14.doc 130.5 KB Aug 23, 2016 05:38 Download 930

Jeremia 1:4-10 - Veertiende Sondag in Koninkrykstyd - 21 Augustus 2016

Jeremia1 4-10aAs jy hou van “object lessons”, kan jy ‘n ballon gebruik om Jeremia te verteenwoordig. Hy was eers soos ‘n afgeblaasde ballon, onseker van homself. Dit is God self wat vir Jeremia alles gee wat hy nodig het om die werk te doen. Jeremia word soos ‘n opgeblaasste ballon, gevul met God se Gees. Of gebruik die storie van Miss Hazeltine’s Home for Shy and Fearful Cats deur Alicia Potter. Die preekriglyn begin met die roepingservaring van Moeder Theresa wat gesukkel het om aan die gang te kom in Calcutta. Sy het egter vasgebyt. Vandag voed haar bediening jaarliks meer as 500,000 mense, behandel meer as 90,000 melaatses en onderrig minstens 20,000 kinders. Dit lei die verhaal van Jeremia in wat as Bybelse voorbeeld gebruik word om ons oor ons eie roeping te laat nadink. In die van die Bybel se verhale oor roeping, sluit dit enigiemand in, nie net mense wat in geestelike posisies is nie. God kan mense in 'n gewone betrekking roep en gebruik. Ons moet beweeg van ons take na roeping aan die hand van die mandaat wat God ons daarvoor gee.

Jeremia 1:4-10.ppt 987 KB Aug 09, 2016 21:18 Download 747
Jeremia 1:4-10.pptx 902.55 KB Aug 09, 2016 21:17 Download 547
Jeremia 1:4-10.doc 136.5 KB Aug 09, 2016 21:16 Download 883

Jesaja 5:1-7 - Dertiende Sondag in Koninkrykstyd - 14 Augustus 2016

Jesaja5 1-7Carolyn Brown gebruik ‘n ikoon van Christus (Jesus Christ as the true vine) vir ‘n gesprek met die kinders. Dit vestig die aandag op die wingerdstok waarop Jesus sit en illustreer hoe mense as lote deel van die wingerdstok is. Vertel dan die bekende verhaal van Jesus as die wingerdstok en gelowiges as die lote uit Johannes 15. Die preekriglyn begin met ‘n verhaal oor mense wat sukkel om rekening te hou met die gevolge van hulle optrede. In September 2006 hoor Matt Atkinson dat drie van sy vriende 'n aanval op hulle skool beplan. Hy was onseker of hulle dit bedoel het en sou deurvoer. Wat daarvan as sy vriende in ernstige moeilikheid beland oor wat 'n grappie mag blyk te wees? Na gesprek met sy ma en die skoolhoof het die polisie ingegryp. Die huise van die voornemende aanvallers is deursoek. Hulle het 'n verskriklike ontdekking gemaak: selfmoordnotas, 'n groot hoeveelheid wapens, ammunisie, kamoefleerdrag en gasmaskers. Matt Atkinson sê daaroor: "Al wat ek kan sê is, doen die regte ding. Vertel iemand as jy van gevaar bewus word. Ek het gevrees vir die veiligheid van my skool en daarom opgetree. Ek wou nie bekend of beroemd wees nie." Dit is waartoe ons teks in Jesaja ons ook oproep. Om te waarsku as dinge in die geloofsgemeenskap verkeerd loop.

Jesaja 5:1-7.ppt 1.15 MB Aug 09, 2016 08:06 Download 659
Jesaja 5:1-7.pptx 1.06 MB Aug 09, 2016 08:05 Download 502
Jesaja 5:1-7.doc 137 KB Aug 09, 2016 08:04 Download 755

Jesaja 1:1, 10-20 - Twaalfde Sondag in Koninkrykstyd - 7 Augustus 2016

Jesaja1 1-20Vertel met familietyd die storie van die Eendkerk! Ons sluit ‘n weergawe van Murray Janson in met inkleurprente. Of jy kan die eksperiment met gekleurde water en bleikmiddel gebruik om vergifnis te demonstreer. Daar is ook ‘n aktiwiteit om sneeuvlokkies te maak van papier. Die voorbeeld van die Eendkerk lei die preekriglyn in. Dit illustreer die diskonneksie tussen erediens en lewe. Wat in die erediens van die lewe gebeur pas nie by die Godsontmoeting van die erediens nie. Vir kinders van God, mense wat binne die ruimte van genade leef, is 'n diskonneksie tussen lewe en erediens altyd 'n krisis. Wanneer ons lewens nie erns maak met die beloftes van God, en ons lewensstyl nie pas by die gebooie van God nie, is dit tyd vir berou, bekering en hertoewyding aan God. Dit is dan ook die worsteling van ons teks wat vir ons gaan help om onsself weer toe te wy aan die Here alleen.

Jesaja 1:1-20.ppt 767.5 KB Aug 02, 2016 07:52 Download 634
Jesaja 1:1-20.pptx 718.64 KB Aug 02, 2016 07:51 Download 482
Jesaja 1:1-20.doc 117.5 KB Aug 02, 2016 07:50 Download 906

Kolossense 3:1-11 - Elfde Sondag in Koninkrykstyd - 31 Julie 2016

Kolossense3 1-11Vir Familietyd is daar twee stories wat jy kan gebruik om die boodskap van die ou lewe wat met die nuwe lewe vervang moet word – ’n sunlight liquid truuk en ’n verhaal van ’n radio-beheerde karretjie. Die preekriglyn werk met die verhaal van die sanger en seremoniemeester Wayne Messmer wat deur twee tienerseuns deur sy keel geskiet is. Verstommend genoeg was hy na ses maande later weer agter die mikrofoon, maar vertel hy, sy fisiese herstel het baie makliker verloop as sy emosionele en geestelike genesing. Wat uiteindelik gehelp het, was om sy identiteit in Christus in gedagte te hou. Hy moes vashou aan Kolossense 3 wat onderstreep dat hy saam met Christus uit die dood opgewek is, en daarom vanuit 'n hemelse perspektief oor die lewe kan dink. Wayne moes Christus, sy Verlosser, vertrou om uiteindelik sy aanvallers te vergewe. Toe hy dit na 'n lang proses kon regkry, het hy vrede gevind. Hy vertel hoe hy na 'n tydperk van afsondering, besinning en gebed vry kon kom van die kettings van wraak wat hom aan die aanval vasgebind het. Dit het hom laat uitreik na die aanvallers en met hulle deel dat sy bitterheid met vergifnis vervang is, omdat hy sy lewe kon herbedink vanuit sy identiteit in Christus. Dít is waarmee dié gedeelte vir ons almal wil help.

Kolossense 3:1-11.ppt 1.41 MB Jul 25, 2016 21:22 Download 590
Kolossense 3:1-11.pptx 1.03 MB Jul 25, 2016 21:21 Download 605
Kolossense 3:1-11.doc 123.5 KB Jul 25, 2016 21:20 Download 737

Kolossense 2:6-15, (16-19) – Tiende Sondag in Koninkrykstyd – 24 Julie 2016

Kolossense2 6-19Jy kan met Familietyd die verhaal van Noni gebruik wat bang was sy vergeet iets met haar eerste skooldag as inleiding om kinders gerus te stel dat dit nie ingewikkeld is om ‘n Christen te wees nie. Jy kan ook die eenvoudige waarheid van “in Christus wees” illustreer met ‘n potplant se wortels en blare. Die preekriglyn vertel as inleiding die verhaal van mense wat nie altyd besef hoe groot die moeilikheid is waarin hulle verkeer nie. Hulle herken daarom nie altyd redding wanneer dit opdaag nie, en dink hulle het net 'n klein bietjie hulp nodig om te kan oorleef. Verstommend, maar waar. Helikoptervlieënier Iain McConnell en sy span het so 'n belewenis gehad toe Orkaan Katrina New Orleans in 2005 getref het. Hy was deel van 'n span wat vyf helikopters moes bedryf om mense van hulle huise se dakke te red en na veilige versorging te neem. Tot die vlieëniers se skok wou redelik min mense regtig gehelp word. Die vlieëniers het gewaarsku die dakke is onveilig, die huise kan instort, die water gaan vir 'n lang tyd hoog bly, die omstandighede is onhigiënies, en die blootstelling op dakke is sleg vir mense gesondheid. Nogtans het verreweg die meeste geweier om gered te word. Die waarheid is, sê McConnell, dat die mense nie besef het hoe ellendig en benard hulle situasie was nie. Dat daar nie nog meer lewensverlies was nie, is 'n wonderwerk. Dit is hieroor wat Paulus skrywe aan die Kolossense om hulle te waarsku dat hulle die redding wat Christus bring moet ontvang, ontgin, en ontplooi.

Kolossense 2:6-19.ppt 776.5 KB Jul 19, 2016 05:57 Download 587
Kolossense 2:6-19.pptx 508.06 KB Jul 19, 2016 05:55 Download 478
Kolossense 2:6-19.doc 108 KB Jul 19, 2016 05:54 Download 646

Kolossense 1:15-29 – Negende Sondag in Koninkrykstyd – 17 Julie 2016

Kolossense1 15-28Met Familietyd kan jy Carolyn Brown se gedagtes gebruik om met die kinders te gesels oor wie Jesus regtig is. Ons spel vier dinge van Hom wat uit die teks belangrik is. Die preekriglyn begin met die verhaal van die bekering van Francis Collins, 'n briljante, wêreldberoemde medikus en genetikus, wat met sy span biologiese wetenskaplikes die menslike genoom (DNA) ontrafel en beskryf het. In sy lesenswaardige boek, The language of God, vertel hy hoe sy insig en kennis oor biologiese lewe gegroei het, hoe meer is hy gekonfronteer met die misterie van die skepping en die oortuiging dat God die oorsprong van lewe is. Uiteindelik het die majesteit en prag van God se skepping sy weerstand oorweldig en het hy homself aan Jesus Christus oorgegee. Ons teks gee vir ons ‘n verstommende Bybelse blik op die identiteit van Jesus Christus. Dit is waarskynlik 'n oud-Christelike lied wat lof bring aan Christus, omdat Hy beide Skepper en beeld van God is, en Verlosser, die Een wat regeer. Dit is nie 'n teorie of spekulasie nie, maar 'n feit. Dit is 'n belydenis in hoop. Dit vertroos en vermaan tegelyk. Dis vandag nog waar. Aangesien Christus die Here is, is dit nie markkragte, rente- en repokoerse of die president wat in beheer is nie. Christus is die Here. Van gelowiges is Hy in dubbele sin die Here: as Skepper en as Verlosser. Daarom is ons onder sy bevel, wat ons beide vry maak en ons lewens rig en beheer. Daar is ook ‘n pragtige gebed waarin jy die gemeente kan begelei om dié Jesus as hulle God en Heer te kan bely.

Kolossense 1:15-28.ppt 932.5 KB Jul 12, 2016 04:45 Download 632
Kolossense 1:15-28.pptx 837.88 KB Jul 12, 2016 04:44 Download 685
Kolossense 1:15-28.doc 128 KB Jul 12, 2016 04:43 Download 730

Kolossense 1:1-14 – Agste Sondag in Koninkrykstyd – 10 Julie 2016

Kolossense1 1-14Vandag se skrifgedeelte is baie abstrak. Dis moeilik vir kinders om daarby aansluiting te vind. Aangesien die hele liturgie en preek egter deurlopend fokus op gebed, is vandag ’n goeie geleentheid om te gesels oor hoe ’n mens bid. Gebruik die vinger-gebed. Die preekriglyn begin met die vraag oor die belangrikheid van tyd geïllustreer met Greenwich Mean Time 'n onsigbare lyn wat die wêreld omspan. Hierdie sentrale tydlyn se verhouding tot die son en sterrestelsels is presies bepaald en dit staan vas. Daaraan kan almal regoor die aarde hulself oriënteer. Dit is die werk van John Flamsteed, die eerste sterrekundige wat dit sy werk gemaak het op 'n kaart vir navigasie op aarde aan die hand van die posisie van duisende sterre op te stel. Op soortgelyke wyse het ons 'n behoefte aan dieper oriëntering. Wie is ek? Waar kom ek vandaan? Waarheen is ek op pad? Hoe vind ek sekerheid en betekenis op hierdie reis? Wat is die sin van die wêreld, plek en tyd waar ek myself bevind? Dit is waaroor Paulus sy brief aan die Kolossense skryf om aan gelowiges so 'n vaste oriënteringspunt te verskaf.

Kolossense 1:1-14.ppt 754 KB Jun 21, 2016 06:20 Download 626
Kolossense 1:1-14.pptx 680.55 KB Jun 21, 2016 06:19 Download 554
Kolossense 1:1-14.doc 135 KB Jun 21, 2016 06:18 Download 758

Lukas 10:1-11, 16-20 – Sewende Sondag in Koninkrykstyd – 03 Julie 2016

Lukas10 1-20Lees die fokusteks uit Die Nuwe Testament vir Kinders met Familietyd en gesels met die kinders oor gasvryheid. Daar is ook ‘n video. Die preekriglyn val weg met Jesus se reis tussen Galilea en Jerusalem op pad om sy roeping te vervul. Daar is 'n goddelike "moet", 'n verlossende drang, 'n vaste beslistheid in Jesus se optrede. Tog bly Jesus steeds mense uitnooi om by Hom aan te sluit en sy volgelinge te word. Waarom? Die ware vrede wat die ewige honger stil, is slegs by Jesus te vind. Daarom kom mense en sluit aan. Daarom kan geloof nie uitgemoor word nie. Dit is dikwels in die aangesig van die dood dat die getuienis van Jesus se gestuurdes die grootste krag het. In die eerste eeue was die bloed van die martelare die saad van die geloof. Dit is vandag nog só, soos die verhaal van Dmitri op aangrypende wyse wys. Dmitri het 'n verskriklike reis van stroping beleef. Dit is waar van baie gelowiges in baie dele van die wêreld. Tog kon Dmitri deur wie hy was, en deur die krag van God wat in hom werk, 'n kragtige getuienis lewe.

Lukas 10:1-20.ppt 2.44 MB Jun 21, 2016 06:17 Download 680
Lukas 10:1-20.pptx 1.02 MB Jun 21, 2016 06:16 Download 558
Lukas 10:1-20.doc 149 KB Jun 21, 2016 06:15 Download 659

Lukas 9:51-62 – Sesde Sondag in Koninkrykstyd – 26 Junie 2016

Lukas9 51-62Speel “Follow The Leader” en kombineer dit met ‘n gebedstap in die kerk om vir kinders te leer dat ons vandag nog dissipels van Jesus kan wees. Die preekriglyn begin met die verhaal van Daniel Berrigan wie se lewe gekenmerk is deur 'n helder roeping en fokus. Hy was 'n Amerikaanse professor, Jesuïete-priester, digter (15 volumes), outeur van meer as 50 boeke en vredesaktivis. Hy het sy lewe deur gefokus op die goeie nuus van Jesus, sê iemand, eerder as op die slegte nuus van die keiser (die spesifieke party en maghebbers wat aan bewind was). Soos Elia van ouds was hy ook iemand wat mense se gewetes aangespreek en sosiale beroering gebring het – alles op grond van die goeie nuus van Jesus van Nasaret. Waar het Daniel Berrigan hierdie fokus op die evangelie en die verbetering van menslike lewe ontvang? Waar het hy die kapasiteit ontvang om te ly vir die toekoms wat hy nét met sy geloofsoë kon sien? Hy het dit by Jesus geleer. In ons teks ontmoet ons hierdie gefokusde Jesus – gefokus op God se roeping en toekoms vir sy lewe. Ten spyte van die ontwrigting wat Jesus se lewensreis van gehoorsaamheid vir Hom ingehou het, het Hy God die Vader gehoorsaam nagevolg. En Hy nooi ons saam op hierdie reis, vandag nog.

Lukas 9:51-62.ppt 1.25 MB Jun 21, 2016 06:14 Download 593
Lukas 9:51-62.pptx 832.86 KB Jun 21, 2016 06:13 Download 525
Lukas 9:51-62.doc 125 KB Jun 21, 2016 06:12 Download 869

Lukas 8:26-39 - Vyfde Sondag in Koninkrykstyd - 19 Jun 2016

Lukas8 26-39Lees die fokusteks dramaties uit die Die Nuwe Testament vir Kinders. Carolyn Brown suggereer ‘n oefening met verskeie kleure manssokkies wat elke kind oor sy/haar hand trek waarvan een Jesus simboliseer, een Legio simboliseer, en die res is die varke wat teen die helling wei... Die fokusteks word dan opgevoer met die varke wat almal in ‘n denkbeeldige meer van water duik en verdrink! Die preekriglyn lei die boodskap in met die verhaal van die klassieke tjellis Yo-Yo Ma wat sy tjello, met die hand vervaardig in Wene in 1733, gewaardeer teen $2.5 miljoen, in die bagasiebak van ‘n taxi vergeet het. Ná ‘n groot soektog het hy dit uiteindelik weer gevind. Kan jy aan jouself indink as die hoofkarakter in 'n Goddelike soektog? Waar jy die kosbare maar verlore item is wat God koorsagtig gesoek het tot God jou gevind het? In ons Skrifgedeelte lees ons van so 'n vasberade soektog. Jesus steek land en see oor om 'n verlore mens en verlore gemeenskappe te vind. Dit is tegelyk ook 'n verhaal waarin elkeen van ons hoofkarakters is.

Lukas 8:26-39.ppt 743.5 KB Jun 15, 2016 06:58 Download 540
Lukas 8:26-39.pptx 670.4 KB Jun 15, 2016 06:56 Download 509
Lukas 8:26-39.doc 119 KB Jun 15, 2016 06:56 Download 558

Lukas 7:36 – 8:3 - Vierde Sondag in Koninkrykstyd - 12 Jun 2016

Lukas7 36 8-3Laat die kinders dink aan iets wat hulle graag sou wou doen, maar waarvoor hulle weet hulle in GROOT moeilikheid sal kom. Verduidelik dan die begrip “dankbaarheid”. Sluit aan by die teks en vertel dat Jesus ons almal vergewe. Laat hulle met hul hande in die doopwater staan as herinnering van die afwas van sonde. Die preekriglynwerk met die verhaal van Rogers Cadenhead, iemand wat homself as 'n ongerehabiliteerde "domeinversamelaar" beskryf. Daarmee bedoel hy die registrasie van allerlei internet-domeine, oor allerlei denkbare temas. Een voorbeeld: toe Pous Johannes Paulus II oorlede is, het Rogers die domeinnaam www.BenediktusXVI.com geregistreer nog voordat die nuwe pous se ampsnaam aangekondig is. Hy het al die domein gehad voordat die Vatikaan geweet het hulle gaan dit nodig hê. Rogers het egter nie die domein heeltemal gratis prysgegee nie. Daar was tog 'n paar goed wat hy wou gehad het: Een van die pous se hoede; Gratis verblyf in die Vatikaan se hotel; en Absolute, volledige vergifnis – sonder dat enige vrae gevra word – "vir die gebeure van die derde week in Maart, 1987". Mens wonder nogal wat in die derde week van Maart 1987 gebeur het? Dalk het jy ook so 'n week, maand of jaar in jou lewe. Een waarvoor absolute vergifnis nodig is, sonder dat iemand enige vrae vra. Ons ontmoet so 'n vrou in ons teks. Iemand wat radikaal vergifnis nodig gehad het. No questions asked.

Lukas 7:36-8:3.ppt 1.13 MB Jun 07, 2016 03:14 Download 612
Lukas 7:36-8:3.pptx 731.53 KB Jun 07, 2016 03:13 Download 510
Lukas 7:36-8:3.doc 112 KB Jun 07, 2016 03:12 Download 696

Lukas 7:11-17 - Derde Sondag in Koninkrykstyd (Omgewingsondag) - 05 Jun 2016

Lukas7 11-17Die Familie-oomblik sluit aan by Omgewingsondag en vertel van ‘n projek wat rondom die spekboom geloods kan word waarby die kinders betrek kan word. Die preekriglyn fokus op die geweldige waarde wat God aan mense heg. Wanneer mens die Bybelse skeppingsverhaal bv. vergelyk met 'n ander skeppingsverhaal uit die antieke tyd, die Babiloniese skeppingsverhaal uit die Enuma Elish, sien mens hoe hoog God mense ag. Ons teks vertel van Jesus se aankoms, saam met sy dissipels en ’n groot menigte mense, in Nain. Hier ontmoet twee wêrelde wat eintlik teenpole is, naamlik die dood en die lewe, mekaar in die vorm van twee optogte. Hierdie ontmoeting plaas die menswaardigheid van mense in die kollig, veral in die lig van die feit dat weduwees uitgelewer was in ‘n wêreld waarin die vrou eintlik niks meer as ’n besitting was nie. Die dryfveer agter Jesus se optrede was waarskynlik nie in die eerste plek simpatie met haar seun se dood nie. Dit gaan oor veel meer. Geregtigheid, die lewensruimte en lewensvermoë van hierdie vrou, is op die spel. Jesus se passie is dat sy 'n lewe van volheid en vervulling kan geniet. Iets waartoe Hy ons roep om ook vandag na te volg.

Lukas 7:11-17.ppt 1.3 MB May 30, 2016 21:50 Download 719
Lukas 7:11-17.pptx 1.18 MB May 30, 2016 21:48 Download 569
Lukas 7:11-17.doc 185 KB May 30, 2016 21:48 Download 748

Lukas7 1-10

Lees die Bybelverhaal dramaties met behulp van die ingeslote agtergrond en papierpoppe. Gesels oor die offisier se geloof. Verduidelik dat geloof soos vertroue is. Illustreer vertroue deur bv. ‘n kind in iemand se arms te laat spring, met die vertroue dat die persoon die kind sal vang. Daar is ook ‘n klomp opsies van inkleurprente, aktiwiteite en ander papierpop vorms. Die preekriglyn lei die boodskap in met ‘n moderne verhaal van genesing, soos vertel deur James Christenson, 'n predikant van Wisconsin wie se gesin die genesende krag van God beleef het. Soos ons teks dit illustreer, het Jesus ‘n andersoortige, in teenstelling met die gesag van wêreldse gesaghebbendes. Die andersoortige gesag van Jesus trek ’n streep deur menslike gesag. Dit sien regdeur die brose strukture en sisteme wat ons opbou en waarbinne ons sogenaamd veilig voel, en rig ’n uitdaging: “Wie is in beheer, Ek of jy?” Dié vraag kom soms op verrassende wyses tot ons, nie net toe nie, maar ook vandag. Ons rol vanuit hierdie verhaal is om in gestroopte afhanklikheid, met ons volle gewig, in die skoot van Jesus se liefde te val. Om toe te laat dat Hy ons aanraak met sy woorde en daardeur ook genesing vir ons en almal rondom ons – vriend, vreemdeling en vyand – bewerk. Oor alle grense heen.

Lukas 7:1-10.ppt 973.5 KB May 23, 2016 15:04 Download 611
Lukas 7:1-10.pptx 580.31 KB May 23, 2016 15:03 Download 535
Lukas 7:1-10.doc 110 KB May 23, 2016 15:02 Download 923

Johannes 16:12-15 - Eerste Sondag in Koninkrykstyd (Drie-eenheidsondag) - 22 Mei 2016

Johannes16 12-15Die abstrakte begrip van die Drie-eenheid is altyd ‘n moeilike begrip vir kinders. Carolyn Brown suggereer dat ons ‘n voorstelling maak van ‘n kruis en ‘n kers wat brand as gesprekshulpmiddel. Die preekriglyn sluit aan by die geskiedenis van die kerk as 'n spanningsverhaal soos min. Dié woorde van Jesus in Johannes 16 is bedoel om hulle te troos en moed te gee vir die uitdagings en vervolgings wat kom deur oor die Parakleet, die Heilige Gees, met hulle te gesels. Die betekenis hiervan kan deur verskeie woorde vertaal word: “trooster”, “advokaat”, “raadsman” en “helper”. Hy is gegee om in die gemeente te werk, ons te help met ons getuienis en ons in die waarheid te lei. Hy is ook die gawe aan die kerk as Trooster.

Johannes 16:12-15.ppt 1.43 MB May 16, 2016 19:36 Download 739
Johannes 16:12-15.pptx 1.31 MB May 16, 2016 19:35 Download 572
Johannes 16:12-15.doc 123 KB May 16, 2016 19:34 Download 822

Johannes 14:8-17, (25-27) - Pinksterfees - 15 Mei 2016

Johannes14 8-27Daar is drie innoverende opsies vir Familietyd – skerp klein papiertjies wat deur die Paaskers vlam geskroei word om sagter hoeke te kry; ‘n vuvuzela wat eers raas as jy blaas; papier-fluitjies en streamers wat met die kerk se verjaarsdag saamhang. Die preekriglyn begin met die inspirerende verhaal van die uitdaging wat Bybelvertalers gehad het om die term vir die Heilige Gees in "Karre" 'n taal wat in die Sentraal-Afrikaanse Republiek gepraat word, te vertaal. Op 'n dag sien die vertalers hoe 'n groep portiere artikels op hulle koppe die bos indra. Hulle let op dat een van die groep niks dra nie. Vanselfsprekend dink hulle dié persoon is in beheer, besig om te kyk dat die ander hulle werk behoorlik en vinnig doen. Hulle ontdek egter dat die persoon allesbehalwe die toesighouer is. Hy gaan saam, sodat wanneer een van die draers dalk te uitgeput raak om verder te dra, of in die ruwe terrein beseer word, daar iemand was om bystand te verleen. Sou iemand bv. uitgeput neersak, sou hierdie man die vrag optel en verder dra. Hierdie portier-sonder-vrag staan in die Karre-taal bekend as "die een wat langs ons neerval." Dit was die oplossing. Die vertalers het hulle woord vir Parakleet gevind. Die voorbeeld gee jou ‘n heerlike manier om verder oor die impak en betekenis van die Heilige Gees in ons lewe te gesels.

Johannes 14:8-27.ppt 798 KB May 02, 2016 13:51 Download 675


For DOWNLOAD is used JotLoader component © V. Kanich 2007-2009