Produkte

Prys: R55.00 (14% BTW ingesluit) - koop dit by hierdie skakel.

Subtitel: Geloofgewoontes om God elke dag in jou lewe raak te sien.

Omslag: Sagteband

Bladsye: 64

ISBN: 97808648704764

Teikenmark: Kleingroepe, Individuele gelowiges, Geestelike leiers en gemeentes

Unieke verkooppunte:

· Fokus daarop om gelowiges te help om al hoe meer in voeling te kom met God en Sy wil deur die ses sessies wat spesifieke geloofsgewoontes vestig· Geskryf deur ’n kenner op die gebied van die geestelike groei van individue en gemeentes

· Praktiese riglyne vir die verdere ontwikkeling van die geloofsgewoontes

· Riglyne vir die fasilitering van ’n "Bly in voeling"-groep.

Opsomming van die inhoud: Ons almal ervaar soms oomblikke waarin ons in voeling met God se Gees is. Dit kan saamval met verwondering of hartseer, kreatiwiteit of deernis, dankbaarheid of liefde, en soms met tye van verandering.

Om in voeling te blý met God se Gees het ons egter hulp nodig. Die geloofsgewoontes in hierdie praktiese boek help ons juis hiermee. Wanneer ons deur hierdie geloofsgewoontes vir God in ons lewe begin raaksien, maak dit ons ontvanklik vir wat volgende gaan gebeur. Ons word vervul met liefde. Ons weet wat ons moet doen.

Hierdie ervaring kan mettertyd ’n leefwyse word, in goeie tye, in slegte tye, en in die gewone gang van die lewe. Ons sal al hoe meer ontvanklik wees om in elke oomblik bewus te wees van God, van wat Hy vir ons wil sê, en van wat Hy in ons lewe doen.

Bly in voeling bevat ses "sessies" met verskeie geloofsgewoontes wat by persoonlike behoeftes en lewensprogramme aangepas kan word, en wat deur individue en groepe gebruik kan word. Dit is ’n praktiese boek wat elke gelowige sal help om die gawe van die leiding van die Heilige Gees al hoe meer te ervaar

Inhoud:

· Sessie 1 – Ons verhale

· Sessie 2 – Daaglikse herkenning

· Sessie 3 – Woord en Gees

· Sessie 4 – Om liefde te ontvang

· Sessie 5 – Belangrik, of dringend?

· Sessie 6 – Inoefening

 Agter in die boek is ook praktiese riglyne ingesluit oor:

· die geloofsgewoontes soos dit mettertyd kan ontwikkel, en

· die fasilitering van ’n "Bly in voeling"-groep.

Meer oor die skrywer: John Ackerman, ’n afgetrede Presbiteriaanse leraar, is steeds met passie betrokke by die geestelike begeleiding van gemeentes in die VSA en in Suid-Afrika, waar hy veral gemeenteleiers help om die geestelike groei van individue en gemeentes te fasiliteer. Hy het al verskeie boeke en artikels geskryf. Sy bekroonde boek Listening to God: Spiritual formation in the congregation het die teologiese grondslag van die Seisoen van Luister gevorm.