Sondag, 01 Februarie 2009 00:00
Laas Opdateer op Dinsdag, 03 Februarie 2009 23:05
Geskryf deur Chris van Wyk
God praat - leef luisterryk (begeleiers)
Hierdie begeleiersgids is 'n belangrike hulpmiddel by die luistersiklus vir groepe. Dit gee leiers 'n dieper verstaan van die praktiese teologiese perspektiewe wat die basis van die luistersiklus vorm. Dit gee ook 'n wye verskeidenheid van kreatiewe voorstelle om die aanbieding van die luistersiklus mee af te wissel.
Oor die luistersiklus:
Die luistersiklus is ’n hulpmiddel om mense te help om na God en na mekaar te luister.
Dit bestaan uit drie groot bewegings – rus, hoor en leef.
- Die rus-beweging help mense om in ons gejaagde lewe tyd te maak om voor God tot rus te kom.
- Die hoor-beweging help gelowiges om uit verskillende hoeke te luister na wat God vir ons in die Bybel sê.
- Die leef-beweging help gelowiges om met hulle lewe te antwoord.
Hierdie drie bewegings is in ’n siklus geplaas, om daarmee te kenne te gee dat om te luister nie net by een geleentheid afgehandel word nie. Ons moet telkens tot rus kom, wéér luister na wat God sê om verder saam met Hom te leef (Jes 50:4: ”Elke môre laat Hy my opnuut weer luister ...”).
Die luistersiklus is ook in agt stasies onderverdeel. Dié stasies help mense om dieper in die luistersiklus in te beweeg:
- Ingenooi deur God – By die eerste stasie raak ons bewus van ons diepste behoeftes, vrae en vrese, en gee ons aan God oor.
- Ingaan in God se tyd – By die tweede stasie betree ons God se wêreld, en gaan in God se vrede in.
- Luister na God se Woord – By die derde stasie luister ons diep na die Woord, en ontmoet God.
- Luister na mekaar – By die vierde stasie maak God ons ’n luisterende gemeenskap, en Hy praat deur ander mense met ons.
- Luister na ander en die tye – By die vyfde stasie stel ons ons oop om God van onverwagse kante af te hoor.
- Luister weer na God se Woord – By die sesde stasie fokus ons op die beweging van die Gees in ons hart en gedagtes.
- Fokus op wat God nou doen – By die sewende stasie gee ons aandag aan wat God op hierdie oomblik aan die doen is en waarheen God ons lewe rig.
- Antwoord met ons lewe – By die agtste stasie besluit ons op ’n gepaste reaksie op wat God gegee/gedoen/gesê het.
Basiese gebruik
Daar is twee basiese maniere waarop die luistersiklus gebruik kan word:
- deur dit by een geleentheid deur te werk – hetsy deur net die drie hoofbewegings of elkeen van die agt stasies te doen. Dit kan telkens by volgende geleenthede (bv in ’n kleingroep of ’n familie) só gedoen word;
- deur elkeen van die agt stasies op sy eie as ’n afsonderlike proses te gebruik – daar kan selfs by meer as een geleentheid by ’n stasie vertoef word. Hiervoor is daar ook ekstra oefeninge en aanbevelings in dié begeleiersgids.
Saamgestel deur: Chris van Wyk en Nico Simpson.
Verkrygbaar in pakkies van 10 (groepe) plus 1 (begeleiers): R49.95
Los eksemplare: R30.00
Formaat: Slapband A5 boekie
Aantal bladsye:83
Teikenmark: Bybelstudie-, klein- en selgroepe.
Navrae en direkte bestellings: bestel@bmedia.co.za Deelnommer: 0860 26 33 42
Opsomming van inhoud: Die skrywers van Die vrou by die put gebruik die verhaal wat in Johannes 4 opgeteken is – Jesus en die Samaritaanse vrou – as vertrekpunt om te sê: God het ons gemaak met die behoefte om in gemeenskap met mekaar te wees. God het ons geroep om vir ander te leef, maar dit beteken om waarlik by hulle teenwoordig te wees. En om waarlik by hulle teenwoordig te wees moet ons grense na hulle toe oorsteek. En dit is presies waarmee hierdie boek gelowiges help.
Die vier programme op die DVD’s is gebruiksmateriaal vir DIE SEISOEN VAN LUISTER en is ideaal om binne gemeentekonteks gebruik te word. Temas word vanaf die DVD-indeks gekies om die vind van ʼn tema te vergemaklik. Geskik vir kerkrade, gemeente- en kleingroepbyeenkomste.