SOEK HIER VIR BYBELGEDEELTES


Tik die naam van die Bybelboek wat jy soek hieronder in om die resultate te "filter". Dit sal jou baie gou wys of die hoofstuk of perikoop wat jy soek hier beskikbaar is.

Die vorige alfabetiese lys is steeds hier, maar sal nie langer opgedateer word nie.



Kerkjaar 2017-18

Spesiale aanbod

Jou laaste kans om te bestel. Aanbod sluit 6 Oktober 2017.

Woord en fees – Preekstudie Advent 2017 – Koninkrykstyd 2018

Woord en fees

 

Preekstudie Advent 2017 – Koninkrykstyd 2018

AFSLAGPRYS: R280.00

GEWONE PRYS: R310.00 

Woord en fees – Advent 2017 tot Koninkrykstyd 2018 – is ʼn hulpmiddel vir die voorbereiding van eredienste en die ontwikkeling van preke. Dit volg die seisoene van die kerkjaar en maak gebruik van die teksrooster Revised Common Lectionary, Jaar A.

Woord en fees kan gebruik word saam met die ander publikasie in die reeks, naamlik Leesrooster vir lidmate.

BESKIKBAAR OKTOBER 2017

KOOP NOU >>

Leesrooster - Advent 2017 tot Koninkrykstyd 2018

Leesrooster vir lidmate 

 

Advent 2017 tot Koninkrykstyd 2018

AFSLAGPRYS: R80.00

GEWONE PRYS: R110.00

Nuwe ontwerp en aanslag

• Die fokus val nou meer op bruikbaarheid.

• Die bydraes is daarom baie meer kernagtig.

• Elke week se bydraes strek oor slegs 2 bladsye.

Leesrooster vir lidmate  – Advent 2017 tot Koninkrykstyd 2018 – volg die seisoene van die kerkjaar en maak gebruik van die erkende teksrooster Revised Common Lectionary, Jaar A. Dit moedig lesers aan om die feeste, gebruike en gewoontes van die kerkjaar te vier en te ervaar.

Leesrooster vir lidmate kan gebruik word saam met die ander publikasie in die reeks, naamlik Woord en fees.

BESKIKBAAR OKTOBER 2017

KOOP NOU >>

Vir meer inligting en bestellings, kontak asb vir BYBEL-MEDIA HANDEL by 0860 26 33 42 of .">.">. Besoek gerus ook ons webblad by bybelmedia.org.za

File Version Licence Size Added Hits

2 Petrus 3:8-15a - 10 Desember 2017 - Tweede Sondag in Advent

2Petrus3 8-15aIn Bybel-Media se Woord en Fees is voorstelle vir ‘n familie-oomblik. Jy kan ook aansluit by hierdie week se fokus op vrede, en 2 Petrus se oproep tot ‘n lewe van vrede, deur Peace Week in Miss Fox’s Class deur Eileen Spinelli te lees. Nota: die preekriglyn sluit die hele hoofstuk 3 in. Vandag vier ons die eerste koms van Jesus na die wêreld. Ons kyk ook vooruit na Jesus se wederkoms. In die spanningsveld tussen eerste en tweede koms vind die gemeente die regte oriëntering om volgens die wil van God te lewe. In hierdie hoofstuk fokus Petrus op die wederkoms van die Here Jesus Christus en gelowiges se lewenshouding daaroor. Hy wil die geloofsgemeenskap motiveer tot 'n lewende verwagting daarvan. Hy sluit sy brief af met 'n enkele vers wat die interessante verwysing het na God aan wie die heerlikheid behoort: "nou en ook tot op die dag van die ewigheid." 'n Manier om op nóg 'n wyse uit te spel dat die dag van die Here oneindig lank is.

2 Petrus 3:8-15.ppt 660 KB Nov 21, 2017 07:19 Download 5
2 Petrus 3:8-15.pptx 623.37 KB Nov 21, 2017 07:18 Download 6
2 Petrus 3:8-15.doc 273 KB Nov 21, 2017 07:17 Download 9

1 Korintiërs 1:3-9 - 3 Desember 2017 - Eerste Sondag in Advent

1Korintiers1 3-9Die preekstudie maak die punt dat hoop nie 'n stel reëls is om na te lewe nie, maar 'n gedragskode. Om vanuit ons identiteit in Christus te leef. Die doop beklemtoon juis ons identiteit in Christus. Nooi mense om hulle name op gekleurde stroke lap/linte te skryf en in die liturgiese ruimte, naby die doopvont, op te hang as beeld daarvan dat ons almal God se kinders is. Dit is ook die begin van die Adventseisoen en 'n goeie tyd om met kinders te gesels oor wat Adventstyd is en wat al die simbole beteken wat ons tydens Adventstyd gebruik. Die preekriglyn begin met die opmerking dat die meeste mense weet hoe om 'n brief te teken. Na ‘n paar voorbeelde wat dit onderstreep, gaan dit oor na die Griekse gebruik om briewe aan die begin te teken, soos Paulus hier doen. Paulus het meesterlik geweet hoe om sy briewe aan die begin te teken, net gepas vir die geleentheid. Op die oog af is die gemeente in Korinte die tipe geloofsgemeenskap wat medegelowiges hooploos laat. Die probleem was nie 'n gebrek aan entoesiasme vir volgelingskap van Jesus nie, maar eerder oor entoesiasme wat in 'n tipe spirituele meerderwaardigheid onder sommige oorgekom het. Dit het tot konflik en verdeeldheid gelei. Teen hierdie agtergrond is die openingsverse van die brief verrassend. Daar is geen teken te bespeur van dit wat later aangespreek word nie, altans nie op die oppervlak nie! Hy begin om te skryf oor die feit dat hulle identiteit bestaan uit wat God aan hulle gedoen het, en vir hulle gegee het. Hy wil hulle oproep om hulle lewe vanuit hierdie fondament te voer. God roep hulle daartoe. Hulle moet word wat hulle reeds in Christus is. Soos Advent dit ook vir ons doen, daardie tyd van die jaar dat ons vooruitkyk na Jesus se koms na die aarde. God het vir ons 'n nuwe identiteit en roeping gegee. Dit moet ons help om bestek op te neem oor hoe ons met die uitleef daarvan vaar, waarvan ons ons moet bekeer. Advent wil ons herinner om te word wat God van ons gemaak het.

1 Korintiërs 1:3-9.ppt 1016.5 KB Nov 19, 2017 16:13 Download 15
1 Korintiërs 1:3-9.pptx 914.4 KB Nov 19, 2017 16:12 Download 13
1 Korintiërs 1:3-9.doc 113.5 KB Nov 19, 2017 16:11 Download 30

Kerkjaar 2016-17

Woord en fees –
Preekstudie Advent 2016 – Koninkrykstyd 2017

Woord en fees - Preekstudie Advent 2016 tot Koninkrykstyd 2017

Prys: R280.00

KOOP HIER

Woord en fees – Advent 2016 tot Koninkrykstyd 2017 – is ʼn hulpmiddel vir die voorbereiding van eredienste en die ontwikkeling van preke. Dit volg die seisoene van die kerkjaar en maak gebruik van die teksrooster Revised Common Lectionary, Jaar A.

Woord en fees kan gebruik word saam met die ander publikasie in die reeks, naamlik Leesrooster vir lidmate.

---
Leesrooster
- Advent 2016 tot Koninkrykstyd 2017

Leesrooster - Advent 2016 tot Koninkrykstyd 2017

Prys: R80.00

KOOP HIER

Nuwe ontwerp en aanslag

• Die fokus val nou meer op bruikbaarheid.

• Die bydraes is daarom baie meer kernagtig.

• Elke week se bydraes strek oor slegs 2 bladsye.

Leesrooster vir lidmate  – Advent 2016 tot Koninkrykstyd 2017 – volg die seisoene van die kerkjaar en maak gebruik van die erkende teksrooster Revised Common Lectionary, Jaar A. Dit moedig lesers aan om die feeste, gebruike en gewoontes van die kerkjaar te vier en te ervaar.

Leesrooster vir lidmate kan gebruik word saam met die ander publikasie in die reeks, naamlikWoord en fees.


 

File Version Licence Size Added Hits

Matteus 25:31-46 - Ses en Twintigste Sondag in Koninkrykstyd – Sondag van Christus die Koning - 26 November 2017

Matteus25 31-46aHierdie kan ‘n lekker teksgedeelte wees om op te voer. Jy kan ook die heerlike storie van Vader Panov deur Tolstoy vertel. Panov bid dat hy graag die Here wil ontmoet. Deur die dag ontvang hy allerhande mense. Wanneer hy dan in die aand wonder waar die Here was, word hy herinner dat die Here daar was in die mense wat Panov gehelp het. Die preekriglyn begin met die die verhaal van Patricia Miller wie se hart in vyf jaar tussen die nood van ongevalle totaal afgestomp het. Totdat die Here haar oë oopgemaak het deur die ma van ‘n jong vrou wat 'n oordosis dwelms geneem het. Dit is ook waartoe ons teks ons nooi, om in liefde uit te reik na dié wat ons nodig het. Hopelik laat hierdie gelykenis ons met nuwe oë en erns kyk na die eenvoudige dade van liefde aan ons medemens in nood. Wie weet, daardeur bevind jy jouself heel moontlik in koninklike geselskap.

Matteus 25:31-46.ppt 1.03 MB Nov 19, 2017 15:33 Download 21
Matteus 25:31-46.pptx 728.74 KB Nov 19, 2017 15:32 Download 17
Matteus 25:31-46.doc 268 KB Nov 19, 2017 15:31 Download 42

1 Tessalonisense 5:1-11 - Vyf en Twintigste Sondag in Koninkrykstyd - 19 November 2017

1Tessalonisense5 1-11Wanneer 'n mens na 'n groot gebeurtenis toe gaan, soos 'n troue of 'n rugbywedstryd, trek jy die regte klere aan. Die ingeslote foto’s van kinders het elkeen vir 'n spesifieke gebeurtenis gereed gemaak. Kan jy raai vir watter gebeurtenis elkeen is? Ons teks praat daarvan dat ons Jesus as jou klere aantrek! Gesels met die kinders oor wat dit prakties beteken. Die preekriglyn begin by al die voorspellings van wanneer die aarde sal vergaan. 23 September 2017 was die jongste datum waarop die aarde definitief sou vergaan, volgens Meade. Maar, die aarde het toe nie op 23 September 2017 vergaan nie. Dié voorspellings is jammer, want dit maak mense onverskillig oor Jesus se boodskap: die dag van die Here kom onverwags, soos 'n dief in die nag. Daarom roep Paulus ons op om mekaar te bemoedig en versterk met die oog op daardie dag. Ons word aangemoedig om 'n stil en heilige lewe te lei, gevul met hoop, gebed en vreugde.

1 Tessalonisense 5:1-11.ppt 1.71 MB Nov 13, 2017 10:41 Download 63
1 Tessalonisense 5:1-11.pptx 1.61 MB Nov 13, 2017 10:40 Download 42
1 Tessalonisense 5:1-11.doc 402 KB Nov 13, 2017 10:40 Download 139

1 Tessalonisense 4:13-18 - Vier en Twintigste Sondag in Koninkrykstyd - 12 November 2017

1Tessalonisense4 13-18Kinders is nie bang om oor die dood te praat nie. Hulle dink nog nie aan hul eie dood nie, maar het dikwels al ‘n geliefde verloor. Hierdie is ‘n goeie geleentheid om met hulle daaroor te gesels. Jy kan ook ‘n verkorte weergawe van die pragtige Ida, Always deur Caron Levis wys. Skakels na die video ingesluit. ‘n Ander opsie is om te reflekteer oor hoe ons hartseer/rou hanteer deur die storie van Tess’s Tree te vertel. Skakel ook ingesluit. Die preekriglyn begin met die boek van Kurt Vonnegut, Cat's Cradle, na aanleiding van die atoombom wat aan die einde van WO II op Hirosjima gegooi is. In die boek verken hy die groeiende tegnologiese vermoë van die mens, en bring dit in verband met die mens se algemene dwaasheid en kortsigtigheid. Die hoofkarakter van Cat's Cradle, John, beplan 'n boek oor die dag dat die wêreld eindig. Terwyl hy besig is met sy navorsing kom John op 'n hoofstuk in 'n boek af met die titel: "What Can a Thoughtful Man Hope for Mankind on Earth, Given the Experience of the Past Million Years?" Dit neem John nie lank om die hoofstuk te lees nie, want dit bestaan uit net een woord: "Nothing", gevolg deur 'n punt. Vonnegut se boek beskryf die gevoel wat baie mense vandag het: daar is geen hoop op die langtermyn nie. Dit is in dié situasie wat die boodskap van 1 Tessalonisense 1:3 hoop bring. Paulus wys hoe die drie deugde van geloof, liefde en hoop saamwerk. Op verskillende maniere raak hy hierdie tema in die 1 Tessalonisense-brief aan. In ons teks is hy spesifiek besig met die derde deug: hoop. Die hoop waarvan hy praat, het betrekking op Jesus Christus wat die aarde nuut maak. Dit wat God aan Christus se liggaam in die graf gedoen het (om dit op te wek tot lewe), is wat God in Christus met die res van die skepping gaan doen. Hierdie hoop hou deug lewend. Uit die hoop word die daaglikse geloof en liefde gebore. Hoop het dus vir gelowiges alles te doen met die toekomende lewe, maar ook met hierdie lewe.

1 Tessalonisense 4:13-18.ppt 2.66 MB Nov 05, 2017 06:17 Download 61
1 Tessalonisense 4:13-18.pptx 2.05 MB Nov 05, 2017 06:16 Download 76
1 Tessalonisense 4:13-18.doc 304 KB Nov 05, 2017 06:15 Download 181

1 Tessalonisense 2:9-13 - Drie en Twintigste Sondag in Koninkrykstyd - 5 November 2017

1Tessalonisense2 9-13Paulus skrywe dat hulle opgetree het soos ’n pa teenoor sy kinders. Met Familietyd kan jy die verskillende ingeslote foto’s gebruik om pa’s se optrede te beskrywe en dan oor ons eie optrede teenoor mekaar met die kinders te gesels. Die teksindeling werk met 2:1-13 as 'n eenheid. Aangesien hierdie die eerste van 'n reeks preke uit 2 Tessalonisense is, word in hierdie preek van heelwat inleidende stof gebruik gemaak. Paulus het eers laat in sy bediening begin om briewe te skrywe. Hierdie eerste brief kom ongeveer 16 jaar nadat hy die dramatiese bekering op die pad na Damaskus beleef het. In hierdie brief wys hy na Christus, weg van homself, en praat hy oor die vorming van die gelowiges om Christus na te volg tot eer van God die Vader. Paulus se bediening herinner aan die wyse waarop Johannes die Doper uitgebeeld word op die Isenheim altaar, na die skildery van Matthias Grünewald. Terwyl Christus aan die kruis ly, staan Johannes die Doper aan sy linkerkant, met 'n lam aan sy voete. Die lam is 'n uitbeelding van Christus se offer, terwyl Johannes se wysvinger buite verhouding groot uitgebeeld word. In Latyn staan die beroemde woorde van Johannes die Doper geskryf: "illum oportet crescere me autem minui" – "Hy moet meer word en ek minder." Dit is wie Paulus in sy bediening wou wees: iemand wat na Christus wys, en in Jesus se Naam dissipels maak, opbou in die geloof en bind tot 'n gemeente van die Here.

1 Tessalonisense 2:9-13.ppt 1.45 MB Oct 30, 2017 09:15 Download 86
1 Tessalonisense 2:9-13.pptx 1.37 MB Oct 30, 2017 09:13 Download 61
1 Tessalonisense 2:9-13.doc 125.5 KB Oct 30, 2017 09:13 Download 194

Matteus 22:34-46 - Een en Twintigste Sondag in Koninkrykstyd – Hervormingsondag 29 Oktober 2017

Matteus22 34-46aAs julle dit nog nie het nie, skaf Bybel-Media se Saamkleurpret oor die Sola’s aan. In kleiner gemeentes kan jy die prente groot druk en op ‘n tafel (of die vloer!) voor in die kerk sit, sodat kinders tydens die diens kan sit en inkleur. Daar is ook lekker stories oor reformatore, wat jy hier kan vertel. Ons het in 2012 en in 2015 voorgestel dat jy die verhaal van Luther vertel mbv akteurs. As jy dit nog nie gedoen het nie, is vanjaar natuurlik die perfekte geleentheid! Of gebruik die prettige video wat Luther se verhaal vertel, of die meer besadigde weergawe. Alle skakels ingesluit. In ons teksgedeelte word twee vrae gevra: Die eerste vraag word (36) deur 'n wetgeleerde aan Jesus gestel, terwyl Jesus die tweede vraag aan die Fariseërs stel (42). Die vrae skep die raamwerk vir oordenking en fokus op Hervormingsondag: "'Meneer,' vra hy, 'wat is die groot gebod in die wet?'" en: "Wat dink julle van die Christus? Wie se seun is Hy?" Ons teks verbind die identiteit van Jesus as Here, ware God en Mens, die Een wat liefde volledig beliggaam, en die wese van die onderwysing van God op 'n merkwaardige manier aan mekaar. Luther het ontdek dat hierdie Jesus die liefde en genade van God aan mense bedien. Hy beliggaam die genade van God, wat ons ontvang deur die leë hande van geloof uit te steek en dit te omhels. Dat ons ons hande uitsteek, is alleen maar die genade van God. Hierdie genade verander ons lewens totaal. Ons word ook die draers van God se aktiewe liefde na ander. Soos die Skrif ons leer. Ons doen dit alles alleen tot verheerliking van God.

Matteus 22:34-46.ppt 1.63 MB Oct 21, 2017 05:47 Download 126
Matteus 22:34-46.pptx 999.95 KB Oct 21, 2017 05:45 Download 88
Matteus 22:34-46.doc 330.5 KB Oct 21, 2017 05:45 Download 281

Matteus 22:15-22 - Twintigste Sondag in Koninkrykstyd - 22 Oktober 2017

Matteus22 15-22bDie kern van die fokusteks is opgesluit in die verse oor die muntstuk. Vertel daarom iets van die ontwikkeling van betaalmiddels en hoe dit in die NT gewerk het aan die hand van die ingeslote inligting. Ons teksgedeelte speel af in Jesus se laaste week voor sy teregstelling en dood aan die kruis. Die preekriglyn vertel iets meer van wat alles in daardie Heilige Week gebeur het sowel as die vier twisgesprekke met die Jode. Jesus se wysheid snoer egter die monde. Daarmee word Jesus se identiteit as leermeester op ironiese wyse deur die Fariseërs bevestig. Jesus is inderdaad die laaste woord van waarheid. Die kerngedagte van hierdie Skrifgedeelte onderstreep die boodskap van getrouheid aan jou Leermeester.

Matteus 22:15-22.ppt 869.5 KB Oct 16, 2017 17:17 Download 91
Matteus 22:15-22.pptx 781.04 KB Oct 16, 2017 17:16 Download 74
Matteus 22:15-22.doc 113 KB Oct 16, 2017 17:15 Download 154

Filippense 4:1-9 - Negentiende Sondag in Koninkrykstyd - 15 Oktober 2017

Filippense4 1-9Sluit aan by vers 8 en 9 en vertel die storie van die oulike seuntjie Buddy wat heel dag TV gekyk en saam met ‘n slegte groep seuns uitgehang het en die effek wat dit op hom gehad het (Cross, L. Story Sermons for Children). Daar is ook ’n inkleurprent. Die preekriglyn sluit aan by die goeie verhouding tussen Paulus en die gemeente van Filippi. Teen hierdie agtergrond skroom Paulus ook nie om persone in die gemeente wat in onderlinge konflik verkeer het, aan te spreek nie. Hoewel die verwysing na die spanning slegs kortliks aangeraak word, kan ons nogal baie hieruit leer oor die hantering van konflik in die gemeente van die Here. Vir almal wat konflik moet hanteer (en dit is ons almal), help dit nogal om op te let wat Paulus nié sê nie, en wat hy wél sê. Wanneer ons na hierdie verhale luister, verstaan jy waarom die groot teoloog, Lesslie Newbigin, gesê het die primêre uitlegger van die evangelie is die praktiese lewe van die gemeente van Christus. Die lewe van die gemeente is die boek wat die wêreld lees, en op grond waarvan hulle besluit of dit die moeite werd is om Jesus Christus te volg. Laat ons daarom Paulus se daadwerklike optrede raaksien. Hy neem praktiese stappe om konflik met wysheid, deug en vreugde te vervang. Ons moet hom daarin navolg. Om Christus ontwil.

Filippense 4:1-9.ppt 587 KB Oct 08, 2017 08:13 Download 97
Filippense 4:1-9.pptx 532.49 KB Oct 08, 2017 08:11 Download 88
Filippense 4:1-9.doc 428 KB Oct 08, 2017 08:11 Download 208

Filippense 3:4b-14 - Agtiende Sondag in Koninkrykstyd - 8 Oktober 2017

Filippense3 4b-14aIn vers 7 en 8 vertel Paulus dat hy goed nou in ’n nuwe lig evalueer/ ander waarde aan goed begin heg. Ek dink elke kind weet wat dit beteken. By ’n kersboom gebeur dit baie – een geskenk wat jy dalk aan die begin kry en jou baie bly gemaak het, wat oorskadu word deur ’n latere geskenk wat baie groter is en presies is waaroor jy al so lank droom. Dan is die eerste geskenk eintlik vir jou waardeloos of dan ten minste van baie minder waarde. Om vir kinders ’n ervaring daarvan te gee, doen die ingeslote aktiwiteit. Die preekriglyn begin met die vraag na wat jy soek in die lewe? Wat is vir jou belangrik, bo alle ander dinge? Jy kan aansluit by die Duitse kortverhaal met die titel: "Der reichste Mann des Dorfes", in Afrikaans vertaal: "die rykste man in die dorp". Dit gaan oor 'n besondere ryk en selfgenoegsame man, verreweg die rykste man in die dorp wat tot diep insig hieroor kom. In 'n sin is dit ook wat Paulus vanuit die gevangenis vir die gemeente in Filippi probeer sê: "Al wat ek wens, is om Christus te ken …"

Filippense 3:4b-14.ppt 1.93 MB Sep 25, 2017 07:12 Download 129
Filippense 3:4b-14.pptx 951.96 KB Sep 25, 2017 07:11 Download 117
Filippense 3:4b-14.doc 120 KB Sep 25, 2017 07:11 Download 244

Filippense 2:1-13 - Sewentiende Sondag in Koninkrykstyd - 1 Oktober 2017

Filippense2 1-13Wat van ‘n Kersverhaal? Die skattige “Unexpected Christmas” herinner ons op ‘n humoristiese manier hoe onverwags Christus se selfontlediging is. Dit sluit wonderlik aan by die konsepte van vandag se Skrifgedeelte. Nog ‘n manier om selfontlediging te verduidelik, is die storie van “Charlotte’s Web”. Skakels na die boek en ‘n gedeelte van die fliek ingesluit. Paulus se brief aan die Filippense is 'n liefdesbrief. Dit is gerig aan die een gemeente onder almal met wie hy verreweg die beste band gehad het. Hy noem die gelowiges in Filippi adelphoi, die voorkeur manier waarop die broers en susters in die familie van God aangespreek is. Dit is 'n woord wat beide geslagte ingesluit het. Die gemeente is deur God aan Christus vasgebind, 'n band deur die Heilige Gees gesmee. In Christus is die gemeente ook aan mekaar vasgebind. Eenheid en navolging is ten nouste aan mekaar gebind. Ons is een in Christus, en ons volg Christus as liefdesgemeenskap na. Paulus roep die gemeente op om "eensgesind te wees: een in liefde, een van hart, en een in strewe". Dit alles word gemotiveer in alles wat God vir ons gedoen het. Die evangelie bestaan uit die selfprysgawe van God in Christus, ter wille van ons. Hierdie daad van God vorm ons identiteit: ons is mense wat deur die hoë God gedien is en word. Dit spel ook ons roeping uit. Daarom volg ons God na in Jesus Christus. Ons is ligdraers wat die goeie doen wat God vir ons voorberei het.

Filippense 2:1-13.ppt 1.09 MB Sep 25, 2017 06:46 Download 117
Filippense 2:1-13.pptx 723.41 KB Sep 25, 2017 06:45 Download 91
Filippense 2:1-13.doc 316.5 KB Sep 25, 2017 06:44 Download 220

Filippense 1:21-30 - Sestiende Sondag in Koninkrykstyd - 24 September 2017

Filippense1 21-30Rig 'n groepie kinders af om die gelykenis van die arbeiders met woord en beweging te vertolk. Of gebruik die ingeslote illustrasie om oor die kinders se lewenswandel te gesels. Dit preekriglyn sluit direk aan by die belydenis: "Jesus is die Here." Die teks vra van ons om dié waarheid te lewe! Paulus verduidelik aan die Filippense hoe Jesus se heerskappy tegelyk sy lewe én sy denke oor die dood beheers. Omdat ons sterwe ons verenig met Christus leef ons reeds hier en nou uit ‘n diep persoonlike verhouding met Hom. Die hoofsaak van ons lewenswandel gaan daarom. Ons aktiewe toewyding daaraan word saam met al die gelowiges gedoen. Dit is ons roeping, beklemtoon ons teks. Wat ons saam onder leiding van sy Gees met hierdie roeping maak, is ook lewensbelangrik vir ons getuienis in hierdie wêreld.

Filippense 1:21-30.ppt 1.12 MB Sep 19, 2017 07:39 Download 150
Filippense 1:21-30.pptx 1.03 MB Sep 19, 2017 07:38 Download 130
Filippense 1:21-30.doc 932 KB Sep 19, 2017 07:37 Download 239

Eksodus 14:19-31 - Vyftiende Sondag in Koninkrykstyd - 17 September 2017

Eksodus14 19-31As jy lekker dramaties kan vertel, gee ons ‘n paar hulpmiddels om die verhaal te vertel. Die preekriglyn sluit aan by ‘n gesprek in die kerkgebou van Kareedouw, een van die pragtige dorpe in die skilderagtige Langkloof. Terwyl die gesprek oor die wil van die Here vir die omgewing gaan, merk iemand op dat ons oor die bewaring van water, berg, boom en omgewing moet praat. Die Bybel gaan ons hierin voor, sê hy. Sedertdien het ons land deur die meule van 'n wydverspreide droogte gegaan. Net 'n entjie van Kareedouw was plekke soos Knysna en Plettenbergbaai die slagoffer van ongekende brande wat verstommende skade aangerig het. Vandag lag ons ouderling-vriend verleë oor sy vroeëre opmerking. Hy weet eintlik al die jare van beter, sê hy. Die Bybel vertel hoe God mense deur vuur en water heen dra, deur vloed en droogte beskerm. Hy weet ook dat die aarde en al die elemente daarvan kosbaar is, en beskerm moet word. Mens moet sekerlik by die landbouvereniging oor hierdie sake praat. Maar jy moet veral in die kerk daarvan praat. God gaan ons hierin voor. Soos in hierdie bekende verhaal van Moses en die Rietsee met die Troue God. Dink saam oor wat hierdie geskiedenis vir ons beteken aan die hand van drie elemente wat in die verhaal opgesluit lê: waarskuwing, troos en herinnering. En sing Franciskus van Assissi se bekende liede om jou daarmee te help: Laudato si, mi signore, per sor aqua (Alle lof aan U, my Heer, deur Suster Water), laquale e multo utile et humile et pretiosa et casta (so nuttig, nederig, kosbaar en suiwer).

Eksodus 14:19-31.ppt 918 KB Sep 09, 2017 07:29 Download 126
Eksodus 14:19-31.pptx 795.08 KB Sep 09, 2017 07:27 Download 113
Eksodus 14:19-31.doc 137.5 KB Sep 09, 2017 07:27 Download 264

Eksodus 12:1-14 - Veertiende Sondag in Koninkrykstyd - 10 September 2017

Eksodus12 1-14Vertel die 10 plae vir die kinders op eenvoudige wyse. Daar is ’n Afrikaanse vertelling ingesluit met grafika. Jy kan ook die ekstra stof gebruik. Die doel is om by die tiende plaag uit te kom. Verbind dan die Paasfees (Passover) aan die tiende plaag terwyl die kinders proe aan gebreekte stukkies matzos, en ’n paar opgesnyde stukkies oorskiet braaivleis. Sorg dat dit sonder enige sout gebraai is, maar sprinkel met (bitter) kruie soos oreganum. Onderstreep hoedat die opoffering beteken het die eersgeborenes van die Israeliete “passed over” was. Die preekriglyn val direk weg met ’n beskrywing van die Paasfees. Dit is immers die woorde wat die groot verlossende drama beskryf waarin God vir Homself 'n volk red en 'n nuwe mensheid skep. Wanneer ons Eksodus lees, ontmoet ons God as die Verlosser van sy mense, 'n versorgende God, 'n teenwoordige God, by sy volk terwyl hulle op reis is van Egipte na Kanaän, van die plek van slawerny tot by die land van belofte en verlossing. Daarom is die geskiedenis wat Eksodus vertel so belangrik. Die woord Eksodus beteken letterlik "'n pad of weg uit". Die boek vertel hoe God "'n pad uit" vir sy volk voorsien het, hulle wat slawe in Egipte was. Die instelling van die Pasga veronderstel deurgaans dat gelowiges terugdink aan wat God in Egipte gedoen het. Die gelowiges dink ook toekomsgerig: hulle weet dat God hulle op die pad vorentoe sal bewaar, juis op grond van sy reddende dade in die verlede. Terwyl hulle die Pasga vier, hoop hulle ook op hul volkome verlossing, die beloofde land wat wag, die koms van die Messias en die heerlikheid wat God sal laat aanbreek. Geloof gebeur tussen herinnering en hoop. Ook in die Nuwe Testament is geloof 'n balans tussen herinnering en hoop. Die Pasga is opgevolg deur die Nagmaal. In die nagmaal dink ons terug aan die grootste reddingsdaad van alle tye: Jesus se verlossing aan die kruis. Die tekens van brood en wyn herinner ons hieraan. Maar in die brood en wyn proe ons ook al reeds iets van die groot feesmaal wat met die tweede koms van Jesus sal aanbreek. Wat hou ons staande? Juis die praktiese viering van ons geloof in die hede.

Eksodus 12:1-14.ppt 1.26 MB Sep 04, 2017 08:23 Download 114
Eksodus 12:1-14.pptx 1.15 MB Sep 04, 2017 08:22 Download 119
Eksodus 12:1-14.doc 131 KB Sep 04, 2017 08:21 Download 233

Eksodus 3:1-15 - Dertiende Sondag in Koninkrykstyd - 3 September 2017

Eksodus3 1-15Lees hierdie Skrifgedeelte met behulp van voorlesers soos aangedui. Daar is ook ‘n video-snit wat jy kan gebruik. Of gesels oor die betekenis van name as inleiding om oor God se naam te gesels. Daar is twee preekriglyne. Die eerste lei in met die verhaal van Peer Gynt wat ‘n doellose lewe gelei het as keiser van die self en selfsugtigheid. Hy sterf sonder God, omdat hy ‘n lewe sonder betekenis gelei het. Hy het God nie gehad nie, en het homself nie aan ʼn lewensroeping gewy nie. Eksodus 3 vul daardie gaping en is ‘n uitnodiging om die pad met God na lewensvervulling te loop. Die tweede preekriglyn fokus meer op wie die God is wat roep. In terme van hierdie ontmoeting tussen God en Moses kan ons ook oor onsself en God in ons tyd nadink.

Eksodus 3:1-15.ppt 1.1 MB Aug 26, 2017 15:51 Download 126
Eksodus 3:1-15.pptx 1.07 MB Aug 26, 2017 15:50 Download 136
Eksodus 3:1-15.doc 320.5 KB Aug 26, 2017 15:50 Download 267

Matteus 16:13-20 - Twaalfde Sondag in Koninkrykstyd – Barmhartigheidsondag - 27 Augustus 2017

Matteus16 13-20Verduidelik die betekenis van die moeilike woord “barmhartigheid” aan die kinders ... Dit beteken veral om vir iemand anders om te gee ... Soos wanneer ’n maatjie geval het en daar is bloed aan sy knie- dit vir hom af te vee met ’n nat lappie en hom te troos ... Soos om jou lekker broodjies vir skool met iemand te deel wat nie kos in sy kosblik het nie ... Ons gee om vir ander mense omdat God eerste vir ons omgegee het! Hoor bietjie hoe het Matteus daaroor geskryf ... Deel nou items/ lekkers uit ‘n “goody bag”uit vir die kinders … Maar die keer met ‘n ander doel- hulle moet dit in die week vir iemand anders gaan gee! Die preekriglyn begin met die kunswerk "Die Skepping van Adam" deur Michelangelo Buonarotti, een van die mees bekende Renaissance kunstenaars. Dit is 'n fresko wat deel uitmaak van die Sistynse Kapel se plafon, waaronder die moment uit Genesis waar God vir Adam skep. Sommige kenners sê die inspirasie vir die skildery kom uit die Middeleeuse lied Veni Creator Spiritus (Kom, Skepper Gees) wat bid dat "die vinger van die Vader se regterhand" woorde aan die gelowiges gee. Geen lewe is moontlik sonder dat God dit gee nie. Ons sou kon byvoeg: Geen insig, geen selfverstaan, roepingsbesef, ja, geen getuienis is moontlik sonder dat God openbaring, kennis, wysheid gee nie. Ons het geen lewe, geen begrip, geen benul van ons identiteit, ons gebrokenheid en ellende, en van God se liefde en verlossing, sonder dat God dit aan ons meedeel nie. Sonder God het ons nie eers woorde oor God nie, kan ons niks oor God bely nie. Ons het openbaring nodig. Gelukkig skenk God dit ruimhartig, soos die lewe self. Soos Jesus in ons teks aan Petrus sê: "Gelukkig is jy ... want dit is nie 'n mens wat dit aan jou openbaar het nie, maar my Vader wat in die hemel is."

Matteus 16:13-20.ppt 1.48 MB Aug 21, 2017 04:51 Download 120
Matteus 16:13-20.pptx 1.34 MB Aug 21, 2017 04:50 Download 124
Matteus 16:13-20.doc 125.5 KB Aug 21, 2017 04:50 Download 236

Matteus 15:(10-20), 21-28 - Elfde Sondag in Koninkrykstyd - 20 Augustus 2017

Matteus15 21-28Onthou, ons hoef nie altyd “morele lessies” uit veral die narratiewe van die Bybel te haal nie. Lees/vertel gewoon die skrifgedeelte op ’n manier wat kinders innooi. Laat twee mense hierdie week se Skriflesing doen – iemand lees die vrou se woorde en iemand anders Jesus se woorde. Hulle kan selfs die gedeelte opvoer. Jy kan ook Max Lucado se pragtige verhaal gebruik: “Al wat jy nodig het”. Die preekriglyn begin met die waarskynlike lesers vir wie Matteus sy evangelie skryf. In hierdie gemeente was daar die eerste keer mense uit die heidendom, nie-Jode, ontvang. Dit het verskeie vrae en krisisse opgeroep. In sy Evangelie roep Matteus die woorde en dade van Jesus in herinnering om die gemeente in Antiogië te help om Jesus te volg, om op te tree soos wat dit pas by leerlinge van Jesus, die Here. Hier gebruik hy die verhaal van Jesus se ontmoeting met 'n Kanaänitiese vrou wie se dogter in die mag van 'n bose of onrein gees was. Onmiddellik is al die grense tussen mense, wat soveel spanning in Matteus se gemeente geskep het, weer aan die orde. Dit is die grense tussen Jood en heiden, man en vrou, siek en gesond, heilig en demonies, die ou geslote Joodse benadering en die nuwe benadering wat Jesus gebring het. Jesus se hantering van dié vrou het ‘n voorbeeld vir hulle geraak hoe om gelowiges uit die heidennasies te hanteer, soos dit ook vandag vir ons ‘n voorbeeld is.

Matteus 15:21-28.ppt 1.51 MB Aug 14, 2017 19:23 Download 143
Matteus 15:21-28.pptx 890.58 KB Aug 14, 2017 19:22 Download 115
Matteus 15:21-28.doc 290.5 KB Aug 14, 2017 19:22 Download 255

Matteus 14:22-33 – Tiende Sondag in Koninkrykstyd – 13 Augustus 2017

Matteus14 22-33Gesels as inleiding tot die teksgedeelte oor wat als op die water kan loop aan die hand van die ingeslote voorbeelde. Lees dan die teks en gesels oor die wonder daarvan. Die preekriglyn begin met ‘n verhaal van ‘n tjokkaboot wat omgeslaan is en die ontberinge van die vissers. Die see is nie speletjies nie. So het die Jode in Jesus se tyd ook geweet die see is nie speletjies nie. Die see was 'n ruimte van bedreiging en onsekerheid, die tuiste van gevaarlike magte. Dalk is dit een van die redes waarom die dissipels nie gelukkig was met die idee om sonder Jesus met die skuit in die nag na die oorkant te vaar nie. Hulle vrese vir die see word bewaarheid met die storm wat opsteek. Jesus se verskyning aan hulle en veral die rol wat Petrus daarin speel, bring hulle by ‘n aangrypende belydenis: "Waarlik, U is die Seun van God". In 'n dobberende skuit onthul Jesus die fondament van die Christelike geloofsgemeenskap!

Matteus 14:22-33.ppt 2.27 MB Aug 07, 2017 14:12 Download 152
Matteus 14:22-33.pptx 1004.68 KB Aug 07, 2017 14:10 Download 124
Matteus 14:22-33.doc 121 KB Aug 07, 2017 14:10 Download 263

Matteus 14:13-21 – Negende Sondag in Koninkrykstyd – 6 Augustus 2017

Matteus14 13-21‘n Heerlike ware storie om te vertel, is dié van Wangari Maathai wat Kenia se landskap verander het deur te begin met ‘n inisiatief wat met meer as 30 miljoen bome wat aangeplant is Kenia se landskap verander het. In 2004 word sy die eerste vrou uit Afrika om die Nobel Vredesprys te wen. Daar is ‘n pragtige storieboek vir Kindle beskikbaar wat haar storie vertel – kyk die video daarvan hier. Of vertel die storie in jou eie woorde! Die preekriglyn sluit by die voorloper verhale van Jesus se broodvermeerderingswonder uit 2 Konings 4 deur die bediening van die profeet Elisa. Hierdie verhale verteenwoordig God se belangstelling in die alledaags lewe en nood van mense. God skep 'n wêreld waarin daar voorsiening gemaak word vir mense se uitdaging om in moeilike omstandighede te kan leef. God is die Lewegewer, die Gasheer wat lewe op aarde moontlik maak. Die man van God, Elisa, is die agent van God waardeur God se genade bemiddel word. Op hierdie manier word die mag, heerlikheid, liefde en versorging van God openbaar. Dit is die lewe wat in die koninkryk van God deur die bediening van Jesus Christus moontlik word. Ons moet weet dat God vandag nog in die konkrete behoeftes van mense belang stel én daarin voorsien. Die mense se honger was werklik, maar dit word in die wyer konteks van die evangelieverhaal ook simbolies van 'n dieper honger. In beide soorte honger kan die mense nie voorsien nie. God gryp egter self in deur Jesus wat uit egte medelye die brood breek. Terselfdertyd is die broodbreking ook 'n magsverklaring van die Messias wat in absolute sin in mense se behoeftes voorsien. In die Here se hande verander die klein gawes en word dit baie. Op hierdie pad moet die kerk self eers verander word. Dit doen God ook: Voordat die dissipels vir die honger skares "iets kon gee om te eet", moes Jesus egter eers hulle weerstande oorwin. Jesus bevry mense tot egte mededeelsaamheid!

Matteus 14:13-21.ppt 1.6 MB Jul 31, 2017 08:30 Download 160
Matteus 14:13-21.pptx 849.8 KB Jul 31, 2017 08:29 Download 167
Matteus 14:13-21.doc 291 KB Jul 31, 2017 08:28 Download 335

Matteus 13:31-33, 44-52 – Agste Sondag in Koninkrykstyd – 30 Julie 2017

Matteus13 31-33 44-52aCarolyn Brown suggereer dat ’n mens die ses gelykenisse deur verskillende persone laat voorlees met ’n verteller wat die inleiding en opsomming doen. Elkeen kan hulle gelykenisse illustreer met die onderskeie items wat daarin genoem word. Die preekriglyn lei die gelykenisse in met ‘n verduideliking van hoe vars produkte deur 'n proses van gisting gaan. Kortom: gefermenteerde kos is ongelooflik gesond vir die menslike liggaam. Veral spysvertering en die bekamping van verskeie dermkanaalsiektes baat by gefermenteerde voedsel. Hierdie natuurlike en gesonde gistingsproses laat mens aan die koninkryk van die hemel dink. Sonder dat jy veel sien gebeur, oor tyd, stadig, kom die koninkryk. Dit word uit skynbaar onbenullige bestanddele gebore, maar groei met groot krag. Uiteindelik kan dit nie geïgnoreer word nie.

Matteus 13:31-33; 44-52.ppt 1.71 MB Jul 24, 2017 08:50 Download 171
Matteus 13:31-33; 44-52.pptx 1.55 MB Jul 24, 2017 08:48 Download 161
Matteus 13:31-33; 44-52.doc 174 KB Jul 24, 2017 08:48 Download 301

Matteus 13:24-30, 36-43 – Sewende Sondag in Koninkrykstyd – 23 Julie 2017

Matteus13 24-30 36-43aDie gelykenisse – soos die verhalende tekste – kan gewoon vir kinders vertel of uit ‘n kindervriendelike Bybel gelees word. Jy kan ook mense laat deelneem tydens die Skriflesing. Gebruik papierborde met kwaai en vriendelike gesiggies om die goeie en slegte saad te illustreer. Jy kan ook prente van verskillende plante wys en vra of dit onkruid is of nie. Jy kan ook die storie van Scardey Squirrel (Amazon) gebruik of die ingeslote skakel na ‘n video-voorlesing daarvan. Die preekriglyn begin met die verhaal van die ma wat haar tienerseun sover gekry het om te help onkruid uittrek. Soos ma's maar maak, gee sy haar seun ordentlik instruksies oor wat om te doen. Waarop die seun opgemerk het: "Ek red net die blomme van onkruid, ek is nie die blommetjies se sielkundige nie." Ons gelykenis vertel die verhaal van 'n saaiboer waardeur Jesus met ons oor die koninkryk van God praat. Saam met die werklikheid van God se ryk is daar ook die werklikheid van vyandskap, teenstand en onkruid. Die gelykenis vertel dat kinders van die koninkryk rekening moet hou met die kwaad rondom hulle in die wêreld. In hierdie gelykenis laat God die goeie en die kwade toe naas mekaar, tot die voleinding van die wêreld. God se boodskap is dat Hý die kwaad sal uitroei. Aan die einde sal die skeiding kom. Aan julle vrugte sal julle geken word. Dié wat struikeling veroorsaak het en die wetteloses sal eenkant gesit word. Hulle wat daardie keuse gemaak het, sal vernietig word. 'n Verskriklike lot sal hulle tref – 'n vurige oond! Julle is in die wêreld gesaai – en daar is ook ander saad. Sorg net dat jy groei! Laat jou lig skyn. Jou lig is nou nog klein – eendag op die dag van die Here, sal julle so helder soos die son skyn!

Matteus 13:24-30, 36-43.ppt 1.27 MB Jul 17, 2017 09:12 Download 184
Matteus 13:24-30, 36-43.pptx 762.19 KB Jul 17, 2017 09:11 Download 159
Matteus 13:24-30, 36-43.doc 292.5 KB Jul 17, 2017 09:10 Download 287

Matteus 13:1-9, 18-23 – Sesde Sondag in Koninkrykstyd – 16 Julie 2017

Matteus13 1-9 18-23aVra vir die kinders wie van hulle al boontjies in watte laat ontkiem het. Vra vir die kinders wat ’n mens moet doen om saad te laat ontkiem? Brei uit op die lug, vog, warmte, en tyd wat nodig is. Dieselfde geld die saad van die woord. Laat die kinders oor die 4 noodsaaklikhede praat en waarvandaan dit in die geloofsfamilie kom. Die preekriglyn sluit aan by die droogte van 2016 wat steeds ’n groot effek het op ons land. Dit help ons om die gelykenis van die saaier op 'n baie diep vlak te verstaan. Ons ken die teleurstelling van saad wat nie 'n oes oplewer nie, maar ook die vreugde van saad in goeie grond wat dertig-, sestig- of honderdvoudig oes oplewer. Wanneer die oes ons verwagtinge te bowe gaan, is die vreugde en dankbaarheid teenoor die Gewer van alle goeie gawes, veral reën, sonskyn en vrugbare grond, uitermate groot. Moeder Theresa van Kalkutta het dit raak gevat: "God roep ons om getrou te wees. nie suksesvol nie." Saaiers wat voortdurend rekening hou met hulle eie identiteit as saailand kan die lewe kwalik anders aanpak as met die oog gevestig op Hom. Daarom: "laat dié wat ore het, hoor."

Matteus 13:1-9, 18-23.ppt 894 KB Jul 10, 2017 09:35 Download 171
Matteus 13:1-9, 18-23.pptx 784.19 KB Jul 10, 2017 09:34 Download 151
Matteus 13:1-9, 18-23.doc 126.5 KB Jul 10, 2017 09:33 Download 303

Genesis 24: 34-38, 42-49, 58-67 - Vyfde Sondag in Koninkrykstyd - 9 Julie 2017

Genesis24 34-67Vertel gewoon die storie! Lees dit uit ‘n lekker kinderbybel. Daar is ‘n powerpoint met lekker prente van die hele verhaal, wat jy net so kan gebruik, ook ‘n paar ander opsies vir aktiwiteite vir kinders. Die preekriglyn begin met die feit dat hierdie teks is 'n heerlike vrou-soek verhaal is, maar terselfdertyd ook duidelik 'n verhaal is van God wat in dit alles die leiding neem en 'n vrou vir Isak gee wat by hom kan pas sodat hy die rol kan speel wat God in die heilsgeskiedenis vir hom beplan het. Soos Abraham die gasvrye een gewees het in die vorige geslag sou Rebekka dit nou wees in die volgende geslag. Haar gasvryheid sou verseker ook haar skoonpa se goedkeuring weggedra het! Soos die verhaal ontvou, kan ons onsself, ons foute en tekortkominge, maar ook ons eie passie, soeke, hoogtepunte en sterkpunte ontdek. Ons kan opnuut weer leer wat dit beteken om God te vertrou, God se wil te soek, en saam met familie en lewensmaats te leef.

Genesis 24:34-67.ppt 2.49 MB Jul 02, 2017 07:56 Download 191
Genesis 24:34-67.pptx 2.49 MB Jul 02, 2017 07:54 Download 206
Genesis 24:34-67.doc 289 KB Jul 02, 2017 07:54 Download 330

Genesis 22:1-14 - Vierde Sondag in Koninkrykstyd - 2 Julie 2017

Genesis22 1-14Carolyn Brown meen dat hierdie verhaal die grusaamste verhaal in die Bybel is. Kinders mag wonder of hullle ouers hulle dalk ook sal offer! As jy die verhaal oor die boeg van vertroue gooi, kan jy die ingeslote speletjie speel oor vertroue as inleiding om oor vertroue te gesels. Die preekriglyn begin met ‘n dramatisering van die verhaal wat eindig met die boodskap dat Abraham met sy terugreis hierdie groot insig bekom het: "Die Here voorsien. Op die berg van die Here word voorsien." Die implikasies van hierdie ontstellende verhaal word dan uitgelê in terme van die erns van geloof wat in die eerste plek geïllustreer word in die absolute onverdeelde lojaliteit wat God van Abraham vra. Geloof is nie speletjies nie. Dit is ‘n ernstige saak van lewe en dood. Die ander kant van hierdie boodskap is egter ook dat geloof in die tweede plek vir God 'n ernstige saak is. God sê immers vir Abraham: "Nou weet ek dat jy My dien …" Die hemel het 'n sug van verligting geslaak toe Abraham in God geglo het ten spyte van die toets wat vir hom gestel is. Die derde implikasie van die verhaal is dat geloof ook vir ons 'n ernstige saak is. God sal waarskynlik nie van jou vra om jou seun of dogter fisiek te offer nie. Hy kan en sal egter van jou vra dat jy Hom eerste stel in jou lewe. Dat jy in die eerste plek lojaal aan Hom sal wees en bly. Selfs al word jy daarin getoets, soos dit was met die Hervormer Johannes Hus, wat die hoogste prys moes betaal vir sy onwrikbare geloof dat die Here Jesus alleen die Christus is teenoor die kerk se leringe van sy tyd.

Genesis 22:1-14.ppt 1.44 MB Jun 27, 2017 14:07 Download 193
Genesis 22:1-14.pptx 1022.8 KB Jun 27, 2017 14:06 Download 186
Genesis 22:1-14.doc 112.5 KB Jun 27, 2017 14:05 Download 336

Genesis 21:8-21 - Derde Sondag in Koninkrykstyd - 25 Junie 2017

Genesis21 8-21Kinders het gewoon nodig om die Bybelverhale te hoor. Jy kan dus net fokus op die verhaal. As jy kreatiewe lidmate het, kan julle die verhaal opvoer! Daar is ook voorbeelde van ‘n video, speletjie, en ‘n legkaart-vertelling! Die preekriglyn begin met skilder Rina Badenhorst se vierde uitstalling (en haar vyftiende solo-uitstalling sedert 1975) in Port Elizabeth in Mei 2017 wat die verhaal vertel van die verskriklike verwoesting in die Siriese stad, Aleppo. Voorheen was daar in Aleppo een van die grootste groepe Christene in die Midde-Ooste. Hul sterftes in die oorlog sowel as die vlug van duisende as vlugtelinge het hul getalle egter van sowat 'n kwart miljoen tot onder 'n honderdduisend verminder, met slegs sowat 45 kerke wat vandag nog oor is. En dit is hierdie oorlog wat die agtergrond vorm vir Rina se uitstalling: Aleppo: Life in the Rubble of Destruction. Die verhaal van die uitstalling eindig met twee skilderye. Die een word gepas Into Darkness genoem wat die oorlog en die nasleep daarvan met donker kleure en vorms betreur. Die ander een is Flight into Light wat 'n glinstering van hoop gee dat hierdie oudstes van stede in ons wrede wêreld, Aleppo, weer 'n opstanding kan beleef. Dit verskaf ’n gepaste inleiding vir die spanning in Abraham se huisgesin met die geboorte van Isak. Dit bring die huishoudelike drama tussen Sara en Hagar tot 'n keerpunt. En Sara se bevel dat Hagar en Ismael weggejaag en afgesny word van haar en Abraham se gesin, ruk ‘n mens aan die hart. Die teks laat ons dus nadink oor verlorenheid, God se getrouheid in die haglikste van omstandighede, oor wat sy seën in redding beteken, oor omgee vir die “ander” en die situasie van vlugtelinge en ontworteldes. Die teks help ons dus om te besef mens dat almal in die wêreld se lyding is ook ons lyding. Daarom dat 'n Afrikaanse skilder in Port Elizabeth 'n uitstalling oor die smart van Aleppo kan hou. Ons staan nie los daarvan nie, maar moet daarvoor bid en die Here vra wat anders ons moet doen. So ook met al die ander ellendes oor die wêreld heen. Ons doen dit met 'n beroep op God, die Een wat volgens die Bybel op 'n besondere wyse die God van die noodlydende is.

Genesis 21:8-21.ppt 2.33 MB Jun 19, 2017 14:41 Download 244
Genesis 21:8-21.pptx 1.76 MB Jun 19, 2017 14:40 Download 239
Genesis 21:8-21.doc 305 KB Jun 19, 2017 14:39 Download 409

Genesis 18:1-15 - Tweede Sondag in Koninkrykstyd - 18 Junie 2017

Genesis18 1-15Vertel die ingeslote storie van Justin. Die punt is om die idee van ’n belofte wat verwagting skep op die tafel te sit, die wag daarvoor te beklemtoon en daarna die vervulling van die belofte te vertel. Sluit daarna aan by die verhaal van Abraham en vertel kortliks die storie. Die preekriglyn begin met ‘n dramatisering van die teks wat die besondere openbaringskarakter van die verhale in Genesis uitlig. Dit help ons om diep na te dink oor die lewe, oor God, oor menswees en oor wat regtig belangrik is in dié lewe. Dit sluit vir ons die betekenis van ons menswees oop en nooi ons uit om op die belangrike dinge te konsentreer. Genesis 18 wys in dié verband vir ons hoe gasvryheid 'n sleutel is tot 'n diep verhouding met God, 'n herstelde verhouding met mekaar en 'n lewensveranderende verhouding met die wêreld. Gasvryheid is nie maar 'n toevallige ding wat sommige kan doen en ander kan nalaat nie. Dit het nie net met jou persoonlikheid te make nie, maar met die diepste dele van jou menswees. Dink net as ons die beste wat ons het, kan netwerk met die slegste wat ons het! Die meeste met die minste! Die siekste met die gesondste! Die oudste met die jongste! Die vinnigste met die stadigste! Die rykste met die armste! Die slimste met die domste!

Genesis 18:1-15.ppt 1.37 MB Jun 12, 2017 20:40 Download 205
Genesis 18:1-15.pptx 1.28 MB Jun 12, 2017 20:39 Download 230
Genesis 18:1-15.doc 114.5 KB Jun 12, 2017 20:38 Download 398

Psalm 8 - Eerste Sondag in Koninkrykstyd - Drie-eenheidsondag - 11 Junie 2017

Psalm8Soos Carolyn Brown sê: “this may be a better week to celebrate God than to explain God”. Gesels oor hoe God meer is as wat ons ooit sal verstaan. Of sluit aan by Psalm 8 en lees die super-pragtige When God Made You deur by Matthew Paul Turner en David Catrow op Kindle. Of gebruik die voorbeeld van ‘n eier om oor die Drie-eenheid te verduidelik. Die preekriglyn begin met ‘n beskrywing van hoe ongelooflik die lastige huisvlieg gemaak is, een van die mees vaardige vlieëniers op planeet aarde. Hy klop enige voël, vlermuis, of insek, selfs bye. Dink daaraan en preek dan oor die feit dat as vlieë, van die nederigste wesentjies wat daar is, so wonderbaarlik is, hoe wonderbaar is die mens nie – wat God net minder as 'n goddelike wese gemaak en met eer en heerlikheid gekroon het.

Psalm 8.ppt 1004 KB Jun 01, 2017 16:55 Download 285
Psalm 8.pptx 791.81 KB Jun 01, 2017 16:54 Download 257


For DOWNLOAD is used JotLoader component © V. Kanich 2007-2009