SOEK HIER VIR BYBELGEDEELTES


Tik die naam van die Bybelboek wat jy soek hieronder in om die resultate te "filter". Dit sal jou baie gou wys of die hoofstuk of perikoop wat jy soek hier beskikbaar is.

Die vorige alfabetiese lys is steeds hier, maar sal nie langer opgedateer word nie.



Kerkjaar 2008-09

File Version Licence Size Added Hits
Jona 3 verse 1 tot 5 – Derde Sondag na Epifanie - 25 Januarie 2009
Jona klou krampagtig vas aan sy vooropgestelde idee van wie genade mag ontvang. Hy wou nie weet dat God anders na mense kyk nie, dat Hy ’n God is van tweede kanse. Dís wat God altyd aan jou en my deur die storie van Jona wil sê: “Komaan, gaan terug op die veld … net die helfte van die wedstryd is maar verby.”  Lees van nog mense wat tweede kanse gekry het. In ’n familie-oomblik kan 3 kinders betrek word om uit te beeld wat nodig is vir vergifnis.
Jona3_1-5.ppt 843.5 KB Jan 19, 2009 06:00 Download 1792
Jona3_1-5.doc 55.5 KB Jan 19, 2009 06:00 Download 2035
1 Samuel 3 verse 1 tot 10 (11 tot 21) – Tweede Sondag na Epifanie – 18 Januarie 2009
Soms is dit moeilik om God se stem te herken, Samuel het hiermee gesukkel. Hy het hulp nodig gehad om te leer hoe om na God te luister.  God praat op verskillende maniere met ons, maar dis een ding om te luister, dit moet oorgaan in doen. Winston Churchill het gesê “We make a living by what we get, but we make a life by what we give”. God se BTW vir ons lewe is: Beoefen regverdigheid en billikheid. Toon liefde en trou. Wandel met God. Lees wat die reëls van ’n dambord speletjie ons kan leer, betrek ouers/kinders by die erediens met ’n speletjie.
1Sam3_1-10_11-21.ppt 1.32 MB Jan 12, 2009 06:00 Download 1965
1Sam3_1-10_11-21.doc 62 KB Jan 12, 2009 06:00 Download 2055
Psalm 29  - Eerste Sondag na Epifanie – 11 Januarie 2009
Luister fyn, God fluister soms. Kan jy die stem van die Here hoor wat soos musiek oral rondom jou - in die natuur, in jouself, in ander- speel? Psalm 29 wil jou herinner die stem van die Here is nie ’n opname nie, maar ’n “live” uitsending. Op www.nous.org.za is daar ’n pragtige clip ‘Thunder’ wat die Message se vertaling van Ps 29 weergee.  Dit sal beslis die moeite werd wees om dit af te laai.
Ps29.ppt 1.05 MB Des 8, 2008 06:00 Download 1757
Ps29.doc 49.5 KB Des 8, 2008 06:00 Download 1952
Jesaja 60 verse 1 tot 9 – Epifaniefeesdiens – 4 Januarie 2009
Op Epifanie Sondag dink ons aan die koms van die wyse manne wat ’n Blink ster gevolg het. Hulle het oë van geloof gehad.  Dis wat ons in 2009 moet hê – miskien nie ’n “lens oorplanting” nie, maar verseker ’n voorskrif vir ’n nuwe geloofbril!  Sit die geloofbril op – 2009 gaan net Ligter lyk! Laat kinders met spieëltjies en ’n sterk lig illustreer dat Jesus se lig nie op ons moet skyn nie, maar in ons.
Jes60_1-9.ppt 1.18 MB Des 8, 2008 06:00 Download 1804
Jes60_1-9.doc 66.5 KB Des 8, 2008 06:00 Download 1745
Hebreërs 1 verse 1 tot 4 – Sondag na Kersfees – 28 Desember 2008
Kersfees is vir nog ’n jaar verby! Ons kan nie wegkom van hierdie man Jesus nie - al is Kersfees verby - Hy het die wêreld verander of jy dit nou glo of nie! En Hy hou steeds die hele wêreld in Sy hande. Maar wat jy ook al mag glo, die geboorte van Jesus was so belangrik, dit het die geskiedenis in twee dele verdeel. Alles wat op planeet aarde gebeur het, val in ’n kategorie – voor Christus óf na Christus! Hy is God se stempel op die geskiedenis.
Hebr1_1-4.ppt 987 KB Des 8, 2008 06:00 Download 1816
Hebr1_1-4.doc 52.5 KB Des 8, 2008 06:00 Download 1982
Johannes 1 verse 1 tot 14 – Kersfeesdiens – 25 Desember 2008
Die Woord het Mens geword en onder ons kom woon! Die lewe se bepalende moment is dat dit oor Jesus gaan; ons lewensbepalende moment is dat ons met Jesus gaan. Kersfees is die fees van die kers - die lig wat nooit uitgaan nie, simbool om ons te herinner dat alles in Jesus vervul is. Hoe raak dit ons lewe elke dag, nie net met Kersfees nie? Draai 'n pakkie toe wat vir klein en groot verduidelik dat ons Kersfees vier omdat God Sy ware identiteit vir ons kom wys het, maar ook sodat ons ons ware ‘kind van God’-identiteit kan ontdek en aanvaar. Jy kan die clip van ‘Burn out’ aflaai by www.nous.org.za – kliek op die skakel, terwyl jy op die Internet is.
Joh1_1-14.ppt 727 KB Des 8, 2008 06:00 Download 1726
Joh1_1-14.doc 59 KB Des 8, 2008 06:00 Download 2070
2 Samuel 7 verse 1 tot 11 en 16 – Vierde Sondag in Advent – 21 Desember 2008
Dawid het ’n plan: hy wil ’n huis bou vir God.  God sê ‘Nee’, want Hy het ’n beter plan... Hy is soewerein, ’n  God van vryheid en genade: Sy Seun gaan mens word en tussen ons kom bly... dis Sy liefdes-plan vir die mens en dis die boodskap van Advent:  alles en almal is holy space, want Christus is alles en in almal!
2Sam7_1-11_16.ppt 955.5 KB Des 8, 2008 06:00 Download 1693
2Sam7_1-11_16.doc 55 KB Des 8, 2008 06:00 Download 1702
Lukas 1 verse 47 tot 55 – Derde Sondag in Advent – 14 Desember 2008
Onthou as ons in hierdie Adventstyd dink aan daardie eerste Kersdag: God het ’n seën deur ’n jong ma en pap baba in ’n klein dorpie gebring. Hierdie seën kom bring vreugde aan almal wat “altyd uitgelaat word”...wie ken nie daardie gevoel nie?  God kies ons ongeag wat die wêreld van ons dink…En dis Goeie Nuus! Laai gerus die aangrypende clip, “Van Gogh se ‘Starry Nights’”, af by www.nous.org.za (jy kan bloot op die adres kliek terwyl jy aanlyn is.)
Luk1_46-55.ppt 1.04 MB Des 8, 2008 06:00 Download 1864
Luk1_46-55.doc 60 KB Des 8, 2008 06:00 Download 1804
Psalm 85 – Tweede Sondag in Advent – 7 Desember 2008
Die digter van Psalm 85 onthou God se goedheid, vergifnis en beloftes van uitkoms. En soos ’n telefoon lui Advent tyd gebeure om ons te herinner:  Luister, dink aan wat God vir jou gedoen het! Reageer daarop, laat dit jou geheue aktiveer, dan kry jy weer nuwe, egte hoop vir die toekoms. Dan ontvang jy God se shalom. 
Ps85.ppt 790 KB Des 1, 2008 06:00 Download 1689
Ps85.doc 55 KB Des 1, 2008 06:00 Download 2031
Psalm 80 – Eerste Sondag in Advent – 30 November 2008
Advent is ’n tyd van afwagting op die koms van Jesus. Asaf smeek om God se goedheid weer te beleef. Hoe werk dit tussen God en ons?  Hy werk in minder voor die hand liggende metodes, soos in die windstilte…. soos ’n Baba in ’n krip. Daarom is Advent-tyd (gelowiges se wag-en-stil-word-tyd) so nodig – as ons die engele kore wil hoor, die Lig wil sien, sal ons eers moet stil wees.  Vir mense wat ’n oomblik van stilte en gebed in die erediens wil skep vir Zimbabwe, is daar ’n kort video-clip  beskikbaar by http://nous.org.za
Ps80.ppt 1.1 MB Nov 24, 2008 06:00 Download 1806
Ps80.doc 72.5 KB Nov 24, 2008 06:00 Download 1686

Pinkster 2010

File Version Licence Size Added Hits

Pinksterreeks 2010 - Stap met Jesus oor grense - Inleiding - 13-23 Mei 2010

Die grootste verskil wat die evangelie maak, lê nie in wat IN mense gebeur nie, maar wat TUSSEN mense gebeur.  Verhoudings tussen mense is die plek waar ware gemeenskap gebeur. Om grense oor te steek: kultureel, eties, generasies, etnies, sosiaal, ekonomies, gender en noem maar self verder op, was en sal altyd die lewensbloed van die geloof in Christus bly.

Ons wil jou dus uitdaag om 'n reis dié Pinksterweek met jou gemeente te onderneem.  Ons noem die reis: Stap met Jesus oor grense.

Vir 10 dae (of hoe lank jy ook al Pinkster gaan hou), gaan julle fokus op twee goed:

  1. die wyse waarop Jesus en sy kerk in die Evangelies en Handelinge grense oorgesteek het, en
  2. die mense wat die Here elke dag oor julle pad stuur, waarin ons self die grense sal ontdek waaroor die Here ons wil neem.

PowerPoint agtergrond

Ons gebruik Jellybean mensies om - op verskillende wyses in elke Powerpoint - grense en die oorsteek van grense voor te stel.  Hierdie PowerPoint en Word files gee jou 'n oorsig van al die agtergronde.

Liedere

Ons gee ook 'n lys van 'n aantal Flam liedere wat goed by die tema sal pas.

Inleiding - Stap met Jesus oor grense.ppt 977 KB Mar 31, 2010 21:36 Download 1427
Inleiding - Stap met Jesus oor grense.doc 64 KB Mar 31, 2010 21:38 Download 1428
1. Kapernaum -  Jesus steek grense in sy bediening oor

Markus 1:21-28; 40-45; 2:1-12; 23-27; 3:1-6; 31-35 (familie); 7:1-13; 14-23

Die evangelie lok altyd weerstand sowel as verwondering uit.  Dit is egter opvallend dat die kerkmense van Jesus se tyd teen Hom in opstand kom.  Hierdie weerstand teen die evangelie lê dus ook binne-in ons.  Wanneer ons sien hoe Jesus grense oorsteek na mense wat in ons eie oë dit dalk nie werd is nie, groei die weerstand ook in ons.  Ook ons eie gebruike en taboes word uitgedaag.  Om saam met Jesus grense oor te steek, beteken dat mens bereid moet wees om verras te word met hoe Hy grense oorsteek, en wie Hy insluit by sy familie.  Jesus daag ons opvattings oor wie behoort, oor wie rein is, oor hoe genesing werk, oor watter gebruik werklik heilig is, en watter nie, voortdurend uit.

1. Kapernaum - Jesus steek grense in sy bediening oor.ppt 407.5 KB Mar 31, 2010 21:44 Download 1324
1. Kapernaum - Jesus steek grense in sy bediening oor.doc 92 KB Mar 31, 2010 21:44 Download 1220
2. Dekapolis - Jesus bepaal wie binne en wie buite is

Markus 5:1-20 (Matt 8:28-34; Luk 8:26-39); 7:31-37 (Matt 15:29-31)

Dit is goed om onsself daaraan te herinner dat ons ook buitestaanders was.  Die “oorkant” waarheen Jesus hier vaar, is dieselfde “oorkant” waarheen Jesus later sy apostels stuur.  Wanneer Jesus aan die oorkant aankom, woon ons voorouers in die noorde van Europa, of in die Ooste, op duisende plekke versprei.  Hierdie duisende plekke is almal oorkant-plekke.  Wanneer ons vandag, in navolging van Jesus grense oorsteek, doen ons dit nie maar uit ordentlikheid nie.  Ons doen dit uit diepe dankbaarheid dat ons wat eenmaal nie deel was van die volk van God in iewers langs die pad ingesluit is.  Die uitdaging is of ons Jesus se inklusiewe karakter self baie goed verstaan, en of ons geestelik daardeur gevorm is.  Maak ons ‘n gewoonte van insluiting?  Soos Jesus?

2. Dekapolis - Jesus bepaal wie binne en wie buite is.ppt 364.5 KB Apr 01, 2010 07:42 Download 1217
2. Dekapolis - Jesus bepaal wie binne en wie buite is.doc 70 KB Mar 31, 2010 21:47 Download 1205
3. Nasaret - Jesus word verwerp in sy tuisdorp

Markus 6:1-6 (Matt 13:53-58; 9:35; Luk 4:16-30)

In mens se plek van oorsprong word jy dikwels nooit die geleentheid gegee om meer te word as die situasie waarin jy gebore is nie.  Mense onthou jou as “ou Koos en Koekie” se dogter.  Dalk is jy aan die verkeerde kant van die spoor gebore, of het jy moeilike grootwordjare gehad.  Dit bly dan in mense, wat jou as kind geken het, se gedagtes die permanente raamwerk waarin jy gesien en jou lewe beoordeel word.  Dink ook aan mense wat misstappe in hul lewens begaan het.  Dalk was jy in die tronk, of moes jy mediese behandeling ondergaan vir ‘n siektetoestand waarteen die samelewing vooroordele herberg.  Mense kan hierdie vooroordele self internaliseer, wat dan beteken dat jy jouself as besmet begin verstaan, iemand wat nie bo die grense van jou verlede kan uitstyg nie.  Jesus deurbreek hierdie grens.  Hy eien nie sy oorsprongsgeskiedenis as ‘n beperking toe nie.  Wanneer die ongeloof uiteindelik in Jerusalem volskaalse verwerping word, word dit juis die manier waarop daar versoening vir ons sonde, en uitkoms vir ons skande en beskaming bewerk word.

3. Nasaret - Jesus word verwerp in sy tuisdorp.ppt 713 KB Mar 31, 2010 21:49 Download 1242
3. Nasaret - Jesus word verwerp in sy tuisdorp.doc 74 KB Mar 31, 2010 21:56 Download 1174
4. Siro-Fenicië - ‘n Hondjie eet krummels van die tafel

Markus 7:24-30 (Matt 15:21-28)

Kerk-analis Herb Miller stel ’n belangrike vraag:  “Wil jy graag hê dat die gemeente nog teen 2025 moet bestaan - bruis met lewe?” As ons antwoord ja is, dan stel hy voor dat ons oop moet wees vir die nuwe en die anderse. Nie net vir nuwe en anderse MANIERE van doen nie, maar ook vir nuwe en anderse MENSE!  En nie net oop nie, maar gefokus daarop, intensioneel, doelgerig.  Let op hoe die ras en godsdienstige verskille tussen Jesus en die heidense vrou onveranderd bly.  Wat verander, is dat die moedige omgee van die vrou vir haar dogter deur God raakgesien word en vir Hom aanvaarbaar is, al is sy ‘n heiden, al is sy ‘n vrou wat alleen met ‘n man praat wat sosiaal onaanvaarbaar was, en daarby nog terugpraat as Hy aanvanklik nie wil doen wat sy vra nie.  Jesus wys vir ons daarmee hoe om oop te wees vir nuwe moontlikhede en vir mense wat anders is.  Selfs die hondjies is immers welkom in die koninkryk van God!

4. Siro-Fenicië - ‘n Hondjie eet krummels van die tafel.ppt 479.5 KB Mar 31, 2010 21:51 Download 1236
4. Siro-Fenicië - ‘n Hondjie eet krummels van die tafel.doc 80 KB Mar 31, 2010 22:00 Download 1188
5. Samaria - Die vrou by die put drink lewende water

Johannes 4:1-42

Baie mense werk nog steeds met ‘n baie rigiede idee van hoe mans is en hoe vroue is.  Mans is sterk en vroue sensitief.  Dié eienskappe is baie meer menslike eienskappe as wat dit net vroulike of net manlike eienskappe is.  En selfs as 'n mens meer na die sterk kant of meer na die sensitiewe kant oorhel, mag dit nooit die basis wees om te diskrimineer teen iemand nie.  Soos Jesus hier die grens oorsteek na 'n vrou, met haar sterk en sensitiewe kante, en deur haar die grens kan oorsteek na 'n dorpie wat ook uit mense wat sterk en sensitiewe kante het – so moet ons dit ook doen.  Wat baie help om hierdie grens oor te steek, is om te besef dat mans en vroue in die eerste plek mense is en slegs in die tweede plek mans en vroue.  En om verder in ag te neem, dat beide geslagte ‘n sterk en sensitiewe kant kan vertoon ... omdat hulle mense is.

5. Samaria - Die vrou by die put drink lewende water.ppt 395 KB Mar 31, 2010 21:53 Download 1278
5. Samaria - Die vrou by die put drink lewende water.doc 96.5 KB Mar 31, 2010 22:04 Download 1220
6. Jerusalem - Reg geskied aan die Griekse weduwees

Handelinge 6:10-7

Handelinge 6 is die afsluiting van die eerste fase van die uitbreiding van die evangelie na Pinkster, wat in 6:8 nou 'n volgende grens, dié na Samaria en Afrika, gaan oorsteek.  Dit is dus baie insiggewend dat dié verhaal juis hier vertel word.  Dit is amper asof Lukas wil sê, mense, julle kan nie evangelie oor die volgende grens neem, as julle nie bereid is om die grens binne julle eie geledere eers oor te steek nie, dié grens tussen die Hebreeussprekendes en die Griekssprekendes, meer spesifiek rondom die versorging van die weduwees. Dit plaas ons voor die vraag: Het dit nie tyd geword dat ons met meer moeite die grense onderling na mekaar oorsteek nie? En ons hoor hier dat om dit te kan doen, sal ons moet leer hoe om brugbouers te word.

6. Jerusalem - Reg geskied aan die Griekse weduwees.ppt 607.5 KB Mar 31, 2010 21:58 Download 1220
6. Jerusalem - Reg geskied aan die Griekse weduwees.doc 120 KB Mar 31, 2010 22:05 Download 1190
7. Ethiopië - Lig breek deur vir 'n minister van finansies

Handelinge 8:26-40

Etnisiteit was eintlik 'n grens wat Filippus maklik oorgesteek het.  As ons egter na ons samelewing kyk, is dit steeds 'n grens wat baie mense onder ons moeilik oorsteek.  Ons sukkel steeds met kleur in Suidelike Afrika.  Nie dat ons nie weet dat die eenheid wat God bring rondom die evangelie, soos die verhaal van die Etiopiër ons weereens herinner, die grense van etnisiteit moet oorsteek nie, sodat kleur, sosiale status, en kultuur nie in ons pad staan om ‘n ware reënboog gemeenskap as beeld van God te vorm nie.  Want, ons almal is die beeld van God, en elkeen van ons het ‘n bydrae om te lewer.  As een van ons ons afskei, en nie wil saamstaan om God te verteenwoordig op hierdie aarde nie, dan skend ons die beeld van God.

7. Ethiopië - Lig breek deur vir 'n minister van finansies.ppt 482 KB Mar 31, 2010 22:07 Download 1160
7. Ethiopië - Lig breek deur vir 'n minister van finansies.doc 127 KB Mar 31, 2010 22:08 Download 1201
8. Seserea - Die Gees val op Kornelius die Italiaanse kaptein

Handelinge 10:1-48

Hoe wonderlik dat ons hier leer dat God nie partydig is nie.  God tref nie onderskeid nie. Die mens se uiterlike voorkoms of uiterlike sosiale of godsdienstige verbintenis speel nie vir God ’n rol nie, want God meet nie volgens menslike standaarde nie. God is Iemand wat veel meer geïnteresseerd is in mense se houding teenoor Hom.  God verwag van die mens eerbiedige respek vir Hom en en gehoorsaamheid aan sy wil. Daarom geniet Kornelius God se guns en seën.  En dit is wat ‘n mens sien in die lewe van Kornelius, die kaptein in die Italiaanse regiment, wat só gelewe het en daarom God se guns en seën geniet het.  Om die waarheid te sê, God het hemel en aarde beweeg om aan hierdie eerbiedige man sy genade in Jesus te gee met die uitstorting van die Heilige Gees.

8. Seserea - Die Gees val op Kornelius die Italiaanse kaptein.ppt 473.5 KB Mar 31, 2010 22:10 Download 1230
8. Seserea - Die Gees val op Kornelius die Italiaanse kaptein.doc 99 KB Mar 31, 2010 22:11 Download 1173
9. Filippi - Eerste Europese gemeente gestig met Lidia, ‘n slavin en ‘n bewaarder

Handelinge 16:11-40

Die hele Europese kerkgeskiedenis begin met 'n eenvoudige verhaal van 'n vrou, nogal ryk ook, wat langs 'n rivier in Jesus begin glo.  Ironies dat 'n Masedoniese man Paulus in 'n droom hierheen lok, en dat die eerste bekeerling 'n vrou is!  Wys jou net hoe die evangelie nie langs die normale sosiale konvensies loop nie.  Dit is interessant hoe God ongewone mense gebruik in die verspreiding van die evangelie na nuwe gebiede.  In Afrika was dit 'n Ethiopiese ontmande. In Europa was dit 'n Grieks-Joodse vrou.  Dit is asof God sulke mense kies om van die begin af te wys dat HÝ agter die diversiteit in mense staan en verandering bring van die periferie af om só 'n sterk eenheid tussen diverse mense te smee.

9. Filippi - Eerste Europese gemeente gestig met Lidia, ‘n slavin en ‘n bewaarder.ppt 400.5 KB Mar 31, 2010 22:13 Download 1145
9. Filippi - Eerste Europese gemeente gestig met Lidia, ‘n slavin en ‘n bewaarder.doc 82 KB Mar 31, 2010 22:14 Download 1054
10. Atene - In publieke gesprek oor geloof

Handelinge 17:16-34

In die Westerse kultuur word daar ‘n sterk onderskeid gemaak tussen ons publieke lewe, en ons private lewe.  Daar word dan gesê dat godsdiens te doen het met ons private lewe, maar dat die openbare lewe vry gehou moet word van godsdienstige oortuigings. Godsdiens het nie ‘n plek in die markplein, in die opvoedkundige kurrikulum, of in die politieke lewe nie. Vir die Bybel is godsdiens egter ‘n publieke saak, en het geloof alles te doen met die markplein, of – in hierdie geval – met die sentrum van geleerdheid, die Areopagus.  Paulus deins nie daarvoor terug om sy geloof in die publiek te verantwoord nie.  Gemeentes en gelowiges moet op kreatiewe maniere daarna soek om ons geloof publiek uit te leef.  In hierdie gedeelte doen Paulus dit deur ‘n uitnodigende publiek verantwoording van sy geloof te doen.  Let op hoe respekvol hy dit doen, sonder om ander se oortuigings af te kraak, of as foutief of tweederangs te etiketteer.  Baie moderne Christene het ‘n les om by Paulus te leer.

10. Atene - In publieke gesprek oor geloof.ppt 456.5 KB Mar 31, 2010 22:16 Download 1075
10. Atene - In publieke gesprek oor geloof.doc 103.5 KB Mar 31, 2010 22:17 Download 1063
Laai hier die Zip-file van die hele Pinksterreeks 2010 af.

Al die PowerPoint en Word files is daarin.

Zip file van die hele Pinksterreeks 2010 3.8 MB Apr 01, 2010 07:28 Download 1596

Pinkster 2011

File Version Licence Size Added Hits

in die spore van Barnabas

Gevorm deur die Gees met geestelike gewoontes

Prent deur Wicus WaitPinkster is die tyd wat ons fokus op die werk van die Heilige Gees.  Ons leer Sy werk veral ken uit die verhale wat Lukas in Handelinge vertel.  Die verhale skep die verwagting by ons dat Hy vandag nog dieselfde doen.   Ons fokus daarom in Pinkster 2011 op wat die Heilige Gees deur die lewe van Barnabas gedoen het. 

Aan die een kant daag die Heilige Gees ons uit om Barnabas se navolgers te word – as bemoedigers, borge, brugbouers, bemagtigers, bedienaars en begeleiers.  Hy wys immers vir ons hoe ’n lewenstyl gevorm word deur die geestelike gewoontes wat ’n mens in jou lewe bemeester.

Aan die ander kant bemoedig die Heilige Gees ons dat Hy altyd tweede kanse gee – soos Hy dit gedemonstreer het in die wyse waarop Barnabas Saulus en Johannes Markus bemoedig en begelei het.  Die Heilige Gees gee dus op ’n besondere wyse hierdie Pinkster weer hoop vir leiers en lidmate deur die voorbeeld van hierdie goeie man, Barnabas, wat vol was van die Heilige Gees en met ’n vaste geloof geleef het.

Laai hier 'n volledige oorsig oor die reeks af, met agtergrond besprekings oor Handelinge, Barnabas, geestelike gewoontes en detail oor die hulpmiddels wat beskikbaar is vir die reeks.

Chris van Wyk, Danie Mouton, Rethie van Niekerk, Wicus Wait

Barnabas

Die Bybelstudieboek Barnabas is so pas vrygestel.

Gebruik gerus die boek in julle kleingroepe om hulle verder te help om die geestelike gewoontes in te oefen.

 

 

 

 

 

Inleidingsartikel

Inleidingsartikel 404.5 KB Mar 30, 2011 14:40 Download 2400

Joernaal

  • Ons gebruik PowerPoint (net 2007 weergawe beskikbaar) vir die joernaal, omdat dit die formatering behou en almal redelik gemaklik daarmee kan werk.
  • Die teks is redelik groot.  Die idee is dat jy hierdie dokument gebruik om ‘n “booklet” te maak – die uiteindelike produk is dus A5. As jy dit so kopieer, is die teks se grootte, asook die helderheid van die grys agtergronde (wat in hierdie dokument effens donker lyk), reg. 
  • Druk slegs dié byeenkomste wat jy gaan gebruik.  Onthou dat die bladsye in veelvoude van 4 moet wees om ‘n boekie te maak.  Daar is enkele “leë” bladsye (met spasies vir notas) wat jy soos nodig kan gebruik om die veelvoude van 4 te behou. 
  • Onthou om op die laaste bladsy die gemeente se inligting in te sit!
  • Die Pdf het nie die laaste bladsy in nie.
Joernaal.pptx 433.07 KB May 14, 2011 18:53 Download 2091
Joernaal.pdf 734.63 KB May 14, 2011 18:56 Download 1841

Zip-file

Laai hier die Zip-file af met al tien finale preekriglyne in PowerPoint en Word formaat.  Dit bevat die eksegetiese riglyne sowel as liturgieë vir die eredienste.

Zip-file met al tien finale preekriglyne in PowerPoint en Word formaat 8.29 MB May 14, 2011 19:05 Download 2798

Hierdie Zip-file het net die eksegetiese riglyne van al tien Skrifgedeeltes.

Eksegetiese opmerkings.zip 764.57 KB Mar 30, 2011 18:14 Download 2217

Bemarkingspamflet

Hier is die bemarkingspamflet vir Pinkster 2011.
  • Laai die jpg (in kleur of in swart en wit) af as jy dit net so wil gebruik.
  • Laai die ppt of pptx af (wat kleur en swart en wit skyfies bevat) af as jy daaraan wil verander of dit wil verkort.
Bemarkingspamflet.ppt 439 KB Apr 12, 2011 17:31 Download 1884
Bemarkingspamflet in kleur.jpg 128.96 KB Apr 12, 2011 17:32 Download 1817
Bemarkingspamflet.pptx 415.03 KB Apr 12, 2011 17:31 Download 1728
Bemarkingspamflet in swart en wit.jpg 124.08 KB Apr 12, 2011 17:33 Download 1952

Barnabas - net gesig en agtergrond

Hier is 'n jpeg net van die gesig van Barnabas met die rooi en geel strepe op die agtergrond (1024 x 768 px) wat jy in 'n PowerPoint kan gebruik. Of laai die PowerPoint daaronder af, waar dit reeds ingetrek is.
Barnabas - net gesig en agtergrond.jpg 398.62 KB Jun 03, 2011 08:03 Download 1908
Barnabas - net gesig en agtergrond.ppt 513.5 KB Jun 03, 2011 08:10 Download 1621

1. Barnabas die Bemoediger - Handelinge 4:32-37

Die Heilige Gees versprei die evangelie deur vrygewigheid

God roep spesifieke mense.  Hy gebruik hulle afkoms en gawes, wat baie keer doodgewone goed is soos ’n stuk grond wat jy besit, maar dit dan op ’n unieke manier inspan binne die kerk en gemeenskap om verstommende goed reg te kry, soos om van die Christelike gemeenskap wêreldwyd ’n vrygewige gasvry een te maak.  Barnabas se vrygewige geskenk het ’n impak ver bo dit wat hy in sy tyd kon voorsien het.  Dit is waar van enigiemand wat gewone dinge in diens van die Here en sy kerk stel. 

Ons kan Barnabas navolg in die bemeestering van die geestelike gewoonte van vrygewigheid.

Preekriglyn

"In die begin van die vorige eeu het daar eendag ’n huilende dogtertjie naby ’n klein kerkie gestaan. Sy is gevra om terug huis toe te gaan, want daar was nie plek vir haar nie. “Ek kan nie Sondagskool toe gaan nie” het sy huilend vir die predikant gesê wat daar verbygeloop het. Toe hy haar stukkende klere sien, het hy dadelik vermoed wat die eintlike rede was. Hy het haar hand geneem en haar na ’n klassie geneem. Die kind was so diep daardeur geraak dat sy daardie nag gelê en dink het aan al die ander kinders wat geen plek het om van Jesus te leer nie ..."

Handelinge 4:32-37 - preekriglyn.ppt 1.01 MB May 14, 2011 17:33 Download 2147
Handelinge 4:32-37 - preekriglyn.doc 131 KB May 14, 2011 17:34 Download 1956
Handelinge 4:32-37 - eksegese.doc 67 KB Mar 30, 2011 14:41 Download 1832

2. Barnabas die Borg - Handelinge 9:26-31

Die Heilige Gees skep veilige ruimtes deur gasvryheid

Roeping is ’n dinamiese reis en nie ’n bestemming nie.  Barnabas het nie vasgeval in ’n vrygewigheidsbediening nie, soos  wat maklik kon gebeur het in Jerusalem – die nood was immers groot – maar het gedoen wat die Here op sy hart lê in die gewone gang van die lewe.  Hy het nie verder betrokke geraak by bv. die versorging van die weduwees nie, hoewel hy tog in ’n sekere sin betrokke gebly het deurdat hy gekies word om die gemeente van Antiogië se dankoffer vir die gemeente in Jerusalem te bring (Hand 11).  Hy fokus egter op die raaksien van en die gasvrye intrek van nuwe bedienaars van die evangelie. 

Ons kan Barnabas navolg in die bemeestering van die geestelike gewoonte van gasvryheid.

Preekriglyn

"Die Saharawoestyn word gekenmerk deur oases waar die moeë reisiger lewegewende water en lafenis ontvang.  Geoloë het ontdek dat daar diep, diep onder die harde woestyn ongelooflike groot watermere in die steenformasies voorkom.  Plek-plek deel die Sahara hierdie verborge water met verstommende vrygewigheid. Die aanloklike waterpoele van die oase getuig van die woestyn se verrassende gasvryheid ..."


Handelinge 9:26-31 - preekriglyn.ppt 718 KB May 14, 2011 17:38 Download 1846
Handelinge 9:26-31 - preekriglyn.doc 117 KB May 14, 2011 17:38 Download 1832
Handelinge 9:26-31 - eksegese.doc 61 KB Mar 30, 2011 14:42 Download 1715

3. Barnabas die Brugbouer - Handelinge 11:19-24a

Die Heilige Gees skuif grense deur die getuienis van gewone mense

Barnabas is die eerste leraar wat begin om Jode en nie-Jode in een gemeente te bedien.  Hy vestig ’n model vir hoe die kerk behoort te wees. Hy sluit by die uitbreiding van die evangelie aan en bemoedig en bevestig die Griekse gelowiges in hulle verbintenis aan die Here.  En onthou dat hy dus daarmee aansluit by ’n beweging van gewone gelowiges wat die evangelie aan ander bring.  Dit is gewone Joodse gelowiges van Siprus en Sirene wat hier oor grense stap om ander taalgroepe te bereik.  En dit is hulle wat die kerk telkens moet navolg. Dit nooi ons ook uit om deel te word van die rimpel-effek van hierdie gebeure wat steeds  sigbaar is oor die hele wêreld, waar grense van kultuur en taal oorgesteek word met die evangelie van Jesus Christus.

Ons kan Barnabas navolg in die bemeestering van die geestelike gewoonte van bemoediging.

Preekriglyn

"Die Berliner Mauer (Berlynse muur) was ’n gruwelike grensmuur wat deur die Duitse Demokratiese Republiek (DDR) opgerig is.  Op 13 April 1961 is oornag begin om Wes-Berlyn volledig af te skei van die omringende Oos-Berlyn en Oos-Duitsland.  Dit was alles deel van die koue oorlog tussen Oos en Wes.  Die lang grensmuur van beton het wagtorings ingesluit wat uitgekyk het oor ’n strook niemandsland (ook die doodstrook genoem) waaroor niemand mag beweeg nie.  Jy kon doodgeskiet word as jy dit doen.  Baie mense wat uit Oos-Duitsland wou vlug, het inderdaad hul lewens só verloor ..."


Handelinge 11:19-24a - preekriglyn.ppt 756 KB May 14, 2011 17:44 Download 1862
Handelinge 11:19-24a - preekriglyn.doc 117 KB May 14, 2011 17:47 Download 1721
Handelinge 11:19-24a - eksegese.doc 61 KB Mar 30, 2011 14:43 Download 1697

4. Barnabas die Bemagtiger - Handelinge 11:24b-30

Die Heilige Gees sorg vir ander deur ons omgee

Waar Barnabas vroeër met sy vrygewigheid ’n direkte impak op die gemeente in Jerusalem gehad het, raak hy nou die instrument wat ’n ander gemeente se vrygewigheid aan die gemeente in Jerusalem gaan oordra.  Barnabas se persoonlike hulpbetoon aan Jerusalem in sy vroeëre verblyf daar, word nou voortgesit in die vorm van ’n korporatiewe omgee-diens aan die gemeente van Jerusalem, een van die eerste gevalle van onderlinge gemeentesorg en barmhartigheid binne die verband van gemeentes. Met sy eie omgee het hy die nuwe gemeente in Antiogië bemoedig, sowel as vir Saulus in sy bediening, en die gemeente versterk in hulle eie mededeelsaamheid teenoor die eerste gemeente in Jerusalem.

Ons kan Barnabas navolg in die geestelike gewoonte van omgee.

Preekriglyn

"Die storie word vertel van ’n diaken van ’n gemeente in Boston, Engeland, wat te skaam was om te bid of andersins op te tree binne die gemeente.  Hy het egter vir homself gesê, “ek kan twee ekstra borde dek op my tafel elke Sondagaand en twee jongmense uitnooi vir ete wat ver van hulle huis af is.  Hy het dit vir meer as 30 jaar volgehou ..."


Handelinge 11:24b-30 - preekriglyn.ppt 623.5 KB May 14, 2011 18:02 Download 1778
Handelinge 11:24b-30 - preekriglyn.doc 110 KB May 14, 2011 18:03 Download 1850
Handelinge 11:24b-30 - eksegese.doc 60.5 KB Apr 16, 2011 07:24 Download 1665
Handelinge 11:24b-30 - eksegese.docx 33.24 KB Mar 30, 2011 14:44 Download 1857

5. Barnabas die Bedienaar - Handelinge 13:1-12

‘n Gestuurde gemeente leef deur gebed en getuienis

God gee alles wat ons nodig het om ons roeping te leef.  Wat begin het in Barnabas se lewe met die verkoop van ’n stuk grond, en gelei het tot ’n verbintenis aan Saulus en die gemeente in Antiogië, word nou ’n volskaalse roeping om die wêreld met die evangelie van Jesus Christus te bereik.  En elke deel van dié voorafgaande pad tot hier – gawes, afkoms, onderrig, ervarings – gee aan die roepingsreis ’n doelgerigtheid en dinamika.  Gebed is 'n belangrike manier waarop God se wil onderskei word – beide in die ontvangs en  bevestiging daarvan.  En die gemeenskap van gelowiges speel as ’n groep daarin ’n belangrike rol.  Een van die gebedspraktyke wat deur die eeue ontwikkel is om ’n mens te help om God se stem te herken, is die geestelike gewoonte wat die daaglikse ondersoek (daily examen) genoem word. 

Dit is die geestelike gewoonte wat ons gaan beoefen - die daaglikse ondersoek.

Preekriglyn

"David was, soos gewoonlik, laatnag nog wakker, besig om TV te kyk toe hy vir die eerste keer die vraag vra: “Here, wat sal gebeur as ek die TV stel verkoop en die tyd in gebed spandeer?”.  Nadat David Wilkerson hierdie gebed in 1958 gebid het, sou die antwoord spoedig blyk: “Wat sal gebeur, Here, as ek ..."


Handelinge 13:1-12 - preekriglyn.ppt 737.5 KB May 14, 2011 18:07 Download 1768
Handelinge 13:1-12 - preekriglyn.doc 118.5 KB May 14, 2011 18:07 Download 1784
Handelinge 13:1-12 - eksegese.doc 60 KB Mar 30, 2011 14:45 Download 1700

6. Barnabas die Beledigde- Handelinge 13:13-52

Die Heilige Gees gee die ewige lewe deur ons getuienis

Barnabas en Paulus maak in Antiogië in Pisidië groot deurbrake vir die evangelie.  Dit gebeur deur die goeie boodskap van Jesus as Verlosser aan die hand van die einste wet en die profete te bring.  Maar belangrik, ook deur die gesprekvoering wat daarna volg waarin oor die betekenis daarvan nagedink word en mense aangemoedig word om op die genade van God te bly vertrou. God gee die ewige lewe deur hulle getuienis.  Dit is met dié hoop dat ons van Hom met ons lewe en woorde getuig oral waar ons kom - ook gewone gelowiges soos Handelinge ons duidelik leer. 

Ons kan Barnabas navolg in die geestelike gewoonte van getuienis.

Preekriglyn

"William Carey (1761 – 1831) van Northampshire in Engeland staan bekend as die vader van die moderne sendingbeweging.  Hy is diep geraak deur die lewe van ’n Amerikaanse sendeling onder die Amerikaanse inboorlinge, David Brainerd (1718 – 1747), en die reisverhale van James Cook.  Hy het oortuig geraak dat die evangelie oor grense moet beweeg en sy kerk oortuig om by sendingwerk betrokke te raak met die publikasie van An Enquiry into the Obligations of Christians to use Means for the Conversion of the Heathens in 1792 ..."


Handelinge 13:13-52 - preekriglyn.ppt 1009 KB May 14, 2011 18:10 Download 1853
Handelinge 13:13-52 - preekriglyn.doc 142 KB May 14, 2011 18:11 Download 1792
Handelinge 13:13-52 - eksegese.doc 89 KB Mar 30, 2011 14:46 Download 1697

7. Barnabas die Bewonderde - Handelinge 14:1-20

’n Nederige lewenstyl kies die pad van dienslewering en nie magsvertoon nie

Nederigheid kom nie natuurlik vir ons nie.  Niemand wil graag aan die onderpunt van die leer wees nie.  Die probleem is dat ’n sug na waardering baie maklik in ’n sug na mag verander, juis die versoeking waarvoor Jesus in die woestyn geplaas is (Matt 4:1-11).    Geen wonder dat Barnabas en Paulus hier met amperse aggressie reageer op die heldeverering wat hulle te beurt val, en vasberade keer dat hulle in die sentrum van die mense se gedagtes kom staan.   Hulle hantering van die probleem van heldeverering is ’n model vir ons om na te volg. 

Ons kan Barnabas navolg in die geestelike gewoonte van nederigheid.

Preekriglyn

"Nederigheid kom nie natuurlik vir enigeen van ons nie.  Niemand wil graag aan die onderpunt van die leer wees nie.  Dit moeilik om spontaan en konsekwent die minste te wees.  Veral binne ons kultuur waar mag en selfbe-mag-tiging so ’n hoë prioriteit is.  Ons hou van mense wat “goed doen vir hulleself” en bo uitkom.  Leith Anderson vertel van ’n besoek wat hy aan Manilla se vullishope gebring het.  Nes in ander groot stede, soos Kaïro, woon tienduisende mense op Manila se vullishope en maak ’n lewe uit die gemors wat ander weggooi.  Manila se vullismense bou hul krothuisies uit die nuttelose materiaal wat ander weggooi.  Hulle stuur hul kinders soggens om vir kos te gaan soek in ander se vullis.  Hieruit word hulle familie-etes berei.  Anderson vertel hoedat mense op die vullishoop gebore word en grootgemaak word.  Hulle gaan nooit iewers anders heen nie, selfs nie eers na Manila toe nie.  Die vullishope is hul wêreld ..."


Handelinge 14:1-20 - preekriglyn.ppt 820 KB May 14, 2011 18:17 Download 1961
Handelinge 14:1-20 - preekriglyn.doc 118 KB May 14, 2011 18:17 Download 1759
Handelinge 14:1-20 - eksegese.doc 66 KB Mar 30, 2011 14:47 Download 1736

8. Barnabas die Beskermer - Handelinge 14:21-28

Die Heilige Gees skep ’n gemeenskap waarbinne geloof tot sy reg kom

Jesus het nie ’n geskrif nagelaat nie, wel ’n gemeenskap.  Barnabas en Paulus versterk dus die onderlinge gemeenskap en kies leiers om verantwoordelikheid vir die Woordverkondiging en leiding van die gemeente te neem.  So beskerm hulle die prosesse wat aan die gang gekom het in antwoord op die evangelie.  Dit beteken dat hulle die gemeente die geheim van 'n gedeelde taal en saamwees aanleer. 

Ons kan Barnabas navolg in die geestelike gewoonte van gemeenskap.

Preekriglyn

"Twee Riviere in die Langkloof was ’n stoere gemeenskap wat gelowig en getrou in die gebaande weë van hulle voorvaders en voormoeders geloop het.  Veral in Olivier-voetspore, want gedurende die 1930’s was net 24 van die 106 huisgesinne hier nie Olivier-nasate nie.  Selfs die ander vanne was meestal ou bekendes soos Schreiber’s en Murray’s. Toe ’n skoolmeester lank gelede onwillig raak om die skoolsaal te leen, bou hulle ’n eie, trotse monument-kerksaal vir vol bidure en boere-basare.  Maar, deur die jare het ook Twee Riviere karakter verander.  Ou inwoners is gaandeweg en een vir een vervang deur … inkommers.  Veral Engelssprekendes toegewy aan ’n Joods-godsdienstige leefwyse.  En soos hulle intrek, hoor jy: 'Hulle is nie van onse mense nie' of 'Hulle is nie in onse kerk nie  en agter die woorde word stilletjies gewonder: 'Is hulle ooit van onse God se mense?' ..."


Handelinge 14:21-28 - preekriglyn.ppt 873 KB May 14, 2011 18:21 Download 1906
Handelinge 14:21-28 - preekriglyn.doc 113.5 KB May 14, 2011 18:23 Download 1788
Handelinge 14:21-28 - eksegese.doc 56.5 KB Mar 30, 2011 14:49 Download 1755

9. Barnabas die  Besluitnemer - Handelinge 15:1-35

Die Heilige Gees leer ons onderskei deur getuienisse en die Bybel

Die oop deur van geloof vir die heidene wek interne weerstand op van gelowiges uit die Fariseërs.  Dit is ’n katalisator vir die onderskeiding van God se wil.  Onderskeiding sluit almal se bydraes in, gewone gelowiges en leiers s’n.  Dit werk met getuienisse oor God se werk in die lewe en getoets  aan die Skrifwoord totdat daar klaarheid daaroor kom.  Eers as daar wye instemming bereik is, word dit die besluit van die geloofsgemeenskap. 

Ons kan Barnabas navolg in die geestelike gewoonte van geloofsonderskeiding.

Preekriglyn

"’n Diepsee duiker vertel dat hy diep in water moes duik waar dit plotseling stikdonker geword het.  Dit was bitter moeilik om nie gedisoriënteerd en diep angstig te raak nie.  'Dit is ’n verskriklike gevoel,' vertel hy, 'om onder die water te wees sonder om eers jou eie hande voor jou gesig te kan sien.  Jy kan geen sentimeter sien nie.  Jy weet nie watter rigting is boontoe nie.  Ek het paniekerig begin raak, sonder koers, en gewonder of ek ooit weer bo sou uitkom.'
'Wat doen jy toe,'  vra ek my vriend?
'Ek het my instrukteur se woorde onthou en vir die borrels van my asemhaling gevoel,' sê hy ..."


Handelinge 15:1-35 - preekriglyn.ppt 795.5 KB May 14, 2011 18:43 Download 1753


For DOWNLOAD is used JotLoader component © V. Kanich 2007-2009